娛樂

娛樂

姜濤 做嘉賓超級驚喜   張敬軒讚姜Man謙厚:每個長輩都喜歡呢個人

張敬軒第十場紅館演唱會補場的嘉賓是姜濤,令觀眾超級驚喜,難怪「奶奶」姜媽媽都來看騷,姜濤先和軒仔合唱《斷點》,再獻唱《Master Class》,又送上薯條和漢堡包,還餵軒仔食,High爆全場!

姜濤
張敬軒第十場紅館演唱會補場的嘉賓是姜濤,令觀眾超級驚喜!
姜濤
「奶奶」姜媽(中)都來看騷,左邊是姜濤姨媽。

軒仔介紹姜Man出場前說:「幾年前我喺個公開活動認識咗一個朋友,自此之後我哋成為咗網友,佢好得意,佢以前見我嘅時候就好怕羞好怕羞,但係當我哋認識之後,佢每一次問我問題,全部都係關於唱歌同音樂,甚至乎佢令我最感動嘅係,佢會將佢啱啱拍好嘅MV、或者錄好嘅歌send俾我聽,跟住問,我有邊度唱得唔好,好似一路都冇停止過令自己進步咁樣。我當時就覺得,呢個年輕人好叻,因為喺樂壇當中你要是長青樹嘅話,你一定要有足夠嘅鬥志,同埋要認識到自己邊啲地方叻,邊啲地方冇咁叻,將勤補拙。所以當時我回咗佢一個message,我話你要加油,我買你贏。」

姜濤
姜濤和軒仔合唱《斷點》,歡呼聲不斷!
姜濤
軒仔說認識姜濤四年,對方仍然很怕醜。
姜濤
姜濤送上薯條和漢堡包,還餵軒仔吃,High爆全場!

之後姜Man和軒仔聊天,姜Man說:「我記得我哋前一排仲有啲黃牛飛話我哋兩個會一齊做嘉賓!」軒仔即說:「收錯風!」姜Man繼續:「嗰時我記得都仲未有我做嘉賓呢件事,我就覺得,不如將錯就錯!」軒仔便說:「我好開心,全世界,包括我自己都以為佢已經飛咗去下一個工作地,但突然原來佢仲喺香港,我就好想好想同你喺呢個台上唱歌。姜濤係一個好得意嘅男孩子,每一個長輩、同佢做過嘢嘅人都會喜歡呢一個人,因為佢係一個好俾心機,好謙厚嘅人!」

姜濤
軒仔大讚姜Man很謙厚。
姜濤
姜濤獻唱《Master Class》。
型!
姜濤
姜濤未表演前,和ERROR隊長肥仔在台下欣賞軒仔獻唱。
娛樂

MIRROR 拍《Innerspace》MV人人變落湯雞 Tiger:好似海嘯   AK連夜趕劇凍到打冷震

MIRROR 最新派台作《Innerspace》的MV自推出以來反應熱烈,當中「水舞間」一幕更成為熱話。早前眾成員分享了拍攝這一幕的點滴,讓樂迷可以見識到眾人有多貪玩。
 
Lokman與AK今趟在《Innerspace》MV中成為了騷肌擔當,穿上背心展示強壯臂彎,為了顯示優美線條,二人在埋位前都狂做掌上壓,不過AK因為連夜趕拍劇又再拍MV,在水中起舞人也凍得打冷震,完成後更需要即時喝熱水。AK道:「拍親MV都好似同水分唔開,繼《特登》和《REBOUND》後,今次喺《Innerspace》又再濕身,但因為最近拍劇又冇乜食嘢,又俾件背心我著⋯⋯我都知我唔夠大隻,抵抗力差少少,仲要第3日拍到凌晨6點幾,攰都係正常,所以會覺得有少少凍。」而跳舞多年的Frankie對於今次「水舞間」一役則道:「我哋跳咗咁多年舞,但喺水裡面跳,好多人都係第一次,原來係非常困難,同埋好多隊友都好大力踏水!」愛乾淨的Alton被濺得全身濕透,但卻未有介懷,更說:「喺水上跳舞係最晚拍攝嘅最後一Part,但能量係幾何級數咁提升,加埋水花,大嘅腳步聲,令到個效果加成,第一次睇Playback嗰下,我哋自己都『嘩!』一聲。」

