人氣爆紅的男團MIRROR和ERROR，明天（23日）中午12時將出席屯門市廣場1期1樓中央廣場舉行的ViuTV《夏日電視賞》記者會，由於十六子難得同場，不少粉絲為見「老公」，今早已在商場霸定靚位，瘋狂程度，近年難得一見！有網民在「我老婆嫁咗比Mirror導致婚姻破裂關注組」開post貼相，相中可見商場已圍起圍板，放了鐵欄，不少鏡嫂和「404」（ERROR粉絲的專稱）已經現身排隊，不同後援會還放置橫額、手牌等應援物。

有網友就留言：「沒有最癲只有更癲」、「真係有人已擔定櫈仔」、「已經排咗3行。」不過之後有網友見商場保安勸喻粉絲離開，有網友更新現場狀況：「已經俾員工清咗大部分，但仍有人擔櫈仔坐住等。」有網民提醒鏡嫂商場唔係24小時開放，到夜晚會被趕，明天又要重新排隊，認真陰公豬！