熱話

外賣新丁首張訂單勁蝦碌 唔拎食物直接送自己過去

每個人第1日返工總會戰戰競競,緊張到甩皮甩骨。昨日糖水店糖水雄在Facebook貼出兩張WhatsApp對話圖,內容是店主和新入職外賣同事對話。見到店主安排員工18:20將外賣送到觀塘曉麗苑,還不忘為對方打氣,新同事回答:「知道,我會努力。」到17:15-17:59,店主先後3次問新同事:「出咗門口未?」、「請問到未,外賣已經製作好。」、「請問現在位置?」再提多次18:20要將外賣送到目的地。到18:11,新同事終於回覆:「唔使擔心我現在已經在曉麗苑了」、「早到咗十分鐘呀」。店主即時緊張起來,事關新同事連外賣都未取,就送自己過去,認真搞笑。

最後店主表示自己出馬,約對方在位於佐敦文匯街的店舖見面,事隔45分鐘,新同事又話:「我到咗雲匯 喇,原來雲匯係喺科學園,但係附近好似唔見有一間叫糖水雄嘅舖頭喎。」搞到店主即刻無言,再問新同事之前有沒沒從事過飲食業,而新同事就表示:「有,返咗三日畀人炒咗。」

新同事首張訂單,被要求18:20送到觀塘曉麗苑。
18:11,新同事表示已經到達目的地,不過連外賣都未取,就先送自己過去。
新同事連舖頭地址都搞錯