38歲吳浩康 (Deep)今年3月被爆和35歲郭思琳奉子成婚，兩人上月入紙申請註冊結婚。今日郭思琳在IG宣布誕下囝囝撑撑（乳名），不過她說過程痛不欲生：「今次呢個生育過程真係痛不欲生，最難捱嘅係好想順產，但一直催生到開刀前都等唔到宮頸打開，淨係不斷地feel到劇烈陣痛…. 不過最後見證住你平安出世，呢樣先係最緊要!我仲好記得喺產房Deep爸爸聽到你第一下喊聲，佢開心到好似中獎咁成個彈起!🤣」結果囝囝重8磅11，郭思琳說：「怪唔知催生咗17個鐘 你都唔肯出嚟啦，原來係大件到出唔到嚟。」

Deep表示去到醫院，姑娘跟他說的第一句說話是：「你太太真係好忍得痛，佢可以咁樣頂，仲頂咗咁多個鐘！」幸好最後母子平安，Deep還為囝囝剪臍帶︰「真係好佩服太太，同埋真係好多謝佢，一啲都唔簡單，希望我可以繼續好好配合佢嘅生活啦，最後多謝大家、媒體對我哋一家人嘅關心、所有人對我哋嘅祝福，多謝晒！」Deep表示要跟爸爸商量囝囝的名字，暫時未有定案。