娛樂

張天賦 x 洪嘉豪演唱會  MC多謝KAHO:呢段路有人陪差好遠

MC(張天賦)和KAHO(洪嘉豪)一連三場《FRENEMY》演唱會,昨晚在九展STAR HALL舉行頭場, 兩人今次作出新嘗試,有多part勁歌熱舞,又互相交換歌曲來唱,令歌迷耳目一新。一開場兩人就跳唱《觸電》和《二損一》,令觀眾HIGH到飛起,跳唱完畢,兩人都喘著氣跟觀眾笑道:「嘩,收貨啦?呢個開場!係咪值回票價先?」觀眾歡呼不斷 。

張天賦
MC和KAHO一連三場《FRENEMY》演唱會,昨晚在九展STAR HALL舉行頭場。
張天賦
歌迷為兩人預備的應緩物件,塞滿STAR HALL場外。
張天賦
Star Hall變了打卡遊樂場。
張天賦
Star Hall變了打卡遊樂場。

接著MC笑着說:「啱啱唱完兩隻歌,依家二選一!睇吓邊個獨唱先!我哋用『殘酷骰仔』決定邊個唱先!經過噚晚採排發現,跳完兩隻舞再即唱Solo,其實好辛苦。」最後KAHO擇骰擇中自己,MC開心到幾乎彈上天。KAHO獨唱《主角光環》、《24/7戀人》、《半天空檔》後,接著到MC Solo,一口氣唱《Good Time》、《時侯不早》、《老派約會之必要》。兩人分別帶來新歌送給歌迷,MC唱《乾》,KAHO唱《還原淚》,兩人又合唱陳奕迅《最佳捐友》,MC叫歌迷珍惜友情親情,不要失去先後悔。

兩人今次作出新嘗試,有多part勁歌熱舞。
張天賦
MC Solo一口氣唱《Good Time》、《時侯不早》、《老派約會之必要》。
張天賦
KAHO獨唱《主角光環》、《24/7戀人》、《半天空檔》。

兩人再一輪勁歌熱舞後,MC笑指最衰排舞時沒有拍下making of :「最初排舞,佢(KAHO)不停投訴……..」KAHO說: 「係喎,人生黑面黑到爆….」MC回答 : 「係呀,差啲我就發脾氣添….哈哈!」KAHO指:「其實我哋真係好俾心機,呢次唔係叫『郁』,真係叫跳!」MC說 : 「所以大家應該睇到我哋付出咗好多第一次。」台下觀眾掌聲雷動。MC指自己為演唱會減肥最少4kg,現場觀眾大叫他:「除衫!」搞到MC尷尬傻笑耍手說:「未得啦,未到呢個位,哈哈!」

張天賦
MC說 : 「大家應該睇到我哋付出咗好多第一次。」

最後KAHO感性說,這個騷一定要多謝的人是MC:「今次呢個騷好密集成日見,好多時好inspire我,push我去跳舞先有今日成績,衷心多謝你!」MC亦說:「多謝你呢段時間陪我啦,呢段路上有人陪差好遠。剛就開場前,好彩有你喺後台有傾有講,我先冇咁緊張!」

張天賦
最後KAHO感性說,這個騷一定要多謝的人是MC。
現場座無虛席,觀眾反應非常熱烈。