MIRROR爆紅，鏡粉應援闊綽，12子狂接廣告，估計今年MIRROR成員共拍近200個廣告，姜濤、Anson Lo（盧瀚霆）、Edan（呂爵安）等出新歌，MV在YouTube火速破百萬View，人氣強勁！不過人紅自然是非多，本地Rapper Novel Friday今日就在YouTube推出新歌《MIRROR FREESTYLE》狂寸MIRROR，好像「不知不覺，變成商業口臉，唔講以為呢期興返薑蓉薑臉。」、「鍾意錢銀同名利，咪冇時間練歌。」、「太多賣樣扮做歌，俾個偶像包袱我。」、「今次感冒，仲未睇醫生，所以今晚呢個PITCH都仍然唱唔到啲音。」、「你本日記好狂咩？唔講以為MUSE嚟咗香港。」詞鋒辛辣！

網民聽歌後反應兩極，有網友說：「終於有人講真話…近期喺香港係咁話唔好放棄新人，但其實全部都係大話，佢哋只係冇放棄近期搵錢嘅樂壇新人，最後都係為咗錢。」、「我係大叔後先入坑嘅鏡粉，留意咗佢哋都只係兩個月左右，不過唔想盲撐，佢哋嘅live真心撐唔落 ！」、「傻啦，想當年Twins一樣係咁俾人話，一樣紅足十幾年！」、「MIRROR或花姐睇到嘅話，有心嘅話，就去練歌啦！」不過有鏡粉反擊：「唔知條友乜水，唔識佢喎，無人氣到要靠Mirror出位，真可悲！」、「Mirror 得人鍾意，因為佢哋唔會踩人…就算俾人話，俾人鬧，都只會檢討自己，然後再努力！比起那些用MIRROR做話題、博出位，高下立見！」