ERROR隊長肥仔（梁業）和拍拖年8年的初戀女友陳燕芬一直表現恩愛，怎料昨晚阿芬在fb驚爆兩人分手，阿芬寫道：「因了解而分開，其實也算是在感情路上最好的結果，我倆彼此也會在心裏互相好好祝福。」令人意外！不過玄學家七仙羽早前在ViuTV節目《晚吹-有酒今晚吹》，直指「肥仔一早吼住娟姐（ 練美娟）」，令與肥仔合作過《娛樂OnAir》的娟姐成為疑似小三。

今日肥仔回覆傳媒時否認有第三者，指七師傅講笑。至於已單身4年的娟姐就說很搞笑：「係師父講咋喎。」但就讚肥與肥仔人見人愛：「我都鍾意幽默同多嘢講，外型大隻過我囉，咁肥仔都大隻過我，某程度上都啱嘅，又多嘢講，match嘅，如果真係就等佢嚟approach我囉，哈哈。」娟姐似乎開綠燈呢！