Calvin Klein昨日在FB貼出全新內褲廣告代言人的相和片，但不見樣，只露出少少鼻，但6塊腹肌超完美，神徒一眼就認出是教主Anson Lo（盧瀚霆），之後立即在社交平台瘋狂洗版，神徒激動留言：「唔該叫白車，我要暈到了！」、「真係唔好再除，唔想死住！」有神徒還以《大叔的愛》劇情搞笑說：「大支嘢要來了！」

很多神徒都期待明天CK為大家準備的限定驚喜禮遇，不過有神徒就坦言接受不到教主這樣的衣着：「 你哋個個神徒為教主的肌肉照叫到依嘩鬼叫，但係唔知點解我完全冇反應，甚至唔想睇張相……可能我還停留在凌少牧時期，所以我接受唔到！」又說：「 我覺得佢係王子，王子唔會咁着…我覺得好反感啊！」

之後有神徒和應說：「 我明呀，我都唔想教主太Sexy！」、「 我淨係希望佢唔會除剩條底褲！」、「 我覺得好似我個仔俾人睇蝕晒嘅感覺！」不過亦有神徒說：「  不過呢粒仔好proud of同大品牌合作，無論點都會撐佢！」、「 佢大個仔，要衝出國際，難免要放手！」最初說接受不到的神徒亦認同：「係呀，所以我只是自己唔接受，不等於叫他唔好去做，我會支持教主做的事情！」相信教主聽到都會放心！