標籤: 姜濤

娛樂

Edan 生日細妹超Sweet 小如豬晒搞笑MK照賀壽 Jeffrey貼Edan胸襲相 Anson Lo騷貼身合照

今天是MIRROR成員Edan(呂爵安)25歲生日,一班爵屎(Edan粉絲名稱)為祝賀偶像,集資在葵芳新都會廣場L5空中花園舉辦兩星期的「Happy Edan Day生日應援展品」,有爵屎又租了旺角户外LED大屏幕、尖沙咀户外三層LED大屏幕播生日片,還有應援巴士等賀壽星仔,很有心思!

Edan
今天是MIRROR成員Edan(呂爵安)25歲生日,Happy Birthday!

有「世界第一妹控之稱」的Edan,和細妹小如豬感情一向超好,小如豬今日就在IG Story上載Edan中學年代的「MK照」寫道:「 生日快樂哥哥,Po張MK照!」之後再貼出11年前的舊相說:「再嚟多張11年前alr,感歎點解我而家係咁嘅樣!」之後再來一張Edan於2017年拍的超大鼻窿相說:「keep住開心快樂呂爵安!」搞笑得來很溫馨!

Edan
小如豬今日就在IG Story上載Edan中學年代的「MK照」寫道:「 生日快樂哥哥,Po張MK照!」
Edan
之後小如豬再貼出11年前的舊相。
Edan
之後再來一張Edan於2017年拍的超大鼻窿相說:「keep住開心快樂呂爵安!」
Edan
小如豬連橫Po哥哥搞笑相。
Edan
有「世界第一妹控之稱」的Edan,和細妹小如豬感情一向超好。

除了細妹小如豬,圈中好友亦紛紛送上祝賀,和Edan組成登神CP的隊友Anson Lo(盧瀚霆),就上載兩人身貼身的合照祝Edan:「Happy Birthday!」甜到漏!一向愛貼隊友黑圖的姜濤,今日難得貼出Edan正常背心照祝賀。而《膠戰》好兄弟Jeffrey(魏浚笙),就在IG上載被Edan胸襲扮錫錫的相留言:「哥哥,生日快樂!」Edan即回覆:「Love u細佬!」兄弟情深!而Edan「正印」、DJ小儀就上載早前Edan去水上樂園玩滑水梯的片段,搞笑說:「靜雞雞話你聽吖:Edan,er er er……你戇居同chok都係正嘅!」

Edan
和Edan組成登神CP的隊友Anson Lo,就上載兩人身貼身的合照祝Edan:「Happy Birthday!」
Edan
一向愛貼隊友黑圖的姜濤,今日難得貼出Edan正常背心照祝賀。
Edan
《膠戰》好兄弟Jeffrey(魏浚笙),就在IG上載被Edan胸襲扮錫錫的相留言:「哥哥,生日快樂!」
Edan
Edan「正印」、DJ小儀就上載早前Edan去水上樂園玩滑水梯的片段。
Edan
小儀搞笑說:「靜雞雞話你聽吖:Edan,er er er……你戇居同chok都係正嘅!」
娛樂

6歲植物人聽姜濤歌識眨眼 周爸爸感動:昏迷以來罕見

無綫節目《東張西望》去年10月曾報道,6歲的小天瑜疑因醫療失誤,慘變植物人,今年1月11日節目再跟進天瑜的情況,周爸爸正學習照顧天瑜,以便之後接囡囡出院。近日周爸爸在facebook群組「天瑜醫療事故關注組」上載短片,指他在天瑜耳邊播姜濤的《蒙著嘴說愛你》時,竟發現天瑜眼珠轉動和眨眼!

周爸爸在片中寫道:「 她聽了一會,眼睛開始有反應,看到她有輕微的眨眼動作,我就給她一點鼓勵,希望她能給我更多反應……忽然她的頸部好像有點動作,天瑜好像想嘗試把頭轉向右邊,我好像聽到甚麼聲音,她好像哼了一下,頭部動作更大,再哼了一下,眼睛有更大的轉動,她就這樣哼了兩三次,感覺好像想跟着一起唱,自從她昏迷以來,這麼明顯的反應是十分罕見的!」天瑜的反應令周爸爸相當感動,還答應囡囡之後會多播姜濤的歌給她聽,令人鼓舞動容!

