ViuTV 今日在尖沙嘴海港城舉行記者會，公布《全民造星IV》女團成員，結果一如早前流出的8人名單，除了冠軍Marf（邱彥筒）、亞軍Gao（沈貞巧）和季軍阿Day（許軼）之外，還有35歲的芯駖（李芯駖）、So Ching（蘇芷晴）、Winka（陳泳伽）、Candy（王家晴）和Ivy So（蘇雅琳），而團名亦一如所料叫「COLLAR」。ViuTV早前已為女團開設IG帳戶「collar.weare」，一出道已經超過10萬粉絲！記者會一開始，「COLLAR」率先獻唱出道歌《Call My Name》，當中Winka剪短頭髮，Candy打扮成熟了，不似18歲。之後各成員和ViuTV董事及總經理魯庭暉影大合照！會上司儀強尼宣布新歌《Call My Name》已經在各大音樂平台上架，今晚11點，8位成員還會在「COLLAR」 IG直播，和粉絲聊天，還透露將會舉行「CALL for COLLAR」演唱會，粉絲必定相當興奮！

35歲的芯駖是女團中年紀最大，Marf見「COLLAR」成員當日，得知芯駖入選激動到喊：「我諗返佢以前成日同我講：『我知自己幾多歲，好難呀！』但我哋好想試吓同佢一齊合作，所以見到佢就好感觸！」至於芯駖就說：「我冇諗過佢（Marf）咁激動，我自己都好驚喜。通知入團當日我仲瞓緊覺，係26日嘅下午5:00 ，女團經理人阿 Wing打俾我，開頭都有諗過佢話我知入唔到女團，因為入唔入到都會通知，我當晚仲約咗屋企人食飯，阿Wing就問我，你會唔會有興趣加入我哋女團，當刻反應唔到：『吓，你話我呀？』我即刻cancel咗夜晚餐飯，返去簽約！」

而由前夫開設的「我老婆嫁咗畀MIRROR導致婚姻破裂關注組」，其谷主昨日宣布成立「前夫反擊戰」群組，短短1日已經有超過5.5萬成員加入，有前夫搞笑留言說：「 反擊戰第一炮：今晚開始教啲細路認識新媽咪！」、「過埋今日，阿Day將會破壞好多家庭！」甚至連藝人張建聲都留言：「君子報仇，十年未晚，起頭呀，各位兄弟，成個男人返晒嚟。#補充番我係win粉！」不過有前妻就入Group留言：「我只願意同Candy share前夫，不過屋企所有空間同埋牆壁只可屬於姜濤！」相當搞鬼！

女團「COLLAR」成員：

Marf（ 邱彥筒）19歲 獸醫護士

Gao（沈貞巧）28歲 街舞導師、舞蹈員

阿Day（許軼）19歲 學生

芯駖（李芯駖）35歲 舞者

So Ching（蘇芷晴）25歲 跳舞老師、舞蹈員

Winka（陳泳伽）23歲 歌手

Candy（ 王家晴）18歲 學生

Ivy So（蘇雅琳）20歲 學生