ViuTV男子組合ERROR受歡迎，粉絲眾多，但想不到有人會向壽紙店訂造ERROR紙紮公仔，打算燒俾過身的ERROR粉絲！「泰記壽紙」昨天在fb貼出客人的查詢WhatsApp截圖，該客人問：「你好，我的好朋友上星期晚過咗身，佢生前好鍾意ERROR，尤其193同肥仔，我想問可能咁樣講法都唔係好尊重，但你哋會唔會紮到佢哋嘅組合同埋花姐出嚟，可以燒俾佢，唔係講笑我認真嘅 。」「泰記壽紙」留言道：「其實唔係第一個問過呢個問題，不過我都想問返究竟有冇必要咁樣做？」又說：「利申係error fans，唔會接單！」

貼文一出，網友議論紛紛，有網民留言說：「我認為唔好，往生者幾鐘意都好都唔應該咁做，要尊重在生的ERROR 4子。」、「聽講好似唔得喎，會影響生人。」有網友提議：「ERROR 曾去台灣進行哭喪集訓，係咪重金請佢哋去哭喪更好！」、「不如叫佢試下推到ERROR睇正，寫幾句問候語簽個名燒俾朋友好似好啲，咁做大吉利是咩！」、「燒個收到香港wifi既router＋電視機頂盒俾佢就得！」你又怎樣看呢？