姜濤
無綫節目《東張西望》去年10月曾報道,6歲的小天瑜疑因醫療失誤,慘變植物人。
姜濤
早前節目再跟進天瑜的情況,周爸爸正學習照顧天瑜,以便之後接囡囡出院。
姜濤
近日周爸爸在fb群組「天瑜醫療事故關注組」上載短片,指他在天瑜耳邊播姜濤的《蒙著嘴說愛你》時,竟發現天瑜眼珠轉動和眨眼!
姜濤
周爸爸在片中寫道:「 她聽了一會,眼睛開始有反應。」
姜濤
之後天瑜好像想將頭轉向右邊。
姜濤
周爸爸在片中寫道:「我好像聽到甚麼聲音,她好像哼了一下……眼睛有更大的轉動,她就這樣哼了兩三次。」
姜濤
周爸爸說:「自從她昏迷以來,這麼明顯的反應是十分罕見的!」令人感動!
娛樂

姜Man 讚《鏡中鏡》MV「高大上」 ERROR經理人𢱑爆頭:要買姜濤字典

姜濤 除了是MIRROR嘅人氣王,大家都知他的國語超好,他拍台灣劇《超感應學園》全程講國語,發音準到連台灣人都讚,不過想不到他連內地潮語都識。昨日姜濤在IG上載拍攝新歌《鏡中鏡》MV時的花絮,他扮鬼扮馬超可愛,又和ERROR經理人濟哥搭膊頭聊天,但當姜濤說「高大上」時候,大家都不知他說甚麼,搞到濟哥說:「我要去買本姜濤字典啦!」很搞笑,一起看看!

娛樂

患者曾到ViuTV大本營九展 MIRROR、ERROR接受強檢 檢測報告均為陰性

第5波疫情大爆發,連日多個地方列入強檢範圍,MIRRORERROR所屬公司ViuTV正位於九龍灣國際展貿中心,根據衛生防護中心早前公布,有患者到望月樓同日,亦曾到九龍灣國際展貿中心,因此九展被納入強制檢測公告,任何曾經在12月27日下午5時至7時身處該處的人士需要強制檢測。有報道指MIRROR和ERROR 16子當日曾回公司整裝待發出席《新城勁爆頒獎禮2021》,並逗留一段時間,因此需要強檢。

報道又指MIRROR和ERROR成員日前進行第一次強檢,全部屬陰性,昨日(8日)需再接受強檢,因此16子先後回公司交深喉唾液樣本,姜濤於早上11時現身九展正門,即獲姜糖問候,姜濤完成檢測後離開。而Anson Lo(盧瀚霆)去完銅鑼灣神徒為他預備的《2021教主歌•影•視》巨型LED幕打卡後,亦回公司接受檢測,而Edan(呂爵安)、193(郭嘉駿)就由後門回公司。消息傳出後,鏡粉和404(ERROR粉絲名稱)紛紛留言慰問!

事後ViuTV就藝人做強檢一事回覆傳媒:「由於有確診人士曾經於12月27日下午5時至7時出現在九展,我們已按政府規定安排於上述時間在ViuTV辦公室的同事及藝人進行檢測,檢測報告均為陰性。我們會繼續執行相關防疫措施及檢測程序。」

MIRROR
有報道指 MIRROR當日曾回公司整裝待發出席《新城勁爆頒獎禮2021》,並逗留一段時間,因此需要強檢。
MIRROR
ERROR當日亦有回公司預備出席《新城勁爆頒獎禮2021》。
MIRROR
昨日(8日)姜濤於早上11時現身九展正門回公司。
MIRROR
Anson Lo(盧瀚霆) 去完銅鑼灣神徒為他預備的《2021教主歌•影•視》巨型LED幕打卡後,亦有回公司。
娛樂

美國越洋專訪 恨同Lokman、阿Dee 出Rap歌 Alton向花姐落藥:希望有呢日

MIRROR成員Alton(王智德)2018年參加《全民造星》,因發表感言「尋求無悔真生活,路漫長也靜候」,令觀眾留下深刻印象,去年他在MIRROR演唱會做個人棟篤笑亦備受讚賞,最近他接受美國華語節目《偶像名人堂》越洋訪問,大爆當初參加《全民造星》只希望對工作有好處:「我本身係個跳舞人,但當時從事健身行業,我好膚淺好坦白講,或者參加呢個節目多啲曝光率,對於工作都有啲好處,點知一入去個舞台,就好掛住全程表演嗰個感覺,就好似一個轉捩點咁,我返番嚟喇。當時我最覺得要做呢樣嘢,就係同B1組跳《精舞門》,當時有姜濤、Anson Lo(盧瀚霆)同埋兩位隊員,我哋就係鍾意做呢樣嘢,對我自己嘅事發展嚟講,呢個係幾值得記住嘅里程碑!」