MIRROR
人氣組合MIRROR最新派台作《Innerspace》的MV自推出以來反應熱烈,當中「水舞間」一幕更成為熱話。
MIRROR
AK因為著背心,當Stanley大力踏水時,水便由AK的腋下濺入到胸前,難怪AK會凍得打冷震。

今次在水舞間起舞一幕,如要數到最貪玩的,應該非Edan、Stanley及Jer莫屬。Edan笑言出盡力起舞都多得Stanley,Edan解釋道:「嗰個景大家見到都好興奮,因為好靚,而喺水裡跳有水花都好有型。咁喺水裡面都要全力以赴,隻腳嘅力量都要全力以赴,而我係師承Stanley嘅大力踩水。」Stanley聽罷Edan的話,即道:「拍鏡頭水花大先好睇,咁為咗好睇,當然要出盡全力踏水。最後嗰幕Jeremy喺我後面,每次一完擰轉頭望住Jeremy,都係由頭濕到落腳。我有問佢使唔使細力啲,佢話唔使㗎!」Jeremy指為了有型又要靚,也未有阻止Stanley的「惡行」,並說:「冇理由叫Stanley細力啲就我嘛,只不過最尾Ending Pose,我成塊面流晒水,但都要Keep住有型。」

落湯雞
Lokman與AK今趟在《Innerspace》MV中成為了騷肌擔當。

其實當災的不只Stanley,AK因為著背心,當Stanley大力踏水時,水便由AK的腋下濺入到胸前,難怪AK會凍得打冷震。另外,Jer鏟草式的舞技也令人很傷腦筋,事關其中一幕他要跣入中間位置,但AK、Ian、Lokman及Edan當時要踎低,結果Jer未有收掣直接鏟入,AK笑指「啲水有浪㗎!每次內心都不其然Wow一聲!」Lokman更將Jer這一鏟為「狂人踩」。Jer聽到大家的形容後,都不禁失笑說:「咁好玩嘛!」本來未有加入討論的Ian都開聲道:「我踎低㗎,你咁樣飛埋嚟,你就好玩囉!」眾人你一言我一語的,人人氣氛高漲,結果Jer打圓場道:「我太投入件事,大家都要濕下身啦!」

MIRROR
今次在水舞間起舞一幕,如要數到最貪玩的,應該非Edan、Stanley及Jer莫屬。

未有發言的Tiger,則表示這次拍攝上了人生寶貴一課:千萬別行差踏錯!他說:「個Intro本身好有氣勢好大力咁跳,咁啱嗰下係跪喺度,但音樂一起太細聲聽唔到,大家起晒身又好大力好有氣勢,我一不留神,就好似有個海嘯湧埋嚟一樣,嗰下就即刻醒咗!」但Anson Lo卻道:「我幾Surprise自己冇食到水。」Tiger聽到即突破盲腸說:「我知點解佢跳舞咁大力,可以擋返啲水出去。」

此外,今次姜濤首度在歌曲中唱Rap,更要用英文演繹,他直言要「用英文說話」,這跟他的Solo作品《作品的說話》一樣,姜濤希望能從作品中說出MIRROR的心聲。

MIRROR
Anson Lo說:「我幾Surprise自己冇食到水。」


 

娛樂

Frankie同舞蹈員女友拍拖13年   今日宣布分手:慶幸沿途有你

MIRROR顏值擔當陳瑞輝(Frankie)和舞蹈員女友Hei拍拖13年,感情一向穩定。不過今日Frankie和Hei同時在IG Story宣布分手:「我們的愛情裏,曾經的十餘年,慶幸沿途有你,愛有很多方式,換個角色相處,繼續延續下去。新的開始,新的旅程,感恩遇見,感恩有你。感謝大家一路以來關愛,此事只涉及雙方私人關係,不涉及他人元素,我們雙方對此事,不會作出更多回應!」不少粉絲對他們分手感到很可惜,Hei現時正為張敬軒演唱會擔任舞蹈員,Hei寫道:「台上,每晚都喊住上,笑住走,人生也如此,無嘢過唔到嘅,共勉之。」似是分手感言!

Frankie
Frankie和舞蹈員女友Hei拍拖13年,今日兩人同時在IG Story宣布分手。
Frankie
Frankie寫道:「新的開始,新的旅程,感恩遇見,感恩有你。」
娛樂

《尋人記 II》方東昇再爆金句 問「元朗特首」安仔:你係記事定記仇呀?

