標籤: 丁丁

娛樂

《肥美人總決賽》Cherry獲「民選最Like肥美人」   「翻版欣宜」呀肥奪總冠軍

肥美人總決賽》今晚舉行,8強包括翁芷園(Cherry)、陳婉儀(阿Bui)、蔡茵茵(肥肥茵)、陳曦雯(Heyman)、容承宜(容小姐)、劉子晴(呀肥)、何綺婷(綺夢)、丁珮筠(丁丁),評判團則有6位,包括阮小儀﹑張繼聰﹑許廷鏗﹑肥仔(梁業)﹑Rock Sir同CM。節目一開始由八強組成的「Cal8rie」獻唱《肥美人》主題曲《標準偏離》,大家落力跳唱,炒熱全場氣氛。Cherry繼早前獲頒最上鏡小姐後,再獲「民選最Like肥美人」。

肥美人
節目一開始由八強組成的「Cal8rie」獻唱《肥美人》主題曲《標準偏離》。

容⼩姐第一個出場,獻唱《Think of Me》,表現不錯,容⼩姐說:「我學唱歌學咗十幾年,係爸爸令我喜歡唱歌,再開始學唱歌,爹哋今晚都有嚟,好激動!」許廷鏗都讚她唱得好,還說給她高分!Cherry打扮性感唱《二人份》,她說:「我冇特別專長嘅才藝,觀眾提議性感,我表演呢個唔知會唔會有突破!」Heyman 自彈自唱原創歌《If we die Tomorrow》,還感動落淚:「我出嚟就見到爹哋媽咪,爸爸以前係消防員,佢冇同我講咩生離死別嘅嘢,原來死亡可以好近,所以我覺得人唔可以等到最後先後悔,咁咪講I love you,去做自己想做嘅事,要以一個盡地一煲嘅心情去表演!」

容⼩姐第一個出場,獻唱《Think of Me》,表現不錯。
肥美人
Cherry打扮性感唱《二人份》。
肥美人
有眼神交流。
肥美人
Heyman 自彈自唱原創歌《If we die Tomorrow》。

呀肥唱原創歌《Beautiful Me》,呀肥特意找朋友作這首歌:「點解呢首歌出現呢?好簡單,比賽之前到而家我都搵屬於自己嘅美,我靚啲咩呀?我淨係想用依首歌話俾你知,我終於搵到自己有幾靚幾索!」充滿自信!阿Bui就扮太空人唱《最緊要好玩》,很有喜感:「 我好多時候諗啲古靈精怪嘢,就想串連埋佢一齊,我初頭超想唱許冠傑嘅歌,未嚟得切批核,我有緣份喺決賽唱呢首歌,可以將個腦裏面嘅騎呢嘢擺埋一齊,呢個主題係講好多探索!」評判之一小儀說:「 我覺得你好enjoy!」

肥美人
呀肥唱原創歌《Beautiful Me》。
肥美人
呀肥說:「我終於搵到自己有幾靚幾索!」充滿自信!
肥美人
阿Bui就扮太空人唱《最緊要好玩》。
肥美人
阿Bui很有喜感!

肥肥茵唱《Never Enough》,她唱完喊着講感言:「其實由一開頭初賽嘅時候,其實我都比賽咗好多次,我都有輸有贏,其實好多時候都有啲空虛,唔知自己做緊咩,好似初賽贏咗入咗Semi final,嗰日好夜好攰,但一啲開心都冇,我返到屋企又唔可以嘈住老公瞓覺,點知我開門嘅時候見到老公半夜仲等我返嚟,除咗老公之外仲有班朋友好support我,我唔知之後仲有冇機會上台唱歌,我好多謝肥美人呢個節目組,因為以我呢個年紀,呢個樣貌可能未必再有機會喺台上面唱歌,今次可能係最後一次都俾我咁靚咁喺度!」