Alton
Alton參加《全民造星》,因發表感言「尋求無悔真生活,路漫長也靜候」,令觀眾留下深刻印象。
Alton
Alton最近接受美國華語節目《偶像名人堂》越洋訪問。
Alton
Alton參加《全民造星》,和B1組跳《精舞門》,當時有姜濤、Anson Lo(盧瀚霆)及另外兩位隊員。

未加入MIRROR前,Alton、Lokman(楊樂文)與ERROR成員阿Dee(何啟華)有個組合「重操嘻哈」:「當時我同Lokman、阿Dee本身跳同一個舞種,都係Locking,跟住我哋有其他舞種撈埋一齊玩,玩玩吓就覺得我哋想接觸多啲嘢,我哋走咗去研究Rap呢樣嘢,慢慢由跳舞組合變咗音樂組合,當時做呢啲project最大嘅動機都係想開心,冇諗過會透過呢樣嘢達到某個位!」

Alton
未加入MIRROR前,Alton、Lokman與ERROR成員阿Dee有個組合「重操嘻哈」。
Alton
主持問Alton有沒有想過跟花姐說,和Lokman、阿Dee crossover出Rap歌,Alton直言不時向花姐落藥。

主持問有沒有想過跟花姐說,和Lokman、阿Dee crossover出Rap歌,好像姜濤和肥仔那樣,滿足心願,Alton直言不時向花姐落藥:「其實我哋成日喺背後一見到花姐,就會開始落佢藥:『花姐呀,我哋三個出首歌咁樣!』但唔會話到依家都未有會好失望,我哋明白要有個安排,要有啲耐性,始終MIRROR加ERROR咁多人,嘴巴上話好想,心入邊都好想,但再心入面都明有啲嘢要有耐性,我哋會提醒花姐我哋有呢個期待,但唔想俾太多壓力花姐,因為佢要處理嘅嘢好多,所以我哋真係等待緊,希望有呢一日!」

Alton
Alton說:「花姐成日都講笑,話我係MIRROR裏面嘅ERROR,因為我多鬼主意!」

主持問:「你個好朋友阿Dee喺ERROR,會唔會撬你過去?」Alton說:「花姐成日都講笑,話我係MIRROR裏面嘅ERROR,因為我多鬼主意!」花姐在《調教你MIRROR》說過Alton入行時,很想好像郭富城咁做一個跳唱歌手,不過Alton說話依家嘅想法改變咗好多:「當入咗行接觸咗好多嘢之後,就發現呢個世界好多元化,做戲啦、拍劇、主持、或者做talk show,原來都可以喺當中表現自己同搵到滿足感,喺人哋眼中叫勝任啦,我覺得郭富城得一個咋,Alton Wong都係得一個,不如就做Alton Wong啦!」

娛樂

親解《鏡中鏡》 想默默做義工 姜濤希望退休時:大家覺得我係一個幾好嘅藝人

姜濤 在《2021年度叱咤樂壇流行榜頒獎典禮》蟬聯「我最喜愛的男歌手」,又憑《Dear My Friend,》奪得「我最喜愛的歌曲」,他今日到商台節目《叱咤樂壇》接受謝茜嘉訪問,問到如何慶祝,姜濤說:「 完咗頒獎典禮,第二日就係MIRROR MV嘅拍攝日,嗰日難得食足三餐,我當慶祝咗!平日會計住計住,嗰日花姐都覺得我好誇張,對我嚟講,人生除咗音樂之外,第二重要嘅係食嘢。」

姜濤
姜濤蟬聯「我最喜愛的男歌手」,他說:「 完咗頒獎典禮,第二日係MIRROR MV嘅拍攝日,嗰日難得食足三餐,我當慶祝咗!」
姜濤
姜濤今日到商台節目《叱咤樂壇》接受謝茜嘉訪問。

之後姜濤親述第9胎《鏡中鏡》誕生過程,他說:「其實入咗行冇耐,就漸漸擔心日後嘅路,除咗可愛或者得意形象之外,我仲有好多面未俾大家睇到,尤其是過去呢一年,慢慢質疑自己,因為外界都有好多質疑,尢其是上年攞咗『我最喜愛的男歌手』之後,更加多外界質疑,連自己都開始懷疑自己,到底我有乜嘢可以俾到觀眾呢?上年年頭,情緒一度好差,外界嘅聲音啦,自己內心對自己嘅聲音,身邊又發生好多事情,令自己覺得好似唔知自己做緊啲咩,我第一步解決嘅問題係,希望將真實嘅自己話俾大家聽,我係個咩人,將呢個攞出嚟之後,無論大家鍾意唔鍾意都好,起碼自己問心無愧!」

