《魷魚遊戲》全球大熱， 譚俊彥（Shaun）因激似劇中男主角李政宰（456）而人氣急升，早前還與貌似「一二三木頭人」公仔的炎明熹拍搞鬼相，神還原「木頭人」遊戲。不過他今日出席無綫台慶劇《玩命真相》宣傳活動時，就自爆收到冒認Netflix的釣魚短訊騙錢，說自動付款失敗，要他點擊連結輸入資料，結果損失8千蚊！

Shaun說：「前一晚我出席完《廉政行動》煞科宴，第二朝個頭有啲暈暈地，我媽咪係用呢個戶口睇Netflix，我好驚佢會睇唔到，於是我就心急就㩒咗落去，佢用非洲貨幣，我好蠢冇留意。呢件事想提醒大家，因為呢排《魷》劇Hit，所以啲人用呢樣嘢呃錢。」Shaun又透露事後立即打去銀行取消張卡，所以大家小心，不要變水魚呀！