食玩

【銅鑼灣】最新鹽焗奄仔蟹放題!$398兩小時任擦爆膏焗蟹+地道小炒 一個條件送埋鮑魚、焗蠔

常說秋天的螃蟹最肥美,但其實奄仔蟹在夏季才吃得到最飽滿的膏黃。趁奄仔蟹當造,大澳德發的銅鑼灣店近日推出 $398 鹽焗奄仔 蟹放題 , 不單止可以 2 小時任擦爆膏奄仔蟹,每位更會送鑊氣小炒如豉椒炒花甲、薑蔥霸皇雞、豉椒風沙茄子等,要是提早訂位食 蟹放題 ,大家還能加碼免費歎流浮山鹽焗蠔及 8 頭鮑魚各 1 隻,這個價錢以銅鑼灣區來說相當划算,海鮮控一定要試!

大澳德發主打不鮮不吃的蜑家菜,今次 蟹放題 的主角也選用了時令的菲律賓奄仔蟹乸,每隻約 4 至 6 両重,連同阿爾卑斯山岩鹽、八角、香葉等香料一起放入大瓦煲中焗製,老闆話只需 10 至 11 分鐘即可煮出最正的鹽焗奄仔蟹。時間到,大家都急不及待取出一隻隻奄仔蟹。最驚喜是,未拆蟹已經見到滿滿的黃膏爆出蟹身,質地柔軟且味道甘香,蟹肉更是鮮甜細嫩,帶淡淡鹹香,食得非常滋味。同樣的煮法,還可以鹽焗本地流浮山蠔及 8 頭鮑魚,最喜歡後者肉質夠爽口彈牙! 海鮮控大擦一輪奄仔蟹、鮑魚、焗蠔依然未夠喉,不妨額外追加花甲($88 /客)、扇貝($32 /隻)、蟶子($38/隻)等。若怕煮得太鹹,記得避免加太多水到瓦煲當中。

奄仔蟹是未經交配的青蟹,生於鹹淡水交界,而今次放題則選用每隻約4至6両重的奄仔蟹。

海鮮之外, 蟹放題 還提供多達 18 款鑊氣小炒,由辣酒煮花螺、黄酒煮滑雞、鹹魚蓉炒時蔬至冬菜銀魚仔蒸肉餅都有,推薦口感鬆脆的豉椒風沙茄子和嫩滑惹味的口水雞,送飯一流。

大澳德發—銅鑼灣店
地址:銅鑼灣謝斐道477-481號𦘦明大廈地下A號鋪連1樓
電話:2154 0188
鹽焗奄仔蟹放題價錢:$398 /位(包任食鹽焗奄仔蟹、一款指定鑊氣小炒、冷/熱飲品1杯 或 森堡啤酒1支)
供應時間: 6pm-10pm(需提前一日預訂)
網址:https://bit.ly/38HdEFH