姜濤
姜濤親述第9胎《鏡中鏡》誕生過程。

姜濤指《Master Class》這首歌是一種反擊:「其實由年頭做咗《Master Class》之後,呢首歌係講反抗同反擊,比較衝動去做呢首歌,呢隻亦係攞完『我最喜愛的男歌手』之後出嘅第一首歌,有少少衝動同埋唔成熟,因為有太多個人嘅情緒,本身《鏡中鏡》呢首歌本來諗住喺《Master Class》出咗之後第二首歌,但當時冇咁完整嘅概念,因為想用更強硬嘅字眼去攻擊人,攻擊番攻擊我嘅人,第一想解釋,第二想反擊,冇咗第三共存嘅階段、其實《鏡中鏡》仲有一個階段係,係希望同呢啲嘢去共存,經過一年之後發覺,呢啲嘢係無止境,所有嘅聲音咩都好,只要你喺呢行就一定受到質疑,呢個係必然,所以你冇辦法同大家對抗,不如嘗試帶住呢啲聲音行落去!」

姜濤
《鏡中鏡》MV。

謝茜嘉問:「你最介意人哋話你咩?」姜濤話:「冇話最介意人哋話乜嘢,話乜嘢都有,會話:『你成日拍咁多廣告,你都唔係歌手嚟嘅!』類似種種嘅聲音都會令自己開始質疑自己,好彩後來內心另一個自己同自己講:『你冷靜啲先,一定仲有解決嘅方法!」姜濤之後寫了千字文給填詞人小克,訴說自己的感受:「嗰排有睇小克嘅書,都了解到小克老師嘅詞,佢所描述嘅嘢唔單只係市面上情歌咁簡單,佢可能係追尋緊人生更加多嘅意義,佢厲害到會解釋埋宇宙嘅定義,其實人生仲有好多事情去發掘,唔需要停留喺呢啲咁小嘅事情入面,所以我睇咗個本書之後,就覺得下一隻歌就搵佢寫。」他又說:「 呢隻歌雖然話係答案,準確啲來講係俾咗方向,唔會出咗呢隻歌之後,大家嘅抨擊會停止,但要自己內心嘅聲音嘗試同佢哋共存,我再次面對呢啲聲音嘅時候到,都會一笑置之!」

姜濤
姜濤之後寫了千字文給填詞人小克,訴說自己的感受。

小克的書牽涉很多因果、前世今生,問姜濤相不相信前世今生,他說:「 我以前唔信嘅,但最近都研究好多佛學嘅嘢,自己無啦啦會睇吓《莊子》、《老子》,所有一切嘅嘢,因為人與人之間都有一種緣份,我今日行到呢一步,都唔係淨係靠自己嘅努力,冥冥中都有啲力量幫我。我都好想知我前世係咩,其實我喺呢一世都有好多莫名其妙嘅記憶,唔知點解我心目中有個密碼,我所有嘅銀行帳戶都係用呢個Password,但嗰個密碼唔係有意義,唔係我嘅生日,我估係前世用開嘅密碼,真係好神奇!」

姜濤
姜濤很想知自己的前世是甚麼。

現在如何看藝人這身份呢?「三年後我覺得對artist有更加多嘅責任,不但喺唱歌方面邊,你嘅生活都要帶俾人哋更加多嘅訊息,例如其實我哋嘅粉絲一直以來幫我哋做好多善事,我哋當然都呼籲粉絲做善事,但我哋本身都要做多啲善事,我都有同花姐講話嚟緊俾我默默地去試吓做義工,希望用自己嘅力量去影響更多人!」

至於人生目標,他說:「之前話25歲退休誇張咗,依家冇話諗住幾多歲退休,一切順其自然,人生冇話一定嘅,可能下年,講笑,其實依家嘅我唔夠膽講有咩追求,我希望我嘅價值係離開呢行之後,大家覺得姜濤係一個幾好嘅藝人,希望離開嘅時候,大家記得我係姜濤,唔係姜B!」

