旅遊

旅遊

【日本】加賀溫泉人氣泡泡布甸 賞味期限只得5分鐘?

好多日本人都鍾意浸完溫泉飲返樽冰凍牛奶,不過去到北陸地區嘅加賀溫泉,識食一定係歎呢個溫泉 布甸 !話說當地布甸專賣店 かがの湯ぷりん 就有款以泡泡澡為主題嘅「 泡泡布甸 」(660日圓),全用加賀市出產嘅新鮮牛乳同雞蛋製作,個 布甸 還放在蓬鬆又細滑的espuma分子泡沫上面,造型超IG-able,而且每日只限量供應5份,有快有手慢無!老闆更話,因為用上現打的鮮忌廉,所以很快融化塌掉,最佳賞味期限只得5分鐘! 每逢2、3月,這款泡泡 布甸 還會推出期間限定的士多啤梨口味,同樣受歡迎!

除了 泡泡布甸 ,店內亦有「泡湯後必吃布甸」、加賀棒茶布甸、栗子布甸、南瓜布甸、軟雪糕布甸等多種口味,聽到都流口水,到底幾時先可以去日本旅行呀?

【日本】加賀溫泉人氣泡泡布甸 賞味期限只得5分鐘?
(圖片來源:IG@kaganoyupudding)
【日本】加賀溫泉人氣泡泡布甸 賞味期限只得5分鐘?
(圖片來源:IG@.rin.rin.)

かがの湯ぷりん
地址:日本石川県加賀市小菅波町1-55
電話:+81 0761-76-5001
營業時間:10am-4pm
網址:https://bit.ly/3a1HZyW
交通:JR「加賀温泉」站1號出口即達

旅遊, 食玩

台灣拉麵店90分鐘放題 港幣$99任食叉燒/溏心蛋/炸物/拉麵

在香港食一碗拉麵普遍都要一百幾十,對於學生或者長者來說,都不是太易負擔得起。假如你身處台灣 ,又是拉麵迷的話就要留意!最近高雄有拉麵店推出90分鐘放題,午市只需新台幣$379(約港幣$99、小童同銀髮族設9折優惠)就可以任吃店內拉麵、叉燒、蔥花、炸物、小菜、溏心蛋等等,如果客人影相打卡,店舖還會提供任食雪糕優惠,未知香港又有沒有拉麵店仿效呢?

山禾堂拉麵
時間:1100-1430、1730-2130
地址:高雄市鼓山區美術南三路78號
電話:07-5866679

旅遊

越南|住入多啦A夢屋企!大叻市「大雄鎮」神還原漫畫場景

看見這個場景,以為要開拍真人版《多啦A夢》呢?其實這是 越南 大叻市的「大雄鎮」(Thị Trấn NOBI⁠),不單止將卡通漫畫入面的多啦A夢屋企、水管空地及隨意門原汁原味地還原出嚟,附近仲還有一堆日式傳統建築群,猶如身在多啦A夢所住的小社區!而這座野比家亦並虛有其表,由大雄睡房、多啦A夢睡覺的壁櫥、走廊至後院,統統照足漫畫場景打造而成,童年回憶返晒嚟,難怪個個都影到唔捨得走。Thị Trấn NOBI⁠ 除了是打卡熱點,同時還是一間走日系簡約風的民宿兼咖啡店,多啦A夢粉絲下次去旅行搵 越南酒店 記得朝聖喇!

越南酒店

Thị Trấn NOBI⁠
地址:36 Đ. Nam Hồ, Phường 11, Thành phố Đà Lạt, Lâm Đồng, Vietnam⁠
電話:+84 898 934 274
網址:www.facebook.com/thitranNoBi/

旅遊

泰國2房1廳雨林泡泡透明屋 以不打擾方式觀賞大象

每次去動物園、看馬戲團表演、甚至到泰國騎大象時,大家總會睇得興高采烈,玩得興奮。不過在開心的同時,大家又有沒有想過裡面的動物可能長期受到虐待呢?位於泰國清萊金三角象園的安納塔拉度假酒店 (Anantara Golden Triangle Elephant Camp & Resort),就有這款夢幻的泡泡透明屋給大家近距離觀賞大象。透明屋設兩房一廳同一間不透明廁所,最多可入住4人。每間屋設有80平方米獨立露台,提供用餐區同小型泳池,大家可以一邊用餐或暢泳同時,就會有大象在你身邊走過。每晚收費為$18,000泰銖(約港幣$4,068)今次換到是人類躲在屋內,像將過往角色調轉,今次到大象欣賞人類嗎?(查詢:https://bit.ly/3FL9cC2

隔著透明屋近距離觀賞大象
每間屋外設有平台和小型泳池
旅遊

都會海逸 感受異國風情

足足一年沒有離開過香港,不少人都選擇在酒店Staycation止止旅行癮,來個週末little get away。都會海逸酒店最近推出「異國情懷」主題套房住宿計劃,以六個不同城市作主題,包括威尼斯、巴黎、哥本哈根、聖托里尼、維也納及紐約,家俬佈罝都洋溢著濃厚異地色彩,隨處都可以打卡拍照,而且房內備有廚房及廚具,讓你可以隨時炮製美食,與親朋摯愛享受入廚樂趣。價錢方面,只需$1,400起即可入住,而且當中包含$900餐飲消費額,可到酒店內的西餐廳、千鶴日本料理及The Patio戶外酒吧嘆盡異國美食,相當抵玩!

Hyatt
聖托里尼主題房
Hyatt
紐約主題房
Hyatt
哥本哈跟主題房

都會海逸酒店
地址:紅磡都會道7號
日期:優惠期至2021年3月31日
查詢:3160 6822