2021年01月21日 

52歲太太陀第一胎 黃澤鋒:犧牲真係好大

2019-01-18 (週五)

現年51歲的前無綫藝人黃澤鋒,與第二任太太、 52歲的陳麗麗結婚9年,前晚宣布願望成真造人成功,由於太太屬超高齡產婦, 新手爸爸黃澤鋒特別緊張,仲話:「太太呢個年紀陀B,犧牲真係好大!」一於無微不至照顧老婆,讓對方好好安胎。

黃澤鋒前晚於facebook貼出一對初生B女手套,並留言:「1+1=3#2019願望成真#以欣喜之心迎接新生命的來臨#一家三口。」開心Share老婆陀B的消息!黃澤鋒接受傳媒訪問時,直言首次當爸好開心,不過52歲的太太屬超高齡產婦,所以樣樣事都要多加注意。他坦言:「咁嘅年紀做爸爸,無論仔或女都好開心,我哋都唔細,而且太太呢個年紀陀B,犧牲真係好大!」
黃澤鋒透露太太目前陀B三個月,預產期7月,仍未知BB性別,他謂:「我未做過爸爸,同新手冇分別。」至於如何照顧老婆,黃澤鋒指太太陀B冇乜氣力,粗重功夫全包在他身上,並謂要努力搵奶粉錢:「我平時教開拳同小朋友游水,兩樣嘢都辛苦!不過太太都教開拳,所以我要頂埋佢個位!」還呼籲聽到他做爸爸的消息後,歡迎大家找他工作。