MIRROR人氣王 姜濤 最近接拍全新DARLIE 美白牙膏廣告，廣告中設置不同場景給姜Man任玩任食，其中一幕要姜Man食爆谷，於是導演就叫他「拋高嚟食」，姜Man練習幾次後成功用口接住，相當興奮，仲叫現場人員叫佢「拋爆谷達人」。貪玩的姜濤繼續拋，繼續食，直到工作人員阻止，以免他食完道具，姜濤回應話：「我係為咗有更完美嘅鏡頭效果，先至不停食爆谷練習咋！」廣告另一幕是姜濤跟一眾演員開心聚餐，姜濤以驚人速度，用3口就吃完一個熱狗，轉眼間消滅4個，重點是拍攝前只是剛剛吃過午飯，連工作人員都話姜Man做「吃貨」實在是當之無愧。

電視廣告將於明日（7月8日）播出，各大零售商亦會在特定門市設置不同造型的姜濤紙牌及裝飾，同時，有多達50架巴士化身成「「DARLIE x姜濤原齒白笑容號」，8月還有主題巴士站，各位姜糖留意。