標籤: 季前賽

食玩

季前賽|麥當勞季前賽籃神卡活動最後一周 姜濤/Ian/痴漢隊隊卡壓軸登場

ViuTV原創劇《季前賽》故事來到中後段,昨晚(11月3日)劇情主要講述由MIRROR成員陳卓賢(Ian)飾演的卓立鋒,與瀚林大學籃球隊隊友產生矛盾,而姜濤飾演的高家孝則與4年前拋低自己和弟弟的媽媽(童愛玲 飾)破鏡重圓。

麥當勞派發的「 季前賽 籃神卡」於下周一(11月7日)來到最後一周,壓軸登場的除了姜濤和陳卓賢外,更有「痴漢隊」的隊照卡。麥當勞App用戶憑不同電子優惠券包括「$33歎巨無霸或脆雞巨無霸套餐」或「$42歎巨無霸系列四道菜」,即可獲得隨機派發的第三週「季前賽籃神卡」。假如大家儲齊全套9張「籃神卡」後,就可以將其反轉再拼湊,劇集海報會隨即出現。想帶各位「籃神」回家,就要把握時間到麥當勞換領!(數量有限,送完即止。)

季前賽
姜濤籃神卡
季前賽
陳卓賢籃神卡
季前賽
痴漢隊隊卡
集齊一套9張籃神卡可拼湊出A4 Size海報
即日起至11月13日晚上11時59分或之前,成功登記成為麥當勞App用戶並於手機或餐廳內的點餐機掃瞄App內之指定捐款券,捐款$99予麥當勞叔叔之家慈善基金幫助有需要的病童及其家人,即有機會獲得限量版Big Mac籃球乙個(名額上限100名)!
娛樂

Ian 新歌《地球上的最後一朵花》 盼喚起大家愛惜環境 包辦曲詞編監唱勁叻仔

Ian(陳卓賢)除了有主演的《季前賽》熱播外,今日還推出新歌《地球上的最後一朵花》。今次Ian首次一人分飾五角,一手包辦作曲、填詞、編曲、監製和主唱,製作過程雖然十分辛苦,更一度感到迷失,但看到成品那份滿足感,令Ian難以用筆墨去形容。

Ian
Ian今日還推出新歌《地球上的最後一朵花》。

有一日Ian臨睡前,剛合上雙眼,腦內就突然跳出了一個畫面:地球上唯獨剩下剛生長出來的一朵花,這會是一個怎樣的狀態?Ian代入了那朵小花的生命說:「呢朵花唔知原本個世界會係點,以為本來就只有佢自己一朵花!但慢慢花開始覺得,世界一定有其他花。而只要好似花,改變到自己心態,所有嘢就會變好。」Ian更希望透過歌曲喚起大家環保愛地球訊息,真的不要剩下一朵花才學會珍惜不捨。

Ian
Ian希望透過歌曲喚起大家環保愛地球訊息,不要剩下一朵花才學會珍惜不捨。

今次Ian繼續向全能唱作人的方向進發,為《地球上的最後一朵花》一手包辦曲、詞、編、監,他鉅細無遺地說起這次錄製歌曲的經過:「今次《地球上的最後一朵花》錄咗兩個Session,要兼顧好多嘢,除咗前期創作,仲有一啲後期嘅嘢,用好多時間同精力,亦因為準備時間唔算好充足,錄完後即時做好多Tuning (調音)嘅工作,喺製作時會有一兩個Moment(時刻)自己陷入咗迷宮之中,因為自己監製,又要判斷每個Vocal要點樣處理,又要揀Take,再作調整,長期喺錄音室時,會有一兩個短暫Moment迷失方向。」雖然Ian要搞盡腦汁瞓身做歌,但他坦言十分享受整個製作過程。他續道:「一路錄一路跟住揀Take再Edit(編輯),但見到首歌一步一步咁出嚟,過程雖然辛苦,但係係幾開心!」

Ian
今次Ian繼續向全能唱作人的方向進發,為《地球上的最後一朵花》一手包辦曲、詞、編、監。

Ian身兼數職,但幸好還有黃兆銘(Nick)參與了編曲的部分,對方彷如成為Ian的定心丸。Ian說:「一開始決定做《地球上的最後一朵花》時,心入面已經好明確要搵Nick一齊合作編曲部分,因為以前聽過好多好鍾意嘅作品,入面有好多好多弦樂嘅部份,都係出自佢嘅手筆。其實一開始寫好旋律、有個畫面時,就覺得呢隻歌係好需要一啲好好聽嘅弦樂放入歌入面,所以自己就即刻聯絡佢,問佢有冇興趣一齊做呢隻歌。過程中Nick俾咗好多意見,我成日不斷轟炸,日以繼夜問佢意見,但佢依然好樂意逐一解答我所有問佢嘅意見同睇法,所以好多謝佢嘅幫忙。」

