今年入行20周年的張敬軒獲粉絲買巴士站燈箱廣告應援，軒仔就勸喻粉絲不要浪費金錢，還宣布會在廣州和香港設立歌迷活動中心，多些和歌迷交流，其中香港的活動中心面積逾二千呎，現時正在裝修，預計10月啟用。昨日軒仔出席活動，有逾300名fans到場支持，夜晚他在IG狂出Post多謝粉絲。軒仔貼出「接蕉」相讚粉絲聽話：「叫你哋攞梳蕉嚟探我真係有梳蕉，睇吓我後邊個保安哥哥笑得幾開心，佢問咗我一句：『Why banana？』」

粉絲還送了一座「#軒公廟」給軒仔，搞到他忍不住留言：「好似紙紮舖入邊嘅！」又有粉絲將軒仔的自摸相改圖，將他的腰P成13條留言說：「自摸十三腰」、「自摸十三腰單吊一筒」，超有創意！軒仔又貼出和粉絲的大合照，用遮遮最喜歡的麵包為粉絲遮樣，並留言說：「我今日好開心見到大家，真係好耐冇見過識郁嘅你哋喇，知道有啲朋友仔好早就到咗，七月流流仲要搬埋啲廟吖、紙吖、燈吖嚟，老衲我倍感感動！」溫馨又爆笑！