尋人記 II》由方東昇、黃曉瑩、李曉欣和黃靖婷主持,承接第一輯好收視,昨晚開播,依然獲網友大讚高水準,且金句不少,令人捧腹!《尋人記 II》頭炮訪問「元祖級投訴王」安仔(梁安國),他於 1982 年首度亮相《新聞透視》,1987 年投訴燒臘檔「賣燒肉搭燒骨」鬧至報警,一 戰成名,他的領呔和皮鞋 Look 成為標誌,受訪後要求電視台支付港幣$16.8「打燈」電費, 同樣令人留下深刻印象。去年 4 月,自稱「元朗特首」的安仔主動聯絡節目組要求受訪,表明不收電費,但當攝製隊迷路遲了10 分鐘,安仔立即發出「追魂 Call」,很搞鬼!

尋人記 II
由方東昇、黃曉瑩、李曉欣和黃靖婷主持嘅節目《尋人記 II》,承接第一輯好收視,昨晚開播,依然獲網友大讚高水準!
尋人記 II
《尋人記 II》頭炮訪問「元祖級投訴王」安仔,他於 1982 年首度亮相《新聞透視》。
1987 年投訴燒臘檔「賣燒肉搭燒骨」鬧至報警,一 戰成名。
尋人記 II
去年 4 月,自稱「元朗特首」的安仔主動聯絡節目組要求受訪。

安仔的投訴「武器」除了電話,還有寫滿政府高官聯絡的電話簿,對特首辦電話倒背如流的他,在鏡頭前撥通電話報上姓名後,竟有專人「招呼」他,令不少網民嘖嘖稱奇。元朗街坊亦對安仔又愛又恨,有人覺得他比區議員更能排難解紛,亦有人質疑他「借投訴搵着數」,有網民更認為安仔媲美 《東張西望》。觸動安仔投訴四大主因有「呃秤」、「歧視」、「犯法」和「激起安仔把火」,自認報復心強的安仔揚言若和他「搞對抗」,必然「自食其果」;安仔曾因被取笑「傻仔」,將別人的單車掟落街、亂倒豬油和連環致電騷擾,還留下刑毀和傷人紀錄。但安仔堅持投訴有理:「佢冇錯處,我冇得投訴架。有啲真係阻街嘅, 無怨無仇我都照投訴。如果只係唔俾嘢我食就投訴,咁係勒索,好大罪!」

安仔寫滿政府高官聯絡的電話簿,對特首辦電話倒背如流的他,在鏡頭前撥通電話報上姓名後,竟有專人「招呼」他。

攝製隊讓安仔重溫當年經典的「買燒肉搭燒骨」受訪片段,第一句便說:「呢間舖頭俾我搞到執咗笠!」安仔強調最不滿不是店家燒肉不足秤,而是沒有列明會搭骨頭,他隨即唱出自創的《呃秤燒肉歌》:「半斤八両,骨頭佔咗二両,半斤八両,燒肉得番六両,家陣買燒肉, 邊有半斤八両咁理想!」安仔還有自家製「訴簿」詳列不滿事件,方便投訴,方東昇即爆金句問他:「你本簿係用嚟記事定記仇?」安仔急忙澄清:「三唔識七嘅衝紅燈,我照樣投訴。」「安仔」有「訴簿」,還有另一本「數簿」,記錄「收藏品」,有鋪「入貨癮」的安仔,愛大手買入日用品同心頭好,主要是貪平和包送貨。

尋人記 II
元朗街坊亦對安仔又愛又恨,有人覺得他比區議員更能排難解紛。
尋人記 II
亦有人質疑他「借投訴搵着數」。

30 多年前,安仔大手買入麵粉50 磅、番梘數十件、橙粉12 樽、復活蛋海量和巴士模型等,現時居於胞兄名下村屋的安仔,「收藏品」全面升級,除了復活蛋,巴士模型「要進駐多層停車場」, 還有錄音機60 部、錄音帶數百盒、雪櫃10 部、螺頭20 包、元貝4 包、花旗參8 盒、鮑魚4 斤、陳皮兩箱、魚翅5斤等,他直言:「用唔晒咪下世用!」患有小兒麻痺的安仔現時沒有工作,開支全靠每月$7,000多元的獨居傷殘長者津貼,他過去一年遇過4次交通意外,所以另有意外補償:「我係一個容易受傷嘅男人!」

