李龍基日前為一香港中成藥品牌的男士系列產品拍攝廣告，分享保持精壯活力的心得，正計劃今年跟36歲女友Chris結婚的李龍基，不僅受對方感染而年輕化，更因為不煙不酒、生活檢點，且早於廿年前已注重補健，縱然72歲依然「有心有力」，幹勁十足。

分享好產品絕不尷尬

對於拍攝男士系列產品廣告，李龍基表示絕不尷尬，他認為隨着年齡增長，身體機能容易出現損耗，補健品有助補充機能，他說：「年紀大咗係需要補充，令某方面功能先會強大，唔好話特別強大，保持正常已很開心，所以我絕對不會尷尬，若果冇咁嘅行為，人類就絕種，所以我覺得好嘅產品就值得推薦。」

對於外界以「爺孫戀」形容自己與女友的關係，李龍基坦言絕不介意：「由始至終覺得愛情係冇年齡區分，最重要佢真心對我，我又真心對佢。」跟年輕自己36載的女友相處，李龍基指潛意識不自覺地迎合對方，因此在處事及說話模式都變得年青。

讚未婚妻高質要𥄫實

對於擁有一個年輕貌美的女友，李龍基當然感到自豪，笑言不介意身邊朋友羨慕或妒忌，但李龍基亦坦言女友如此高質，自己難免會有壓力，他鬼馬地說：「話冇壓力就假嘅，所以我都要𥄫實啲，呢個世界除咗我，仲有好多男士都鍾意呢一類型，所以我都𥄫得好實，放心。」李龍基對女友十分寵愛，他透露互相包容便是二人相處之道，談到婚後可有生育計劃？李龍基表示會順其自然。

提到事業與家庭上的平衡，李龍基指現階段心態是努力工作，盡情去玩，在歌唱路上，他仍然有一份熱血追求，更即將7月跟好友葉振棠在伊館開演唱會，他表示：「以前唱歌、拍戲都係為搵食，尤其是唱歌，唱完收到錢就算，而家嘅我會自己出錢製作、寫歌，最近我都作咗幾隻歌，而家搵緊朋友幫手填詞、編曲，甚至錄音，賺唔賺錢唔重要，最緊要滿足自己。」

早前深夜重播《宮心計》，再度掀起煲劇熱潮，阿佘佘詩曼飾演「劉三好」被網民大讚演技出眾，除了吸引一眾電視迷捧場，阿佘更獲廣告商青睞，邀請她擔任保健產品代言人，果然厲害。

「雙妹嘜」合作感覺特別

《宮心計》在2009年播映時叫好叫座，大結局更創下50點的高收視紀錄；時隔13年，早前無綫深夜時段重播《宮心計》再掀煲劇潮，網上討論度極高，很多人都懷念阿佘經典角色；當中「三好」這個說好話、做好事、存好心的大好人深得觀眾歡心。今次保健產品老闆及創作團隊，欲展示產品三種最好的元素，所以屬意找來阿佘「三好」親身演繹，而《宮心計》幕後主帥梅小青更有份促成今次合作，令「三好」再現。

廣告拍攝當日，阿佘狀態十足，紅光滿面，跟前來探班的小青姐開心聚舊，並說：「因為品牌老闆是小青姐好朋友，所以就促成今次廣告，好多謝小青姐，而今次製作方面由（梅）小惠團隊負責，我哋係識咗好耐嘅朋友，不過以咁樣合作形式就係第一次，所以呢個廣告都幾特別，同雙妹嘜合作。」

阿佘身形廿年如一

阿佘出名保養得好，皮膚白滑有光澤，身形更是廿年如一，蛇腰更讓人趨之若鶩，她大方分享心得：「這兩三年疫情關係，都比之前注重健康，每天盡可能做30分鐘簡單拉筋瑜伽動作，多年來都係少食多餐，我覺得食保健產品都係好重要，因為始終有些supplement是平日飲食吸收唔到，所以我都會keep住食呢個牌子，多方面配合，狀態先可以keep 到。」

今次肩負製作總監的小惠，在完成拍攝後大讚阿佘專業。「大家都見到，阿佘大部分嘅shot都係一take過順利完成，表情對白都掌握得好精準，佢仲會畀不同嘅角度我哋拍攝，難怪佢可以咁成功演繹不同角色。」

向海嵐（Anne）早前宣布成為保健產品「安迅康NMN」的星級代言人，近日索性「反客為主」，決定入股投資該保健產品，正式由代言人「升呢」兼任老闆。日前她與另一位代言人王賢誌（Vinci）身體力行擔當一日店長，到九龍站寄賣店力Sell自家產品，相當貼地！

兩位星級店長當天放下藝人包袱，落手落腳執頭執尾，由搬貨、執貨到上架都親自完成！在空檔時間，Anne不忘拿起「貓紙」溫書，惡補產品資料及成份。當有客人查詢時，Vinci 發揮「王牌司儀」口才，不費吹灰之力便成功Sell掂顧客！Sell客當然也難不到美貌與智慧並重的Anne，作為生招牌的她吸引不少師奶捧場客，更引來不少途人要求「集郵」，吸客力驚人。

緊張生意添壓力

事後他們接受訪問，Anne坦言體驗一日店長的過程緊張又驚險：「其實都有少少辛苦啦，因為自己好緊張，當有客人問嘢時要好熟悉產品資料，好驚自己會講錯，同時又好想做成單生意，唔多唔少都有啲壓力。」提到她由產品代言人榮升投資者，Anne 表示：「我投入程度好高，代言時已經好了解清楚產品，自己同身邊朋友都覺得呢隻產品有效，加上依家大家對保健品需求大，覺得市場前景唔錯，所以值得我投資落去。」

至於司儀經驗豐富的Vinci自言有一定的說服力，售貨時絕不怯場：「我覺得自己係個幾好嘅售貨員，因為我講嘢本身都有說服力，加上我真係試食過產品，所以客人聽完都好有信心。今日都唔算辛苦，一生人都冇乜機會做店長，我記得唯一一次係為慈善賣二手衫。」原來Vinci讀書時曾在茶樓推點心，所以搬貨執貨對他來說也是Easy Job：「搬貨唔算好操勞啦，我細個讀書時，屋企人移民加拿大開過一間中式酒樓，我有兼職做過『Busboy』傳菜推點心，嗰時仲操勞，所以今日呢啲算係好輕鬆喇！」