《ERROR自肥企画》空前成功，令ViuTV的綜藝節目備受觸目，無綫的香港小姐選舉將於9月舉行，而ViuTV下星期一（7日）就播出另類選美真人騷《造美人》，由強尼、沈殷怡和練美娟主持，早前ViuTV已經公開16位參加者的相，完全暴露缺陷身形，慘被網民評頭品足。ViuTV預告其中7位參賽者在第一集登場，當中話題十足的1號參賽者芷橋自爆用了三、四十萬整容，包括割雙眼皮和隆鼻。

芷橋解釋: 「之前遇過一個男仔，我同佢係性格上好夾，但佢最後都唔認我，係因為我唔夠靚，唔夠瘦，我真係需要咁多努力去變靚，先有資格成為一個女人。」不過芷橋被專業團隊評為整容失敗，之後她在後台崩潰狂哭：「可唔可以教我點樣可以愛自己，點解我要係女人，我唔想做女人呀！」

而任職空姐的5號參賽者Georgia，介紹自己說：「皮膚唔夠白，眼唔夠大，鼻唔係高，而家最唔滿意係自己個鼻，曾經因為唔滿意自己嘅鼻型，去打透明質酸，因為溶解劑同第二支針撞咗，半邊鼻發炎，導致爛鼻，兩個月唔可以見人。」專業團隊就認為Georgia鼻子的問題唔算大，改造空間較少。
至於6號參賽者OK 就說：「我之前一直喺地盤返工，日曬雨淋，搞到我塊面好多斑，想透過節目執返靚個人。」不過專業團隊指OK要變美人，等於做一架穿梭機的工程！