食玩

柴灣半世紀平民食堂 秘製醬汁車仔撈麵

多次搬舖位,現時在柴灣吉勝街熟食市場開店的合興粥粉麵擁有逾半世紀歴史,小店主打車仔麵形式的撈麵,客人走到廚房落單叫餸,之後由一位姐姐負責煮麵,兩位姐姐負責夾餸和醬汁,零舍懷舊。店舖提供的配料款式不算多,只有咖喱魚蛋、魷魚、齋卜、滷水豬腸、豬皮、蠔油蘿蔔、柚皮等12款,不過價錢相宜,每款只係$3-$4,如果單餸麵則為$27。網上見到有試過的食客表示,其撈麵口感軟硬適中,秘製醬汁濃味帶辣,或者會有人覺得鹹。如果你喜歡辣食,亦可以加辣汁。大熱天時在小巷中品嚐一碟平民碟頭撈麵,未必人人接受到,但相信箇中情懷就是大家去品嚐的其中一個原因。

合興粥粉麵
時間:0630-1430(周日除外)
地址:柴灣吉勝街10號熟食市場