Ian
Ian身兼數職,但幸好還有黃兆銘(Nick)參與了編曲的部分。

《地球上的最後一朵花》中午在《叱咤樂壇》首播,Hellosss(Ian粉絲名稱)聽完紛紛大讚:「曲詞編監全包辦!咁叻得唔得㗎!」、「終於等到!」、「我最喜愛唱作男歌手陳卓賢!」、「全能陳好叻!」、「我哋的小王子🤴陳卓賢🤴!」

娛樂

童愛玲 首次合作做對方媽咪  讚姜濤又乖又生性:我個仔似佢就好啦

姜濤、Ian (陳卓賢)、Edan(呂爵安)、Stanley(邱士縉)、張繼聰、肥仔(梁業)、193(郭嘉駿)等主演的《季前賽》,正在熱播。當中童愛玲首次和姜濤合作,飾演對方媽咪,一向被稱為「男神磁石」的童愛玲,由黎明到姜濤都曾合作,她笑指姜Man電力十足,很開心和對方合作:「我覺得好幸運,由Leon到姜濤都可以合作,今次最大挑戰係佢做我個仔,咁好嘅一個仔點會唔要佢、捨得對佢差?我將所有母愛都俾晒佢啦,呢個真係最大挑戰。我親生仔細過姜BB,冇佢咁乖咁生性,佢好似姜濤咁就好啦。」

童愛玲
童愛玲笑指姜Man電力十足,很開心和對方合作。
童愛玲
童愛玲讚姜濤又乖又生性。
童愛玲
童愛玲說:「我親生仔細過姜BB,佢好似姜濤咁就好啦。」

至於之前已經在劇集《男排女將》中合作的Edan和193今次再度合作,Edan自爆在劇入面同193有親密關係:「193角色同現實一樣,都係成日語無倫次!上次同佢戲合作都係《男排女將》,仲要冇咩對手戲,加上當年大家新人對拍劇冇咩認識,希望今次有新感覺比大家。」 

童愛玲
之前已經在劇集《男排女將》中合作的Edan和193今次再度合作,Edan自爆在劇入面同193有親密關係。

193於劇中任職倉務員,他自爆以前做Sales經常去倉工作,還被舊上司嫌棄:「舊時我公司要好整齊,我就成日著『賴屎褲』露晒啲底褲出嚟,經理睇唔過眼就點我入倉,咁其實都輕鬆啲嘅。依家做嘢認真好多,我為呢部劇加操咗好多,得我同張繼聰練咋,你就知我幾咁勤力。」193為了這部劇剪短頭髮,又和髮型師欺騙導演,成功保住前額,還大讚自己年輕。

童愛玲
193為了這部劇剪短頭髮,又和髮型師欺騙導演,成功保住前額,還大讚自己年輕。

《季》第6至10集劇情:

第六集 – 空位係自己搵,唔係人地俾 

喪波(張繼聰飾)找來光仔(郭嘉駿飾)加入痴漢隊,再根據各人的專長和獨特性,分派在球場的位置。為針對阿德(呂爵安飾)的走位問題,喪波安排光仔人釘人,令德無法再得心應手去起手,要臉的阿德缺席練習逃避光仔。球場外,光仔到阿德的公司當倉務員,二人水火不容。最後關家姐(李敏飾)出手,懲罰二人通宵加班。深夜,二人御下心防,光仔道出有案底的往事,阿德亦說出其實自己不無理想,只是不敢向關家姐直言。光仔鼓勵德場內場外都要學識走位,要為自己爭取有利位置,二人在一夜間破冰。阿良(邱士縉飾)被上司吩咐接手同事Tim的爛攤子,面對欺壓,良竟再次選擇啞忍去避開衝突。河馬(葛綽瑤飾)逐漸融入孝的生活,除為老闆仔補習外,更為孝家打掃佈置,卻因一張家庭照而激怒了阿孝,更被孝趕出。 

