熱話

疑有人大潭水塘釣巴西龜煲湯 於FB揚言:歡迎各位批鬥

閒時經過海傍,總會見到有叔叔伯伯釣魚過日晨,不過日前,小編就在兩個Facebook群組看到有人上載4張相片分享收穫,但圖中並不是釣魚常見的泥鯭或石九公,而是巴西龜。樓主在貼文上寫道:「小弟喺大潭篤水塘成功用麵包同蝦釣到三隻巴西龜拎返屋企煲湯,為咗保護原生物種,大家齊齊食晒啲外來入侵物種佢!」還表示:「歡迎各位大愛人士同道德人士批鬥,請問大家係咪唔食肉㗎?係就出聲喎。」而4張相片中,有兩張清晰看到有巴西龜嘴裡含著魚餌和魚鉤,另一張相看到藍色膠桶內有3隻巴西龜,最後一張就看到雪櫃中有一碟用保鮮紙包裏著的烏龜,令人震驚。有網民留言詢問食譜,樓主回覆:「土茯苓煲龜,不過劏就麻煩啲。」有人不禁派嬲:「好X殘忍啊!」、「onX當有趣」、「覺得自己好型?」、「你死唔通唔畀你去死咩。」行為令人側目。

事主於Facebook群組中發文表示自己在大潭篤水塘釣巴西龜煲湯。
相片清晰見到巴西龜口中含著魚餌和魚鉤
藍色膠桶內有3隻巴西龜
雪櫃中有一碟用保鮮紙包裹著的烏龜
網民留言回應
網民留言回應