娛樂

Edan呂爵安為《過時·過節》連踩十八場謝票 自爆與屋企人溝通不多

由新晉導演曾慶宏執導,毛舜筠、謝君豪、MIRROR成員呂爵安 (Edan) 、談善言、袁澧林、盧瀚霆 (Anson Lo)及馮素波等演出的《過時·過節》,已經踏入第二週上映,累積票房更即將衝破800萬!為答謝觀眾,首次參與電影正劇演出的Edan昨 (4日) 現身九龍及新界多家戲院,連踩18場謝票親身答謝粉絲支持!

Edan 呂爵安為《過時·過節》謝票

雖然每場謝票場時間有限,不過Edan都耐心跟觀眾交流,盡量回答粉絲的提問。被問到《過時·過節》對他的影響,Edan表示:「其實自己對演戲一直有一種迷惘,唔係好知道點樣為之好同唔好,尤其今次係比較正劇嘅處理,同大家睇過嘅《大叔的愛》嗰種截然不同,所以今次好幸運今次遇到導演Eric、毛姐同君豪哥呢班前輩,同我傾好多偈,不停調整我,令我有好多得著,包括係漸漸明白多咗演戲係點嘅一回事,更加要深入啲了解導演想帶出嘅message。

Edan
Edan連踩18場謝票
Edan

Edan自爆與屋企人溝通不多

電影中一眾角色因溝通不善而結下難解的結,Edan坦白自己在這方面也不太處理得宜:「我自己私底下喺屋企都唔係同屋企人有好多溝通,喺屋企似我家姐談善言戲中角色阿琪咁,唔係好出聲,由細到大好少同屋企人講心事。不過親身經歷呢部戲,我都有學習同屋企人多啲溝通,珍惜好緊要,所以呢部電影對我嘅意義已經超越一部作品,對人生有一定影響。加上我仲係好需要阿媽嘅照顧,所以唔會好似導演咁離家出走,哈哈!」而身旁的導演曾慶宏也打趣回應:「放心,我而家有同屋企人見面同食飯嘅!」

Edan

Edan清唱主題曲答謝觀眾

至於不少粉絲問到戲中阿陽與雀仔Anson Lo的關係,Edan回應說:「係好朋友嘅關係囉,不過如果喺電影嘅時空就未必會帶雀仔返屋企食飯啦,因為要帶咗我阿爸君豪哥返去齊齊整整食餐飯先!」Edan由下午跑戲院到晩上,粉絲們都相當熱情的歡呼和鼓勵,一向寵粉的Edan亦不禁清唱幾句電影主題曲《攀上天梯的螞蟻》,不少粉絲更陪同Edan大合唱,場面相當溫馨!

Edan