監製Edward Chan大讚有親和力

今年奪得「叱咤樂壇監製大獎」的Edward Chan, 由姜濤第1胎《一號種籽》到第9《鏡中鏡》都有份監製,對姜濤有一定了解,Edward Chan昨日接受同一節目訪問。

今年奪得「叱咤樂壇監製大獎」的Edward Chan, 由姜濤第1胎《一號種籽》到第9《鏡中鏡》都有份監製,對姜濤有一定了解,Edward Chan昨日接受同一節目訪問,就大讚姜濤是一個好特別的藝人,而且很成熟:「好似 《Dear my friend,》呢件事,我係知個不幸,佢本來要錄音,但佢經理人通知錄唔到,一路我都唔知咩事,後來佢返嚟錄音都冇講過,好成熟咁處理。喺個部分完結嘅時候,佢就同我講想做首歌送俾朋友,佢問我好唔好,我話諗吓先,後來我哋擺低咗呢件事,但係大家感覺都係不如都做啦,我嘗試幫佢搵旋律,冇Official confirm過做,我之後send咗啲旋律俾佢聽,姜濤話幾好喎,不如就講呢個topic啦,好自然咁做咗出嚟,我會感覺到喺呢件事上面,佢處理緊個傷痛,係一個好成熟嘅做法,我覺得以一個二十幾歲嘅後生仔來講好難得!」

姜濤
監製Edward Chan大讚姜濤有親和力。

Edward又說:「其實阿姜都幾容易捉嘅,佢唔會修飾自己嘅情緒,但佢會好專業咁完成佢要完成嘅嘢。」謝茜嘉問:「作為監製嘅你有冇俾人姜濤電過?」Edward說:「其實佢確實好吸引人,佢嘅吸引來自佢嘅親和力,我覺得佢入面好大,佢藏咗好多嘢,佢有好強烈嘅親和力,我嘅family ,佢有時會喺studio見到,佢會對佢哋好好,而我嘅family覺得佢好吸引,想同佢傾偈,佢都好好。喺演藝方面,佢好清楚自己想點,同一時間佢好有決心去做嗰件事,你只會想盡自己嘅能力,幫佢達成心目中嗰件事。」

娛樂

姜濤 19歲已經好謙虛:多謝你們見到有我這個人

姜濤 出道三年,依然是人氣王,還蟬聯「叱咤我最喜愛的男歌手」。昨晚姜濤在IG講感言:「 2021對我而言,既漫長又短暫,自己還未來得切逐一改善自身好多缺點,但無論如何,我非常感恩,包括所有台前幕後工作人員、合作單位、MIRROR兄弟和姜糖們。我會努力,希望有一日可以做到對得住「歌手」這個身份,和獲得的所有榮譽。」謙虛得來很有大志。我們回看姜Man2018年9月的IG考古直播,當時他正準備《全民造星》的決賽,雖然樣子很像BB那麼可愛,但已經叫姜糖不要執着他是否拿冠軍,又多謝姜糖「見到有我這個人」,19歲時已經很會想和很謙虛!

娛樂

玩教主遭神徒狂鬧 林海峰親解事件讚Anson Lo好可愛 謝茜嘉爆姜濤喊住衝入女DJ房

MIRROR 在剛過去的《2021年度叱咤樂壇流行榜頒獎典禮》狂掃8個獎,不過林海峰(Jan)揭曉「我最喜愛的男歌手」時,輪流玩有份入圍盧瀚霆(Anson Lo)、呂爵安(Edan)和陳卓賢(Ian),Anson Lo還一度站起來,差些以為自己得獎,幾乎重演當年關心妍「 錯獎」的尷尬場面!Anson Lo對於被Jan戲弄並沒有介意,還笑言:「嚇死我、我呆咗,唔敢信,嗰一刻好猶豫,但冇失望,因為冇諗過會得獎。」事後神徒湧到阿Jan社交平台鬧罵他玩得過份,直指「真係嬲」、「不尊重人」,亦有其他非神徒的網民說看得不舒服!

