剛在6月18日過33歲生日的JW王灝兒，早前忙於拍攝TVB劇集《痞子殿下2 痞子無間道》，日前終於能抽空為新歌《分手後的自癒療程》拍攝MV，JW表示：「因為最近太忙，呢首歌都交畀唱片公司幫我去諗，所以喺曲詞方編方面我都冇參與太多，到籌備MV嘅時候，我真係希望貢獻返，自己拍真係唔同啲嘅！」

JW提到MV中一場出浴戲，原來是她主動要求的：「其實呢場戲係我一直好想拍嘅，因為我見到人哋拍嗰啲沖涼嘅戲好靚，我自己沖涼都有試過一路冲一路喊，覺得花灑同啲眼淚一齊嗰種感覺好慘，所以我同導演提出。」雖然拍攝時有毛巾圍著身，但JW稱毛巾濕後好重：「我一邊要交戲，一邊要按著條毛巾唔好畀佢掉下來，諗返都幾搞笑！」

至於JW穿上婚紗的一場戲，導演要求JW喊，JW只用了15秒培養情緒後便立即哭了出來，她說：「原來拍劇真係可以訓練出來的啊！同埋好開心，MV入邊嘅婚紗都係我自己揀㗎！」

《分手後的自癒療程》MV：

MV拍攝花絮：