宋宛穎（Sabina）昨晚勇奪港姐冠軍，雖然有網民認為亞軍梁凱晴比她漂亮，不過亦有網民撐她漂亮又有口才。Sabina昨晚得獎後返回火炭半山低密度住宅，她的家人隨即為她慶祝，又食婆婆為她煮的炒飯，婆婆有到現場看比賽，而媽咪則身在澳門，當她知道愛女奪冠後，即與40多人慶祝。問Sabina自己表現如何，她說：「未到最滿意，90分啦，有10分係進步空間嚟嘅！」

22歲的Sabina是中葡混血兒，來自單親家庭，加拿大多倫多大學畢業，雙修生物化學及人類生物。而她出身自選美世家，宋媽媽是1990年澳門小姐亞軍文寶雪，宋媽媽1991年參選華姐時，同屆有亞軍袁詠儀。Sabina的婆婆還爆料：「我堂家姐係加拿大小姐，又係三藩市小姐，不過已經幾十年前，而Sabina媽媽嘅堂家姐亦係澳門小姐冠軍。」加上Sabina和媽咪，真是一門四傑！

Sabina參選港姐，媽媽就做幕後軍師，Sabina指每一餐都會向媽媽匯報：「食乜都要影張相問吓佢，見我有時間就會叫我去搵個PT（私人教練），差唔多好似我經理人咁。」Sabina自小受到媽媽悉心栽培，成就今日的冠軍路，她6歲已經開始學習各種舞蹈，精通芭蕾舞、中國舞、爵士舞、Hip-Hop、拉丁舞、宴會舞及古典舞。小時候去過薛家燕藝術培訓中心學跳舞，Sabina說：「我好記得我係上過2010年嘅《歡樂滿東華》！」