娛樂

《阿媽有咗第二個》票房突破千萬 有粉絲睇咗4次 姜濤打工點變姜糖茶餐廳

由彭秀慧編劇及執導、毛舜筠、姜濤、柳應廷(Jer)主演的電影《阿媽有咗第二個》叫好叫座,上映4日票房已突破千萬,氣勢凌厲!昨晚歌迷會在英皇戲院搞包場,姜濤低調現身,姜Man到晚上約8時去廁所,即時引起哄動,之後姜濤選擇離開,未有返回戲院看戲。

阿媽有咗第二個
由彭秀慧編劇及執導、毛舜筠、姜濤、Jer主演的電影《阿媽有咗第二個》叫好叫座,上映4日票房已突破千萬。

很多鏡粉大讚姜濤、Jer處男演出表現出色,紛紛表明會看多數次,姜糖留言:「姜濤連眼神也好戲,尤其當佢打開門見到老竇,眼有火。大銀幕下的姜生側面真係超靚仔,我人生第一次同一部戲入戲院睇第二次!」 、「本人也看了四次,但感受一次比一次強,眼淚也一次比一次多。」柳柳粉亦留言大讚Jer:「柳柳真係做得好好,簡直係超班!」、「柳柳演學生做得好出色呀😍!! 」

阿媽有咗第二個
很多鏡粉大讚姜濤、Jer處男演出表現出色。
阿媽有咗第二個
很多鏡粉表明會看多數次。

永發茶餐廳必食姜濤餐

電影大受歡迎,不少姜糖到姜濤戲中打工的油麻地永發茶餐廳潮聖打卡,有姜糖笑言:「去到簡直變咗姜糖茶餐廳,好多姜糖!」永發茶餐廳,開業20多年,去年借出予《阿媽有咗第二個》作為拍攝場地,戲中姜濤飾演的方晴就在這裏打工,現時茶餐廳貼滿姜濤的相和劇照,當中3個必影打卡位,包括姜濤沖奶茶嘅水吧、毛舜筠和姜濤坐過靠門口的卡位,以及姜濤送外賣、放在門口的單車,還有必食姜濤餐:炸燒賣和西多士!

阿媽有咗第二個
電影大受歡迎,不少姜糖到姜濤戲中打工的油麻地永發茶餐廳潮聖打卡,有姜糖笑言:「去到簡直變咗姜糖茶餐廳,好多姜糖!」(Keung To fb粉絲群組圖片)
阿媽有咗第二個
戲中姜濤飾演的方晴就在這裏打工,現時茶餐廳貼滿姜濤的相和劇照。(Keung To fb粉絲群組圖片)
茶餐廳貼滿姜濤的相和劇照。(Keung To fb粉絲群組圖片)
阿媽有咗第二個
還有必食姜濤餐:炸燒賣和西多士! (Keung To fb粉絲群組圖片)

《闔家辣》都喺度拍

茶餐廳老闆陳先生向傳媒透露,現時假日有一半客人都是專程來捧場的姜糖,茶餐廳還出售姜濤扮樓面伙記的制服,售價$180,內附一套白色制服和劇照。老闆還透露呂爵安(Edan)、鄭中基、吳君如主演的《闔家辣》都有一場戲在此拍攝。

3大必影打卡位:

阿媽有咗第二個
姜濤沖奶茶的水吧。
阿媽有咗第二個
毛舜筠和姜濤坐過靠門口的卡位。
姜濤送外賣、放在門口的單車。(Keung To fb粉絲群組圖片)
姜濤在電影中踩單車送外賣。

永發茶餐廳

地點:油麻地廣東道847-849號地下

營業時間:周一至日6:00-20:00