Anson Lo
MIRROR在剛過去的《2021年度叱咤樂壇流行榜頒獎典禮》狂掃8個獎。
Anson Lo
林海峰揭曉「我最喜愛的男歌手」時玩Anson Lo,令Anson Lo還一度站起來,差些以為自己得獎!
Anson Lo
Anson Lo對於被Jan戲弄並沒有介意,還笑言:「嚇死我、我呆咗,唔敢信,嗰一刻好猶豫,但冇失望,因為冇諗過會得獎。」

林海峰和嘉賓主持谷德昭今日在《在晴朗的一天出發》討論這件事,林海峰說:「我一返到屋企聽到第一句:「『過份咗!』我諗呢次死喇,咁我即刻攤喺度反思下!我有睇報道,對我嗰啲冇乜所謂,好小事,我見到嗰啲留言唔係講我,佢哋根本每一句都係講對Edan、Anson Lo、姜濤、Mirror嘅愛,網民鬧:『你真係過分!』我睇嘅時候係感動嘅,嗰啲力水係來自對佢哋嘅愛,先有咁嘅反應。」Jan繼續說:「我嘅責任係令大家好興奮,我覺得可以咁做,因為佢哋個個都係比賽出嚟,佢哋嘅抗壓能力比常人高好幾倍, Anson(喺《全民造星》)好早已經走咗,佢哋心理質素強大,如果唔係,佢哋唔會咁樣跑出嚟。第二係佢哋之間嘅感情,佢哋一Team人,all in one,尤其是佢哋兩個(Anson Lo、姜濤),佢哋嘅友誼,我覺得可以做一次咁樣嘅事!」

Anson Lo
林海峰和嘉賓主持谷德昭今日在節目《在晴朗的一天出發》討論這件事。( 谷德昭IG圖片)
Anson Lo
谷德昭說:「撩佢自己講吓《叱咤》嗰晚嘅第一身說法,大家知啦,佢絕少開咪講自己嘢㗎嘛!」
Anson Lo
林海峰指:「佢哋一Team人,尤其是佢哋兩個(Anson Lo、姜濤),佢哋嘅友誼,我覺得可以做一次咁樣嘅事!」

Jan說回當日原先的鋪排:「我個稿係『恭喜你,Anson Lo……好忙,我自己綵排過,我幻想到觀眾嘅反應,我應該停半秒定停1秒,但我冇辦法估計現場嘅反應,將個停頓位拖到我冇辦法返轉頭,『恭喜你Anson Lo』,我啱啱想睇邊個位入『好忙』嗰句,隔離嗰個E先生已經『冚』埋去,啲觀眾已經嘩嘩嘩!Anson Lo就攤咗喺後面,你知Anson Lo係個幾好嘅人,好可愛!」谷德昭亦讚Anson Lo:「Anson Lo個反應好可愛,佢嘅反應好好,係100分,係杜琪峯拍先有呢個反應,呢個係真反應,係來自一個善良嘅人! 」

Anson Lo
Jan說:「Anson Lo就攤咗喺後面,你知Anson Lo係個幾好嘅人,好可愛!」

當晚另一個焦點就是姜濤憑《Dear My Friend,》奪得「叱咤樂壇我最喜愛的歌曲」,他在唱歌時因懷念故友而泣不成聲。謝茜嘉、梁文禮今日在節目《叱咤樂壇》大爆姜濤唱完歌衝入後台的事,謝茜嘉說:「 有同事話返俾我哋聽,姜濤一落台就衝咗入去我哋嘅DJ房,我哋嘅DJ房係最近台嘅,佢衝入去第一間房就係我哋女DJ換衫嘅房, 當時Vani喺度,Vani話:『你知唔知頭先姜濤衝入嚟,佢直入廁所閂埋道門。』佢的確需要處理情緒。」謝茜嘉又說:「經理人花姐當時在場,花姐喺門外同姜濤講咗一番說話,呢番說話唔應該on air講,跟住佢就靚靚仔仔出返嚟!」

Anson Lo
姜濤憑《Dear My Friend,》奪得「叱咤樂壇我最喜愛的歌曲」,他在唱歌時因懷念故友而泣不成聲。
Anson Lo
謝茜嘉、梁文禮今日在節目《叱咤樂壇》大爆姜濤唱完歌衝入後台的事。
娛樂

姜濤 蟬聯叱咤我最喜愛的男歌手 唱《Dear My Friend,》泣不成聲

2021年度叱咤樂壇流行榜頒獎典禮」在亞洲國際博覽館舉行,開始時歌手逐一出場,當MIRROR出場時,歡呼聲不斷。今年頒獎速度相當急速,很多得獎歌手未說感言便要唱歌。第一個頒的獎項是「叱咤樂壇生力軍女歌手」,銅獎由Chantel(姚焯菲)奪得,她說:「多謝所有觀眾朋友,好多謝屋企人,我記得爹哋媽咪同我講讀書要俾心機!」銀獎是炎明熹(Gigi):「多謝一直支持愛惜我嘅人!」金獎由張蔓姿(Gigi)奪得:「多謝屋企人爹哋媽咪家姐,多謝你哋100%俾愛我!」「叱咤樂壇生力軍組合」銅獎由P1X3L奪得,銀獎是MC $oHo & KidNey:「我想多謝嘅人寫晒喺手度,特別鳴謝一直想我哋紅嘅人,多謝大家!」金獎是石山街。

