陪伴港人23年的大熊貓「安安」，近日健康情況轉差。海洋公園表示，以哀痛心情宣布，已於今早8時40分為安安進行安樂死，終年35歲，即人類的105歲。

海洋公園於fb寫道：「公園以哀痛心情宣布，『百歲熊瑞』— 大熊貓安安喺今日（2022年7月21日）離開咗我哋，享年35歲，等同於人類105歲高齡，係全球喺人類照顧下最長壽嘅雄性大熊貓。安安嘅健康狀況喺過去數星期慢慢轉差，進食及活動量均大幅下降，身體變得非常虛弱，在人道而言，牠的生命已走到盡頭。海洋公園同漁農自然護理署嘅獸醫在徵詢中國大熊貓保護研究中心後，喺基於動物福祉理由，忍痛以安樂死讓安安免於痛苦，並於今日上午8時40分喺『香港賽馬會四川奇珍館』內為安安進行有關程序。公園將於今日在『香港賽馬會四川奇珍館』設置弔唁冊。如你未能親身到訪，亦可於留言位置弔唁以悼念這位深受愛戴的動物大使。安安，多謝你一直以嚟嘅陪伴！ 」