尋人記 II
安仔「收藏品」全面升級,巴士模型「要進駐多層停車場」。
尋人記 II
安仔家中有魚翅5斤。

網友看完大讚:「睇到有笑有淚! 又一高水準之作 ! 方東昇好嘢 !台慶應該攞最佳主持 !」、「我媽睇完笑到癲咗!」又大讚方東昇金句好笑:「你本簿係用嚟記事定記仇?」、「我幾驚你嗌我叫你特首呀!」難怪網友說:「方東昇有興趣轉去做埋演員嘛,救唔救到無綫就真係要睇你啦!」據知今晚播出一集,將公開安仔尋找攝製隊嘅真正目的,還有親人大談安仔不為人知的一面,一位精神科專科醫生還與安仔擦出不少火花!

尋人記 II
網民大讚方東昇金句好笑:「你本簿係用嚟記事定記仇?」
娛樂

「豬肉檔AK」紅到加拿大 首拍品牌廣告 阿威:全靠粉絲「威威豬」支持 森美等佢出歌

「荃灣豬肉檔AK」劉宋威(阿威),因貌似MIRROR副隊長AK(江𤒹生)、MC張天賦、小豬羅志祥等而受網民追捧,每日都有不少靚太排隊買豬肉和打卡,他的「威威豬」(阿威粉絲名稱)在5月4日幫他開的fb群組「荃灣鮮肉威威應援團」,現時粉絲人數已超過1.4萬,除了淘寶有阿威攬枕出售,日前有粉絲為阿威製作了一系列Whatsapp Stickers,短短幾日已超過13,000人下載,還有「威威豬」在家中自製阿威超靚拉花Coffee放上fb群組開心Share,又有粉絲將阿威的相印落咕𠱸,帶返公司陪坐,可見阿威魅力沒法擋!

荃灣豬肉檔AK
「荃灣豬肉檔AK」阿威受網民追捧,情人節時他更送花給顧客!(荃灣鮮肉威威應援團fb群組圖片)

為SKECHERS拍工作鞋廣告

阿威成為話題人物後,還紅到去加拿大,日前身在加拿大的李婉華就越洋訪問他,想不到阿威還火速拍了首個品牌廣告,認真威威!身為豬肉檔店長的阿威在工作的「鮮味」為SKECHERS拍攝工作鞋系列廣告,他坦言:「長時間站立雙腳有時都會倦,始終街市地面有時會比較濕滑,所以揀選工作鞋時,舒適和抗滑是首要條件。前排有粉絲擔心我企得攰送咗啲足貼俾我,而家有咗SKECHERS工作鞋,佢地可以放心喇!SKECHERS都送咗波鞋俾我一家大細,我同屋企人都好開心。」得到廣告商垂青,阿威指是粉絲功勞:「好開心,全靠『威威豬』的支持!我相信用心去做就係專業,喺街市嘅行業都唔例外!」很懂得冧粉!

荃灣豬肉檔AK
想不到阿威火速拍了首個品牌廣告!
荃灣豬肉檔AK
身為豬肉檔店長的阿威在工作的「鮮味」為SKECHERS拍攝工作鞋系列廣告。
荃灣豬肉檔AK
阿威每星期工作六天,他坦言:「長時間站立雙腳有時都會倦,始終街市地面有時會比較濕滑,所以揀選工作鞋時,舒適和抗滑是首要條件。」
荃灣豬肉檔AK
阿威說:「我相信用心去做就係專業,喺街市嘅行業都唔例外!」
荃灣豬肉檔AK
得到廣告商垂青,阿威指是粉絲功勞:「好開心,全靠『威威豬』的支持!」
荃灣豬肉檔AK
阿威說:「SKECHERS都送咗波鞋俾我一家大細,我同屋企人都好開心。」
荃灣豬肉檔AK
在「鮮味」豬肉檔工作六年的阿威,每天凌晨5點半便回店準備,比同事足足早一小時。
荃灣豬肉檔AK
阿威說:「前排有粉絲擔心我企得攰送咗啲足貼俾我,而家有咗SKECHERS工作鞋,佢地可以放心喇!」

