娛樂

麥明詩新戀情曝光後 被嘲坐經濟位「咁cheap」|IG再度霸氣回應

「十優港姐」麥明詩雖然已淡出娛樂圈,但感情生活依然備受關注,日前她被發現與曾參加TVB《衝上雲霄大選》的前機師盛勁為到北海道旅行,兩人被拍到一同排隊等上機,各自的背包掛着同款烏龜公仔;在飛機上,麥明詩亦毫不避忌靠在男方膊頭入睡,十分甜蜜!

麥明詩
麥明詩新戀情日前曝光!
盛勁為曾為港龍副機師,2020參加TVB舉辦的《衝上雲霄大選》獲得亞軍,不過之後未有在娛樂圈發展,現時任職保險業

麥明詩被嘲坐經濟位「咁cheap」 IG反擊:

新戀情曝光後,網上議論紛紛,事隔一日麥明詩亦終於更新IG限時動態,不過並非回應戀情,而是分享一張討論區截圖 —— 有網民留言指「佢(麥明詩)都要坐經濟位!」後來又有人回應:「又係喎,抵被人影咁都慳錢咁cheap!」對此麥明詩大方承認:「係呀,我仲要用準備過期嘅Asia miles嚟換添」

麥明詩

過往曾多次霸氣回應

其實過往麥明詩都多次回應網民留言,獲稱讚「霸氣」及「高EQ」!例如早前她以超性感低胸打扮現身畫廊,引起網民熱論,有留言揶揄她「讀到10優又點?又係拋胸」,狠批麥明詩「好cheap」。麥明詩親自留言回應:「當然要讀書啦,讀咗書,多啲選擇,賺到錢養自己同家人,到時鍾意拋又得,唔拋又得!」

麥明詩又曾因被批「好多拜拜肉」、「建議你減肥」,於是借特首金句反擊:「一年前嘅我,的確好瘦,係,今日嘅我,多咗肥肉,有肚腩。點解?以結果為目標,依家唔使上電視,咪降低咗身形目標囉(同樣道理,萬一有廣告需要,我都可以好快達到目標㗎)」

麥明詩