MIRROR 新一年有新搞作，昨日排舞師Rock Sir在IG Story貼出和AK（江𤒹生）及Alton（王智德）的合照，並留言：「新歌就快排起喇，Yeah！」令AK的生粉和Alton的蛋白粉勁期待，留言支持：「支持你AK，期待你同兄弟Alton合作！」早前Alton接受美國華語節目《偶像名人堂》越洋訪問，就坦言恨和兄弟出歌，還直言不時向花姐落藥：「希望有呢一日！」今次真是守得雲開見月明！

想不到今日再有好消息，MIRROR的官方IG在下午上載一條短片寫道：「二月｜四個驚喜，敬請期待！初七人日快樂 ！」片中出現部分MIRROR成員，不過樣子模糊，難以辨認，不過有眼利鏡粉就認出當中有Jeremy（李駿傑），雖然未知他是否出處男Solo，但他的粉絲Unicorn已經超開心：「 終於等到啦！係Jeremy 呀！ 係咪solo已ready? unicornsss 都ready啦！」、「Jeremy講過相信一切都是最好的安排，最好嘅事情會係適合嘅時間發生，呢個時候李一定會一鳴驚人，現在嘅Jeremy嘅心靈更強大，實力更進步，Unicornsss都變得更加強大！」、「好感動，仲未冷靜到！我準備好迎接Jeremy solo，李駿傑我愛你！」

當中還有久未出歌的Ian（陳卓賢），他的粉絲Hellosss激動留言：「相隔半年既新歌終於要推出啦！等到啦，所以Hellosss都超超超超超期待！好想聽陳生既新作品！」、「期待陳卓賢！等咗好耐啦！」有神徒亦認出教主Anson Lo（盧瀚霆），教主昨天就在IG留言：「明天新歌MV拍攝日，早睡超早起！」有鏡粉猜測：「應該係Ian, Anson Lo, Jeremy 出solo，AK同Alton拍住上，4首歌，所以係4個驚喜！」