《C AllStar C AllLive 2021》昨晚在九展舉行，反應熱烈。梁釗峰接受訪問時說：「其實唔止觀眾，我都好珍惜今晚，因為今次唱咗好多新歌，有啲仲要係首唱，所以感覺特別正。」談到Jase在演唱會中拿着金色樽說是「組合金獎」，他坦言希望有獎：「因為攞到金獎嘅話就可以喺台上面唱歌，我哋四個好耐冇一齊參加頒獎禮，好想一齊企喺頒獎台上面唱歌俾大家聽，歌曲獎都得，都對今年所做嘅歌有信心。」