今晚MIRROR 齊人出席手機活動，還在fb直播，不過活動遲遲未開始，不少鏡粉投訴等得太久，之後12子出場介紹手機，接着唱《IGNITED 》、《BOSS》便離開，最高峰時有接近3萬人收看。今日有報道指姜濤被Edan 舉中指欺凌，活動後兩人澄清是誤會，Edan說：「手勢係唔啱，大家唔好學，但男仔之間玩得太興奮，就好易會有呢啲白痴行為，但絕對唔係欺凌，大家應該都知道我同姜濤係好朋友。」Edan還在IG上載被姜B錫面的片段，老友鬼鬼！
在活動未開始前，姜B上載搞鬼短片，片中姜B和Ian 疑似在酒店房等候，兩人坐在牀上，姜B咬手指，之後鏡頭影着Ian，接着姜B「嗚嗚嗚」不停哭，扮被Ian污辱，而坐在旁邊的Ian就鬼馬單眼，相當爆笑！有姜Son粉絲搞笑留言：「背妻偷漢，雖然情夫好靚仔，但係BB你咁樣唔得㗎，我一定要話俾教主知！」、「呢個我睇到尖叫，個衰仔包仲要咬手指，扮委屈！」Ian就在IG指姜B 自編自導自演，很百厭！
人氣男團MIRROR 22歲成員姜濤爆紅，搞到鏡粉的老公在fb開了「我老婆嫁左比Mirror導致婚姻破裂關注組」，高呼被搶老婆。不過近日突然傳出姜濤轉會消息，令鏡粉震驚！不過原來這個姜濤不是姜B，而是今年32歲的內地足球員姜濤，他宣布被北京國安隊簽下成右後衞，幸好只是同名同姓，如果姜B真的轉會離開MIRROR，會令鏡粉哭崩呀！
MIRROR成員姜濤今個月20日，突然在IG限時動態貼上黑底白字：「I’m tired of everything！」令姜糖極度擔心，經理人「花姐」黃慧君解釋姜B只是身體不適，休息完會向大家報平安，而MIRROR眾兄弟都有為他打氣。經過10日休息療養，今日姜B終於在IG貼相報平安：「假期結束～沒事了。」姜B還在限時動態，上載扮鬼扮馬的得意片，又分別播歌扮隊友Ian的《DWBF》，以及Edan的《E先生連環不幸事件》，很生猛，姜糖應該放心了！
不過姜B下半年仍然超忙，好像6月5日有《CHILL CLUB : A New Stage》旺角麥花臣場館演唱會，9月和隊友阿Jer、林家謙及Tyson Yoshi做商台拉闊音樂會，又要宣傳台灣拍攝的偶像劇《超感應學園》，姜B要保重身體呀！