肥美人
肥肥茵唱《Never Enough》。

綺夢表演跳《 初戀Mad Mix》,有拉丁舞元素,她說:「 我想將自己擅長嘅嘢一次過show俾大家睇,我想話俾大家聽,我除咗好澎湃好熱情,我都可以好少女跳初戀俾大家睇!」丁丁表演跳《一所懸命》:「好開心所有朋友support我,我先有信心做呢個表演,冇佢哋我絕對做唔到咁有氣勢嘅表演!」《一所懸命》的排舞舞師Rock Sir就讚:「我覺得幾舒服!」張繼聰讚道:「我覺得跳得好好,我覺得佢好enjoy!」

肥美人
綺夢表演跳《 初戀Mad Mix》。
肥美人
丁丁表演跳《一所懸命》。

最後《肥美人》總冠軍由「翻版欣宜」呀肥奪得,她講感言時說:「我要多謝我班Dancer,佢哋為咗我去染頭,我哋有Crew名,叫彩虹戰隊!好多謝所有支持我嘅朋友,好多謝各位評判。啱啱後台都有講,如果我拎到五萬蚊,要分畀八個人(八位參賽者),大鑊喇今鋪!」勁搞笑。部分網民得知賽果感到意外,指呀肥「爆冷」,不過亦有網民說:「覺得佢贏在有自信!」、「呀肥都係我心水!」

肥美人
《肥美人》總冠軍由「翻版欣宜」呀肥奪得。
肥美人
Cherry獲「民選最Like肥美人」 。
娛樂

指揮家葉詠詩囡囡晉級《造星IV》60强 Carmina唱得睇得成大熱

ViuTV節目《全民造星IV》近日掀起不少話題,有參賽者的背景還很猛料,好像昨晚出場26歲的羅洛家(Carmina),媽咪是香港著名指揮家葉詠詩,但這個身份反而令她很大壓力。Carmina在美國薩凡納藝術設計大學時裝設計系畢業,現職模特兒和KOL,她身高171cm,身形不俗,有入女團優勢,不過首輪面試,Carmina就忘記歌詞:「Sorry,我好緊張!」花姐立即說:「 唔會有第二次機會喎,人生就係咁,過咗機會就冇!」

之後Carmina忍不住落淚表示對自己失望,「因為家人始終好叻,驚做唔到佢哋對我嘅期望、自己對自己嘅期望,所以我先咁緊張。」他又說:「我覺得媽咪係我偶像,佢係一個好叻嘅人,佢對自己要求都好高,我都會對自己要求高,我媽咪為自己贏得名聲,我都想為自己贏得名聲,用自己嘅能力去證明俾屋企人同出面嘅人睇我係OK嘅!」幸好她唱《Hopelessly Devoted to You》發揮超好,一開聲,許廷鏗就立即撳燈說:「如果佢輸咗,我會撈返佢返嚟!」結果Carmina撼贏唱將丁丁晉級60強。翻看Carmina的IG,她衣着性感,經常向網民派福利,加上唱功很好,整個package都是大熱人選!

全民造星IV
昨晚出場26歲的羅洛家(Carmina),媽咪是香港著名指揮家葉詠詩。(IG截圖)
全民造星IV
媽咪的身份反而令Carmina背負壓力。(ViuTV截圖)
全民造星IV
在首輪面試,Carmina就忘記歌詞:「Sorry,我好緊張!」(ViuTV截圖)
全民造星IV
花姐立即說:「 唔會有第二次機會喎,人生就係咁,過咗機會就冇!」 (ViuTV截圖)
Carmina忍不住落淚說:「因為家人始終好叻,驚做唔到佢哋對我嘅期望、自己對自己嘅期望,所以我先咁緊張。」(ViuTV截圖)
幸好她唱《Hopelessly Devoted to You》發揮超好,晉級60強。(ViuTV截圖)
丁丁選擇高難度歌曲,輸給Carmina。(ViuTV截圖)
Carmina衣着性感,經常在IG向網民派福利。(IG圖片)
身形超靚。(IG圖片)
Carmina性感又唱得,整個package都是大熱人選!(IG圖片)