阿威除了得到廣告商支持,連香港開電視《疫境中的餐桌》監製張志明亦關注他,有興趣約見商談合作機會。監製張志明接受傳媒訪問時說:「咁啱我都有朋友認識阿威,知道佢靚仔又煮得,但聽講較少說話,所以要先見面才知是否有合作機會。」張志明指《餐桌》剛剛拍完,新節目《煮題Cook》是名廚Jacky(余健志)和Ricky(張錦祥)主持:「依家我嘅幕後係最強嘅烹飪節目團隊,未來節目發展有很多可能,有不同合作機會。」

荃灣豬肉檔AK
阿威成為話題人物後,還紅到去加拿大,日前身在加拿大的李婉華就越洋訪問他。

阿威已開設YouTube頻道

而森美亦喺專欄提及阿威:「疫情期間大家都太悶了,難得有事情令大家開心,希望『街市AK』帶起的風潮,能令一班在街市工作的俊男組成新組合,網民更稱隊名為Supermarket,希望他們快點推出新歌,屆時我第一個為他們播放!」阿威將來會否出歌真的不知道,但他今日已經開設了自己的IGfbYouTube頻道「威威劉宋威Samuel」,將會拍片教大家煲湯煮餸和分享日常生活,認真快手!6月8日是他36歲生日,有粉絲計劃慈善應援,買豬肉給食店,為有需要人士提供免費餐,相當有善心,阿威對此很支持,表示做善事任何時候都可以。

森美亦在專欄提及阿威:「希望『街市AK』帶氣的風潮,能令一班在街市工作的俊男組成新組合,網民更稱隊名為Supermarket,希望他們快點推出新歌,屆時我第一個為他們播放!」
荃灣豬肉檔AK
阿威除罩look。(荃灣鮮肉威威應援團fb群組圖片)
荃灣豬肉檔AK
很型!(荃灣鮮肉威威應援團fb群組圖片)
荃灣豬肉檔AK
「威威豬」在「荃灣鮮肉威威應援團」貼相指阿威似徐天佑(右)。(荃灣鮮肉威威應援團fb群組圖片)
荃灣豬肉檔AK
有「威威豬」在家中自製威威超靚拉花Coffee放上fb群組開心Share。(荃灣鮮肉威威應援團fb群組圖片)
有粉絲為阿威製作了一系列Whatsapp Stickers,短短數日已超過13,000人下載!
又有粉絲將阿威的相印落咕𠱸,帶返公司陪坐!(荃灣鮮肉威威應援團fb群組圖片)
荃灣豬肉檔AK
淘寶有阿威攬枕出售。
荃灣豬肉檔AK
阿威魅力沒法擋!(荃灣鮮肉威威應援團fb群組圖片)
娛樂

阿Sa、阿嬌組Twins出道21周年 Mani貼9張舊相:堅信妳們會一直長久下去

8、90後的成長過程,或多或少由 Twins 陪你在《明愛暗戀補習社》經歷情竇初開、《戀愛大過天》嘗試無後顧之憂的Puppy Love、再到《眼紅紅》嚐到失戀之苦澀。不經不覺,阿Sa(蔡卓妍)和阿嬌(鍾欣潼)組成的Twins今日(5月18日)出道21年。今日凌晨時分,阿Sa在IG貼出與阿嬌的合照,寫道「Happy 21st Annuversary to us」,並Tag阿嬌再hashtag「有啲想聽日開個live」。而阿嬌則在微博Tag阿Sa:「21周年快樂 love u forever」。

Twins
阿Sa今日凌晨於Instagram貼出與阿嬌的合照,寫道「Happy 21st Anniversary to us」。

經理人Mani(霍汶希)亦貼出9張舊照加以百字文祝賀:「21年前決定讓妳們兩個女以Twins組合的身份一起出道時,就堅信妳們會一直長久下去,無比驕傲妳們經歷過這麼多的珍貴時刻依舊在一起,也無比幸運我們此時此刻還陪在彼此身邊!」之後表示「老母永遠做妳們堅強的後盾!老母愛你」,而阿Sa亦回覆:「老母Love u」。

Twins
經理人Mani亦在Instagram貼出9張舊照,以百字文祝賀二人。
Twins
Twins
阿Sa以「老母Love u」回覆Mani。
阿嬌則在微博Tag阿Sa:「21周年快樂love u forever」

