林作、鍾培生 的「百萬林鍾大戰」等了半年，今晚終於在九展StarHall了斷！現場有不少圈中人到場，包括汪明荃、羅家英，林作女友裕美和林媽媽繼續零交流，林媽媽為撐囝囝，買了$6,888飛請「超強武器」七仙羽到場坐鎮，林媽媽說：「有師傅喺度，一啲都唔怕！」七師傅就說邊看賽事邊作法，問她念甚麼經，她說：「『難念的經』，啲經好難念㗎。」而鍾培生父母就坐$28,800 VVIP位撐囝囝。

比賽規定雙方打四個會合共8分鐘，30歲的鍾培生重64.8公斤，31歲的林作重72.3公斤，雙方相差7.5kg。結果揚言要「打爆林作個嘴」的鍾培生全程追着林作打，林作就不停走，不夠打就攬着鍾培生，評述不時搞笑說：「林作倒在鍾培生懷裏！」、「呢啲就係愛喇！」雖然林作偶然擊中對手，結果都是鍾培生大熱勝出！賽後林作搞笑說：「我唔小心打爆鍾培生個鼻！希望佢再搵我挑戰，下次出場費double！」鍾培生就說：「我個鼻冇事，希望經過呢次，林作可以學識尊重人！」不過林作沒有被鍾培生擊倒，有網民當他贏了！