Uncategorized

Sweet爆姊弟戀  親自買餸唔使女友操勞  Jeffrey:想喺佢30歲前結婚

23歲的魏浚笙(Jeffrey),前年和大她四年的女友Evelyn,參加Viu TV真人騷節目《調教你男朋友》而爆紅,之後拍節目《膠戰》系列、大熱劇《IT狗》、青春游水劇《i.SWIM》等,人氣爆燈!Jeffrey近日接受陳志雲節目《Stephen.傾》訪問,大爆和女友Evelyn拍拖6年,覺得女友很有內涵:「佢出口成文,用成語溝通,當時諗佢係咪老師,教中文!我變番有啲文化,佢又正常番啲。佢識我時好文縐縐,但我又鍾意佢文縐縐,唔知呢,係感覺!」

Jeffrey
Jeffrey超級靚仔。
Jeffrey
Jeffrey前年和大她四年的女友Evelyn,參加Viu TV真人騷節目《調教你男朋友》而爆紅。

女友Evelyn身兼Jeffrey經理人,平日很忙,身為男友的Jeffrey竟然經常去大埔街市買餸,不用女友操勞:「因為我女朋友煮飯,我就負責買餸同洗碗, Evelyn通常喺屋企做嘢,佢有時間就一路做一路做,所以佢冇時間再處理買餸呢啲嘢!」陳志雲問 Jeffrey靚仔買餸有甚麼好處,Jeffrey說:「買菜多條蔥,如果佢唔俾我都會𢱑,因為我覺得蔥係唔值得俾一蚊買!」現場即時傳來爆笑聲。Jeffrey繼續說:「有時會恰我係細路,恰我新手買菜,我問可唔可以搭條蔥呀?佢話:『加一蚊啦!』我會話:『隔離阿姨買餸,你俾佢唔俾我!』跟住就會俾我!」肯幫女友買餸的男人很Man!

Jeffrey
Jeffrey近日接受陳志雲節目《Stephen.傾》訪問,大爆和女友Evelyn拍拖6年,覺得女友很有內涵。
Jeffrey
女友Evelyn身兼Jeffrey經理人,平日很忙,身為男友的Jeffrey竟然經常去大埔街市買餸,不用女友操勞。

談到結婚,Jeffrey高呼:「我一直都好想結婚,我想喺佢30歲前結婚,但佢覺得好早,仲有三年,我想但係佢唔想咁快,佢覺得我做好嘢先,做好自己嘅工作先!」陳志雲問擔不擔心自己會變心,Jeffrey斬釘截鐵說︰「我唔怕,我唔會轉變。(Evelyn呢?)佢都唔會。」Sweet到爆!

Jeffrey
談到結婚,Jeffrey高呼:「我一直都好想結婚,我想喺佢30歲前結婚。」
Jeffrey
陳志雲問擔不擔心自己會變心,Jeffrey斬釘截鐵說︰「我唔怕,我唔會轉變。(Evelyn呢?)佢都唔會。」