許廷鏗（Alfred）昨日(1日)出席「全新 Volvo XC40 Recharge Pure Electric 傳媒發佈會」，Alfred表示今次活動是他人生中第二次接觸的car show（車展）。問到他對車有沒有興趣，他直認：「對電動車有興趣，頭先出場試坐覺得車廂好靜，同埋鍾意電動車係因為覺得夠環保。」問到他有沒有駕駛習慣，他說：「我出入開工多數都係坐保母車，我屋企人就有好幾架車，但全部都係屬於佢哋嘅，不過有時我想出去郊外放鬆吓，都會問屋企人借車揸。」

Alfred近日頻頻出騷，吸金能力強勁，問他可以買多少部車，他說：「我剛才在台上直接問Volvo 老闆呢架車嘅售價，我係真心想知，我可以afford（負擔）得到，亦對呢架車好有興趣，如果買得成嘅話，咁就會係我人生中第一架自己擁有嘅車，我揸車好好脾氣，絕對係安全駕駛者。」

問到《全民造星IV》錄影完畢沒有，Alfred說：「錄影部分就做晒，等12月聖誕節總決賽就會有結果。電視剪裁都係最精華片段，有好多辛酸嘅片段都播唔到俾觀眾睇。 」Alfred在節目中喊得厲害，他笑言：「影到嘅我已經唔係嚴重，鏡頭後嘅我仲喊得厲害呀！」他又勉勵參賽者：「比賽止步唔係代表夢想完結，我都希望可以同參賽者合作，將佢哋嘅才能可以展現出嚟。」