二人在2000年簽約英皇娛樂,並於2001年5月18日正式出道。一出道就如歌曲《大紅大紫》一樣,人氣爆燈。除了唱歌外,兩位亦向電影、電視劇和廣播劇等發展。如阿Sa跟鄭伊健合演的《我老婆唔夠秤》系列,以及Twins二人出演電影《這個夏天有異性》、《千機變》系列、《見習黑玫瑰》,和首部參演的電視劇《齊天大聖孫悟空》,都深入民心。

阿Sa跟阿嬌共同經歷人生高低潮,絕對情比金堅,作品成為不少人的集體回憶,亦是青春見證。

娛樂

【考古】粉絲罵戰無損關係 回顧姜Son甜爆兄弟情

Anson Lo(盧瀚霆)早前在《CHILL CLUB推介榜年度推介21/22》,憑《Megahit》奪得年度之歌和年度男歌手金獎,因此引起部分姜糖和神徒罵戰,之後姜濤和教主聯手拆彈,姜Man說:「邊個攞獎都戥佢開心,我哋嘅感情唔會因為呢啲事而受影響!」教主亦說:「唔會影響到我哋嘅關係。」其實他們兩兄弟的感情怎會受影響,姜Son在參加《全民造星》時已經很friend,經常糖黐豆,現在等我們一起回顧姜Son的甜爆兄弟情!

https://youtu.be/7K7cAtBl8vg

娛樂

炎明熹 憑《複雜》奪《樂迷最愛歌曲》第一名 街邊食臭豆腐獲讚貼地

《聲夢傳奇 2》在 6 月 11 日正式登場,身為大師姐的炎明熹(Gigi),近日因參加無綫和芒果TV聯手打造的節目《聲生不息》在內地爆紅,短短三個星期微博粉絲人數由原本的6萬暴升至逾35.2萬,人氣強勁!而音樂平台JOOX今日公布Gigi憑《複雜》贏得JOOX TOP聽推介2022第一季《樂迷最愛歌曲》第一名,成績亮麗!JOOX指為答謝樂迷,今日所有JOOX主要曝光都屬於Gigi,恭喜!

炎明熹
Gigi因參加無綫和芒果TV聯手打造的節目《聲生不息》,在內地爆紅!
炎明熹
Gigi的微博粉絲人數由原本的6萬暴升至至逾35.2萬,人氣強勁!
炎明熹
音樂平台JOOX今日公布Gigi憑《複雜》贏得JOOX TOP聽推介2022第一季《樂迷最愛歌曲》第一名!
炎明熹
JOOX指為答謝樂迷,今日所有JOOX主要曝光都屬於Gigi!

Gigi雖然人氣高企,但依然非常貼地,身在內地的她早前趁錄影空檔和李克勤行岳麓山,途中被網民野生捕獲,相中可見Gigi和克勤沿途有傾有講,期間Gigi突然嘟嘴勁可愛!之後他們又去平民小店食臭豆腐,就算遇到途人圍觀亦未有介意,之後克勤還與途人合照,被內地網民大讚接地氣無架子!

炎明熹
Gigi早前趁錄影空檔和李克勤行岳麓山,途中被網民野生捕獲。
炎明熹
期間Gigi突然嘟嘴勁可愛!
炎明熹
之後他們又去平民小店食臭豆腐,被內地網民大讚接地氣無架子!
娛樂

姜濤、教主、Edan代言三隻牙膏  前夫問老婆:我應該買邊個牌子好? 網友:唔想跪玻璃就買晒

姜濤、Anson Lo(盧瀚霆)、Edan(呂爵安),近日和麥當勞App聯乘9款「世一貼紙」,由下周一起一連三星期透過麥當勞App買指定食品就可以換購,令鏡粉超興奮!而巧合地三子亦分別幫三個品牌牙膏做代言,有前夫今日在「我老婆嫁左比Mirror導致婚姻破裂關注組」fb群組留言:「老婆大人(應該係前妻大人):你叫我買一支牙膏,我應該買邊個牌子好呀?我分裂喇!」

姜濤
MIRROR 三子姜濤、Anson Lo、Edan,別幫三個品牌牙膏做代言。

貼文一出引起網友熱烈討論,紛紛留言:「小朋友先會揀!」、「仲問,唔想跪玻璃就買晒三款啦!」、「親愛的前夫,點解你到呢一刻都仲需要選擇?精明嘅你梗係一次過買晒佢。係咪開始明白點解自己會變咗前度了!」大部分網友都建議前夫:「起身用AL,食完飯用KT,臨瞓用Edan!」、「一支牙刷三種味道,一次過上中下咁用囉!」、「三支溝埋一支用!」亦有網友說:「好在唔係代言套套,要你戴12個就大鑊!」有人立即回覆:「有埋個樣應該大鑊啲!」相當爆笑!