姜濤
「叱咤樂壇生力軍女歌手」銅獎由Chantel(姚焯菲)奪得。
姜濤
炎明熹奪「叱咤樂壇生力軍女歌手」銀獎。
姜濤
「叱咤樂壇生力軍組合」銀獎由MC $oHo & KidNey奪得。

「叱咤樂壇生力軍男歌手」銅獎是曾比特(Mike),銀獎是Edan(呂爵安),他說:「多謝Mirror所有兄弟,多謝爵屎,多謝屋企人,特別係阿妹,2021年絕對係E先生連環幸運事件,得到好多機會,同時清楚自己做好多嘢都唔夠叻唔夠好,希望我會繼續努力,希望有朝一日大家會真真正正認同我哋!」金獎是張天賦(MC),他高呼:「老竇我得咗喇!多謝我嘅粉絲『賦二代』,新一年我希望可以高啲,我改變唔到身高,我希望可以再創新高,我減唔到肥,我改變唔到體重,但多謝你睇重!」

姜濤
「叱咤樂壇生力軍男歌手」銀獎是Edan(呂爵安)。
姜濤
「叱咤樂壇生力軍男歌手」金獎由張天賦(MC)奪得。

張敬軒之後奪得「叱咤樂壇至尊唱片大獎」,他表示多謝大家一直支持,多謝香港人。「叱咤樂壇組合」銅獎由Dear Jane奪得,銀獎是MIRROR,Lokman說:「攞到呢個獎多謝在場咁多位,多謝電視機前咁多位,因為好多時係你成就我哋,你俾咗好多力量同愛我哋,感激!」金獎則由C AllStar奪得。

姜濤
張敬軒奪得「叱咤樂壇至尊唱片大獎」、 「叱咤樂壇男歌手」金獎。

「叱咤樂壇女歌手」銅獎是林欣彤,銀獎黃妍,金獎由鄭欣宜奪得,她同時奪得「叱咤樂壇我最喜愛的女歌手」,她激動說:「其實我自己一路都好耿耿於懷一個名稱,就係歌手鄭欣宜,唔知點解大家報道我嘅時候都係寫藝人鄭欣宜,我咩都願意做,為咗換取更多機會唱歌,連我入手術室都拍埋,係你哋俾無限嘅時間同耐性我,令我成為今日嘅鄭欣宜,希望由今日開始,叫我做香港歌手鄭欣宜!」全場拍掌!

姜濤
「叱咤樂壇女歌手」金獎由鄭欣宜奪得,她同時奪得「叱咤樂壇我最喜愛的女歌手」。

「叱咤樂壇男歌手」銅獎由馮允謙奪得,銀獎是林家謙,金獎由張敬軒奪得,他說:「多謝現場觀眾同埋個歌迷,多謝你陪我行咗咁多年,多謝我廣州老家嘅屋企人同粉絲,自己行咗20年呢條路,希望去回饋樂壇,由今年開始我會低調做人,高調做事,將多啲時間放喺音樂! 」

MIRROR今晚大豐收,除了Edan奪「叱咤樂壇生力軍男歌手」銀獎外,「專業推介.叱咤十大」10大有3首由MIRROR同成員奪得,包括Anson Lo(盧瀚霆)憑《Megahit》奪第9位, Jer(柳應廷)的《狂人日記》奪第6位, MIRROR憑《Boss》奪第2位,之後MIRROR奪得「叱咤樂壇我最喜愛的組合」。

姜濤
Anson Lo(盧瀚霆)憑《Megahit》,奪得「專業推介.叱咤十大」第9位。
姜濤
Jer(柳應廷)的《狂人日記》奪第6位。
姜濤
MIRROR奪得「叱咤樂壇我最喜愛的組合」。

「叱咤樂壇我最喜愛的男歌手」則由姜濤蟬聯奪得,他說:「 要多謝嘅人太多,喺短短10秒講唔晒,我多謝晒所有人,我想有啲時間同香港呢個地方講,我哋曾經許下一個諾言,今年好多人覺得我唔知自己講緊啲乜,我喺呢個地方我有信心講,我哋香港一定係亞洲第一!」而「叱咤樂壇我最喜愛的歌曲」亦由姜濤的《Dear My Friend,》奪得,領獎時姜濤相當激動,只說:「 送俾你!」將獎項送給上天的故友,他唱歌時泣不成聲,更一度背向鏡頭,最後由工作人員帶他返入後台,場面感動又傷感!

