姜濤昨日同Anson Lo（盧瀚霆）、Edan（呂爵安）、Jer（柳應廷）到尖沙咀出席活動，姜濤影大合照時突然暈倒跌低，其餘三位成員即時扶他起身，有鏡粉發現Anson Lo因擔心姜B忍不住哭，還沿途拖着姜B的手，相當緊張。之後三人為品牌補拍宣傳片，Anson Lo雙眼明顯紅腫，到三子接受訪問，被問想擁有甚麼未來科技發明，當Edan和Jer作答時，Anson Lo只望地下和Edan，未有接住答問題，要Jer提醒：「你呢？」他才說：「想隱形。」之後還要NG再答，明顯心事重重！

之後Anson Lo繼續工作至凌晨1:26分才在IG出post：「剛剛完成MV的剪接工作，是時候回家休息。」到今早6:04，Anson Lo再出post時已經出車準備去工作，可見教主最多只睡4小時，令粉絲很擔心！一直關注姜B和Anson Lo兩人的IG粉絲專頁昨日就留言說：「我只係想話俾大家知，今日教主有來掃Story，仲要不只一次，我估現在情況係OK的。一齊為姜SON加油，亦希望BB休息完會好啲！ 」其他粉絲亦紛紛留言：「教主辛苦你哋，請好好休息，唔好再mom post！」、「 不哭，有我哋呀！」、「除咗擔心姜仔，你自己都要休息夠，神徒很擔心你！ 」、「 希望老姜快啲好番！」