MIRROR成員姜濤、盧瀚霆（Anson Lo）、呂爵安（Edan）和陳卓賢（Ian），今早在中環出席活動，現場有約二千名鏡粉逼爆商場，有鏡粉昨晚6點半已到場通宵守候，超誇張！不過講到討論度，必定是昨晚播出的麥當勞廣告「大姜真愛《男兒爭入樽》」，內容講述姜濤、Anson Lo、Edan為爭奪成為籃球劇男主角而大鬥法，結果姜B完勝！

片中姜B貫徹型英帥靚正，Edan表情依舊喜感十足，而最令人注目反而是Anson Lo，他完全拋開偶包，表情誇張搞笑，令人驚喜！有神徒就大讚：「教主點解可以咁搞笑㗎！」、「好Cute救命，跟住兒登一齊壞咗掉咗偶包落山！」又有鏡粉搞笑說：「 佢哋（登神）兩個好似鬼上身！」、 「 再咁落去，MIRROR冇邊個個偶包會仲留喺地球。」、「 就嚟變ERROR16子！」就連教主剃了腋毛都成焦點：「 教主冇胳肋底毛！」

當中亦有粉絲表示失望：「其實幾失望，拍到教主好醜樣兼有點猥瑣！」、「登神完全無關係嘅，後面塊版寫情侶係呃人嘅！ 」、 「點解冇教主食手手！」有粉絲嫌三子互動太少：「 最鍾意睇佢哋互動！」你覺得呢？