Anson Lo（盧瀚霆 ）自《大叔的愛》後紅得發紫，IG粉絲人數急升至59.7萬，ViuTV還為他度身訂造真人騷節目《神的女主角》，超受歡迎。最近娟姐練美娟接受節目《月傾會》主持林柏希訪問，大爆在有份拍《大叔的愛》的Edan（呂爵安）、Anson Lo和Stanley（邱士縉）中，Anson Lo最多女冧：「最多女冧一定係Anson Lo莫屬，無論青春少艾或者已婚人妻，你知唔知連我表姨媽都好鍾意佢！」

Anson Lo出名寵粉，每日都會在社交平台和神徒互動，他近日接受網紅加蔥訪問，就說感恩每日透過社交平台收到神徒說：「我愛你！」 教主說：「呢一句係好簡單嘅示愛，但其實我每日都成日聽，每日我起身去做嘢，我check大家嘅Story，大家純粹想俾個支持我。第二句係『一起走下去』呢五個字，依家去到出道就嚟三年，反而近排大家同我講呢句說話多咗好多，可能大家知我近排愈來愈大壓力！」對於之前拍CK廣告騷肌令神徒瘋狂，教主大爆有想過出寫真集：「其實半年前我係有諗過嘅，但因為平時好多工作都有好多類似寫真嘅相，所以就打消咗呢個念頭。」