ViuTV為Anson Lo(盧瀚霆)新歌MV女主角度身訂造的節目《神的女主角》，播出以來極受歡迎，網民大讚搞笑又感人。昨晚播出一集 ，四位參賽者的兩位隊友，要鬥快完成雙人天梯。暖男教主為幫參賽者測試天梯嘅安全度，特意親身示範一次，但他爬上去便開始緊張，還反問自己：「點解我會自願做呢part，到底發生咩事？」又唱《EGO》定驚，再爬高些又忍不住說：「黐線㗎！」、「救命呀！」超可愛。

爬上去後要正式行天梯，雖然有教練陪伴在側，但教主仍然很驚慌，高呼：「求下你幫幫手！」、「求下你條繩唔好郁呀！」到冷靜過後，他終於成功踏出第一步：「其實唔係咁恐怖！」又跟參賽者說：「只要你肯踏出第一步，之後嘅道路就好平坦， 原來你克服到自己驚嘅嘢！」不過當教主完成準備落地面時，他就搞笑說:「條安全帶好chok我嘅重要部位！」然後尷尬地笑，教練就神回：「男人最痛係咁嘅。」神徒看完節目紛紛留言：「教主好可愛，明明驚驚都要為咗神徒而試玩！」、「教主你好英勇呀！」、「教主so sweet，大暖男！叫神徒怎能不愛你？」最正是有神徒說出重點：「大支嘢係麻煩啲！」超爆笑！