第七集 – 開不了口 

河馬找閏蜜小明( 盧瀚霆飾 )訴苦,有感阿孝態度飄忽,十分氣餒。小明獻計,送上在日本買的忍者服給河馬… 孝覺得家裏開始怪事連連,明明河馬不在,但家中所有家務和煮食都安排妥當,豬潤(梁業飾)和老闆仔都懷疑屋企有鬼。良怕衝突的性格不論在家庭、職場,甚至籃球場上都顯然易見,瘋狂做假動作甩開對手,但總是遲遲不起手,不敢向對手作出正面對抗。當年曾是學界籃球MVP的良,在社會打滾多年,鋒利的刀刃早已蓋上一層銹鐵,失去光芒。關家姐無聲無色地將阿德的設計付諸實行,令德喜出望外。關總得知兒子受光仔鼓勵而認真工作,決定晉升光仔為德的助手,光仔感激。良突然收到妻子嘉莉(蔡穎恩飾 )的來電,晴晴上芭蕾舞堂時無故失蹤,良馬上聯同痴漢隊眾隊友一同到四處搜索… 

童愛玲

第八集 – 再生銹嘅刀都有利嘅一日 

良女兒晴晴因長期被逼學習芭蕾舞,憤然離家出走。晴晴的反叛喚醒良的勇氣,良不再逃避衝突,決定為女兒站出來,向妻子反抗!面對客戶再次提出無理要求,良亦不再退縮,在同事面前直接拒絕,重現昔日耀眼的光芒。孝陪豬潤購物,碰見小明與另一個女生親密逛街,孝決定向河馬問清楚與小明的關係。鋒(陳卓賢飾)為校隊帶來新練習系統,用分數去標籤每個隊員的能力值再分組練習。隊員感到被羞辱,排斥鋒。翰林大學四強戰,鋒的個人主義越來越強烈,完全無視球隊的團結性。教練將鋒調出,鋒質疑教練的決定,憤然中途離場。缺乏愛情滋潤的豬潤在家中用交友app尋找真愛,突然一位不速之客到訪… 

童愛玲

第九集 – 信就一步,唔信就原地踏步 

孝母(童愛玲飾)失蹤四年後突然回家,孝無法原諒母親當年拋下自己與老闆仔,將她趕走。豬潤幫口勸告,怎料孝被觸動,責罵豬潤只是住客,此話傷害了豬潤的心靈。豬潤離家出走,暫時到河馬家的中醫館寄宿。孝和豬潤的不和延伸到球場內,眼見二人火藥味濃,喪波將二人安排同組訓練,任由二人衝突,豬潤不幸受傷。潘sir(強尼飾)公佈港隊推薦名單,鋒落選。潘sir指出鋒將輸贏看得太重要,扭曲了籃球的本質;鋒無法接受,決定離隊。喪波找孝希望解開他和豬潤的心病,指出孝作為控球後衛,一直欠缺對隊友的信任。孝醒悟,主動向豬潤道歉,二人和好。孝和豬潤回家,竟再見到孝母,原來她希望為孝慶祝生日,孝拒絕。眼見如此僵局,河馬決定帶孝到一個地方,希望解開孝的心結。 

童愛玲

第十集 – 眾志成城為豬潤! 

豬潤的行蹤越來越神秘,早出晚歸,更對鏡頭十分敏感。痴漢隊隊員洞察到不妥,大家不約而同地表示豬潤曾私底下向自己借錢,更編出各種理由。豬潤在街上突然被人蒙頭帶走,醒來發現自己身處於河馬的中醫館之中。原來痴漢隊組織成追討聯盟,將豬潤緝拿歸案討回損失。在嚴刑逼供下,豬潤只好坦白自己誤墜裸聊陷阱,為怕自己的影片流出,只好就範任由騙徒擺佈。追討聯盟隨即變陣成為反騙子聯盟。光仔提出用河馬做餌向騙子報復,安排喪波扮演著土豪,配合河馬在騙子面前上演了一齣飯托天仙局,馬上吸引到騙子的注意。騙子向河馬提出合作,怎料河馬被騙子下迷藥帶走,眾人慌亂連忙趕往營救。 

