人氣男團MIRROR爆紅，鏡粉無數，12子各有支持者，未知選擇老公又如何？鏡仔曾經在《MIRROR 100問》，被問到：「如果你有個妹，你想邊個成員做佢老公？」到底哪一個最多人選擇？是否萬人迷姜濤呢？Ian就選擇自己！最好笑是有鏡仔說一定不會選擇Edan，何解呢？結果最佳老公有三個鏡仔同分，分別是Ian、 Jeremy和Lokman，聽聽他們說的理由。

揀Ian

Ian（陳卓賢）二話不說選擇自己：「因為我應該係一個幾好嘅老公。 」又爆笑說：「我唔放心交我個妹俾佢哋。」

Anson Kong（江𤒹生）說：「感情上我會揀Ian，因為我同佢熟啲，我知佢會對阿妹好，但理性上我梗係揀姜濤，佢有100萬喎！」

Tiger（邱傲然）亦都選擇Ian：「 我個妹好喜歡彈琴、好喜歡音樂，我覺得Ian應該同佢幾啱傾！ 」

揀Jeremy

姜濤選擇Jeremy：「因為佢好識照顧人，唔會斤斤計較。」

Alton（王智德）的答案超爆笑：「一定唔係Edan先啦，做朋友都擔心，淨係遲到已經死啦。揀Jeremy，佢幾細心檢點。」有趣，難道其他成員不檢點？

Edan（呂爵安）現實中有個可愛妹妹小如豬，他盛讚Jeremy：「佢識做家務、識煮嘢食、識通廁所，佢個樣最唔喊濕，應該唔會亂咁嚟。」有這樣的老公，的確不錯！

揀Lokman

Jer（柳應廷）大讚Lokman：「因為佢好Take care人，都好溫柔體貼嘅，仲要風趣幽默！ 」

Frankie（陳瑞輝）說很想自薦，但最後選擇AK或Lokman：「佢哋都好識照顧人。」

Jeremy（李駿傑）知道自己受歡迎，他說：「 我知大家都會揀我，所以我都唔知揀邊個好，Lokman或者Stanley，因為其實佢哋都好識照顧人嘅，都係好大哥哥形象。」

至於第二名都有兩人同分，因為Jeremy都有選擇Stanley，所以Stanley和Alton平手。

Anson Lo（盧瀚霆） 說：「 我揀Alton，好忠厚正直，身體好厚實，好男人！」

Lokman（楊樂文）鍾情Alton：「因為佢有潔癖，所以佢做家頭細務做得妥妥當當，咁阿妹就唔使做家務喇！」有道理！

Stanley（邱士縉）很有自信說：「梗係自己啦，如果我係女仔，我都會鍾意自己，因為我高大威猛、靚仔有型、有才華、跳舞又叻，搵唔到！」

最後完全沒有人選擇的有Edan、Anson Lo、Tiger、Jer、Frankie，你是否覺得合理？