姜濤
有前夫今日在fb群組留言:「老婆大人(應該係前妻大人):你叫我買一支牙膏,我應該買邊個牌子好呀?我分裂喇!」(「我老婆嫁左比Mirror導致婚姻破裂關注組」圖片)
姜濤
姜濤、Anson Lo、Edan近日和麥當勞App聯乘9款「世一貼紙」,由下周一起一連三星期透過麥當勞App買指定食品就可以換購,令鏡粉超興奮!
娛樂

【新歌訪問】《信之卷》MV化身動漫主角 AK:搵返童年初心勇往直前

AK(江𤒹生)今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破,一圓童年夢想之餘,也藉此向樂迷推廣香港創作及文化藝術工作者,難怪花姐在IG留言:「睇完個MV,講咗一句『係咪痴線㗎!』」

AK
AK今日推出推出新歌《信之卷》,以J-Rock曲風配合他自細已十分鍾愛的動漫作為歌曲主題,AK在MV中更化身動漫主角,非常突破!

今次《信之卷》AK邀來Van@Nowhere Boys作曲、Oscar Lee填詞、王雙駿監製新歌,歌曲風格雖然也如《黑之呼吸》一樣以J-Rock作招徠,但相比《黑之呼吸》的暗黑風,今次《信之卷》卻予人很陽光的感覺。而一向鍾情動漫的AK,更特別喜歡《龍珠》及《數碼暴龍》,所以他邀來香港本地動漫師崔氏兄弟及Tommy Ng兩個單位,攜手炮製新歌MV,講述男主角經歷低潮後,集合眾人力量,戰勝心魔的故事。

AK
新歌MV講述男主角經歷低潮後,集合眾人力量,戰勝心魔的故事。

AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。今次新歌歌詞係講大家可以搵返童年時嘅初心,好似動漫男主角一樣勇往直前乜都唔怕,成件事整合起上嚟,就好似動漫主題曲,好適合做埋動漫MV,然後問咗公司又肯俾我做,所以就極度自肥,將自己鍾意嘅動漫元素,擺晒落去,例如裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」

AK
AK說:「我由細到大都好鍾意動畫、動漫,一直都被當中的美好世界、主角吸引住,更會幻想自己就係動漫男主角。」

由於AK自小已很渴望成為動漫男主角,所以動漫師亦應要求,把男主角畫得很像AK本人,AK說:「動漫MV可以將所有想像嘅嘢天馬行空放晒落去,我同動漫師講我好想做一次動漫男主角,佢哋就幫我畫到個男主角好似我之外,角色身邊又會出現好多我平時生活上成日會出現嘅物件,成為咗彩蛋,就好似人哋睇Marvel電影咁,大家睇MV時都可以搵下啲彩蛋喺邊。我都未知彩蛋喺邊,要同大家一齊搵,好似尋寶一樣。」

AK
AK說:「裡面會有好多《數碼暴龍》嘅元素,男主角會有一隻好似神獸但又似寵物嘅物體做陪伴。」
AK
畫面很美!

經過今次MV製作,AK見識到香港動漫師的功架,AK不禁讚嘆道:「睇咗Rough Cut(粗剪)成品已經好開心。其實香港都有好犀利嘅人,睇到動漫師做嘅過程,同佢哋開會,知道佢哋點樣畫,所有嘢都非常專業,所以再一次多謝佢哋,同時希望多啲人發現,香港有好多藝術工作者,不同嘅創作或文化藝術都係非常優秀。」

AK
AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣!」

為了貫徹整體概念,AK早前為單曲拍攝封面,也展現了樂天的一面,他說:「影嘅時候想似小朋友,可以傻笑望住個天空發白日夢一樣,因為好多時動漫俾我嘅最大感覺,就係咁樣。」粉絲們今次可以同時擁有動漫與真身兩個AK陪伴在旁聽新歌《信之卷》,絕對是雙重福利!

AK
像不像AK?
View More