姜濤
「叱咤樂壇我最喜愛的男歌手」由姜濤蟬聯奪得。
姜濤
「叱咤樂壇我最喜愛的歌曲」亦由姜濤的《Dear My Friend,》奪得,領獎時姜濤相當激動,只說:「 送俾你!」將獎項送給上天的故友。
姜濤
姜濤唱《Dear My Friend,》泣不成聲。
姜濤
更一度背向鏡頭,場面感動又傷感!
MIRROR成員在台下拍掌支持姜濤!

專業推介.叱咤十大

第1位 《Ciao》 RubberBand
第2位 《Boss》 MIRROR
第3位 《俏郎君》張敬軒
第4位 《多喝水》鄭融
第5位 《神奇的糊塗魔藥》林家謙
第6位 《狂人日記》柳應廷
第7位 《集合吧!地球保衛隊》C AllStar
第8位 《風的形狀》岑寧兒
第9位 《Megahit》 盧瀚霆
第10位 《荊棘海》 泳兒

娛樂

姜濤 孖MIRROR兄弟 為29歲末期癌症青年出post:希望平安

MIRROR 成員除了努力工作,亦很關心有需要的人,好像早前有網民「我老婆嫁左比Mirror導致婚姻破裂關注組」求助,表示27歲的女友是姜糖,7歲患一型糖尿病,今年因糖尿病致腎衰竭,要接受洗腎,以及做手術加人工血管,希望姜濤和網民為她打氣。之後姜濤在IG轉載貼文留言鼓勵:「沒甚麼能幫忙的,告訴他,我等她好起來,加油!」

姜濤
姜濤一向關心有需要的人,早前便為27歲、患糖尿病的姜糖打氣。

又好像Ian(陳卓賢),他有個28歲玻璃骨Hellosss(Ian粉絲名稱)斌琳,斌琳的好友Cami為了完成她見偶像的心願,於是找ViuTV節目《幫緊你應援團》幫忙,Ian二話不說和斌琳驚喜見面,還寫心意卡鼓勵斌琳,早前MIRROR六子舉行《Music On The Road》音樂會,斌琳獲神秘鏡仔留飛,當日斌琳到後台和六子影相,Ian還單膝跪地,將手托在斌琳的輪椅上,超細心。

姜濤
28歲玻璃骨Hellosss斌琳想見Ian,她的好友Cami於是找《幫緊你應援團》幫忙,Ian二話不說和斌琳驚喜見面。
姜濤
Ian還寫心意卡鼓勵斌琳。

今日姜濤和一班MIRROR兄弟,紛紛在IG Story轉發一張相,相中表示一位29歲青年患上罕有末期癌症,急需籌款用新藥療法,文中寫道:「29歲的他堅強地捱過了化療電療,多次針剌和插喉痛苦,可是失效和惡化。醫生說需到私家自費使用未入藥物名冊的新藥才有轉機。沒有藥,等於任由癌細胞侵蝕這個年輕的身體。病情危急,無計可施之下,盼望眾籌來應付新藥治療費,延續這個抗癌奇蹟,讓他活下去。請求善心人的慷慨解囊和幫助,衷心感謝大家。 」其實早在剛過去嘅平安夜,姜濤已轉發過同一張相,當時他寫道:「平安夜,除了我們自己和家人的平安,也希望那些我們不認識的人都可以平安! 」不過今日這張相更新了青年的狀況:「 現情況危急,求集氣為他打氣和祝福!」相信姜濤和MIRROR兄弟特意轉發,為青年打氣! 希望青年能渡過難關,祝福!

姜濤
姜濤在今年的平安夜,轉發一張相,相中表示一位29歲青年患上罕有末期癌症,急需籌款用新藥療法,當時他寫道:「平安夜,除了我們自己和家人的平安,也希望那些我們不認識的人都可以平安! 」
姜濤
今日姜濤在IG Story轉發同一張相,不過今日這張相更新了青年的狀況:「 現情況危急,求集氣為他打氣和祝福!」相信姜濤特意轉發,為青年打氣!
姜濤
MIRROR兄弟亦有紛紛轉發該相片,為青年打氣!
View More