昨日是謝君豪的60大壽，日前他於歌手漢陽新開的餐廳City Dancer舉行「謝君豪影藝好友派對」，並以「君臨天下，豪戲連場」祝賀謝君豪「登六」。

謝君豪在圈中人緣甚廣，半百藝人好友到賀，包括劉嘉玲、毛舜筠、王丹妮、廖子妤、谷德昭、彭鏡光、鄧麗欣等，絕對星光閃閃，絕對勁過台慶！

原來彭鏡光、陳國邦、莫家堯與謝君豪是演藝學院的同學，相識多年，不過之後各有各忙而分道揚鑣，見面的機會也不會太多，難得在生日會上共聚一番。當晚謝君豪除了獲兩位影后劉嘉玲與毛舜筠相伴切燒豬蛋糕，ERROR成員何啟華、魏浚笙等則合唱生日歌為壽星公送上祝福。

對於「登六」謝君豪直言呢個生日會好感動，好感觸，「30、40、50歲都只係個標誌，直到60歲覺得自己再長大咗啲，但就唔係老成持重或者德高望重嘅老人家，最緊要係保持青青同年輕，仲有就係激情嘅一團火。」謝君豪又稱自己並非飲得之人，但當晚收到的生日禮物大多數都是酒，又指自己買了一部新電話作生日禮物，適逢魏浚笙送了一個手機殼給他，笑言：「個殼好潮，好多謝佢。」