童愛玲
娛樂

《季前賽》爆笑豆奶情緣  姜糖大讚偶像講日文有驚喜:日本風姜濤好靚仔

姜濤、Ian (陳卓賢)、Edan(呂爵安)、Stanley(邱士縉)、張繼聰、肥仔(梁業)、193(郭嘉駿)等主演的《季前賽》,昨晚第三集講述葛綽瑤(Yoyo)飾演的何瑪莉(河馬),為了接近姜濤飾演的高家孝,除了到阿孝工作的快餐店舉行一人生日會,又幻想出一段豆奶情緣。Yoyo身穿日本校服食沙律,之後飾演暴走族的何洛瑤(Sica)和許寶恆(Alice)突然出現欺負她,幸好學長阿孝出現,要求兩人放開河馬,英雄救美,最後阿孝還送了一盒豆奶給河馬。

《季前賽》昨晚講述葛綽瑤飾演的河馬,為了接近姜濤飾演的高家孝,到阿孝工作的快餐店舉行一人生日會。
季前賽
河馬又幻想出一段豆奶情緣。
季前賽
Yoyo身穿日本校服食沙律,之後飾演暴走族的Sica和Alice突然出現欺負她。

這一幕眾演員都要着日本服和講日文,網友大讚劇情爆笑,大家講日文令人驚喜!當中姜濤着日本校服超靚仔,講日文亦出奇好聽,難怪姜糖紛紛大讚:「姜Man直頭型到無朋友!」、「電暈咗!」、「我諗呢一幕好多姜糖都會喺屋企狂嗌出嚟!我噚晚都忍唔住!」、「日本風姜濤好靚仔!」、「姜濤講日文好好聽!」、「呢段真心正!個個講日文勁有驚喜!」

幸好學長阿孝出現。
阿孝出現,要求兩人放開河馬,英雄救美。
最後阿孝還送了一盒豆奶給河馬。

《作品的說話》入圍《亞洲電視大獎》最佳MV

除了主演的《季前賽》外,姜濤執導和主唱嘅歌曲MV《作品的說話》,近日獲新加坡第27屆《亞洲電視大獎》提名最佳MV(Best Music Video),可喜可賀!

季前賽
姜濤執導和主唱嘅歌曲MV《作品的說話》,近日獲新加坡第27屆《亞洲電視大獎》提名最佳MV。
食玩

《季前賽》今晚首播!金鐘麥當勞旗艦店化身《季前賽》主題 姜濤+Ian巨型打卡牆/1:1人型紙板

ViuTV原創劇「麥當勞新世代Big Mac呈獻《 季前賽 》」將於今晚(10月24日)首播, 麥當勞位於金鐘海富中心的旗艦主題店亦由即日起化身為《季前賽》期間限定主題店,讓粉絲欣賞精彩劇集之餘, 更能親身體驗今次籃球熱潮!  

由即日起,金鐘海富中心麥當勞已化身為《季前賽》期間限定主題店,屆時餐廳會展出各款劇集宣傳品,包括餐廳入口的巨型劇照海報,餐廳內更設有打卡牆和掛滿大型肖像的Banner,除了兩位主角姜濤及陳卓賢(Ian)以外,亦有一眾劇集演員包括呂爵安(Edan)、邱士縉(Stanley)、郭嘉駿(193)和梁業(肥仔)的肖像可以讓粉絲們瘋狂集郵!餐廳內的派對房間更會化身Locker Room,讓顧客近距離與兩位「籃」神一同分享巨無霸和脆雞巨無霸等麥當勞美食,帶來視覺與味覺的雙重享受。

季前賽
金鐘海富中心麥當勞化身為《季前賽》期間限定主題店
季前賽
Ian打卡牆
季前賽
姜濤和Ian打卡牆
季前賽
餐廳內掛上姜濤和Ian的肖像旗海
姜濤及Ian打卡牆
季前賽
其他角色打卡位
餐廳內部亦掛上《季前賽》演員的個人肖像Banner,除了姜濤和Ian兩位主角外,亦有呂爵安(Edan)、邱士縉(Stanley)、郭嘉駿(193)和梁業(肥仔)等一眾劇集演員,各位粉絲可以輪流打卡。

同時,餐廳更增設「籃球場」及展示新世代Big Mac 籃球,務求讓各位粉絲猶如置身《季前爭霸》的拍攝場景,場內設有姜濤和Ian的1:1人形紙板公仔,讓姜糖和Hellosss們有機會與兩位「籃壇巨星」的偶像公仔合照!  

旗艦主題餐廳會設置籃球場,並展出姜濤和Ian的1:1人形紙板公仔。
新世代Big Mac籃球

除此之外,麥當勞再度獨家呈獻 《季前爭霸》的絕密番外篇,絕密花絮即日於香港麥當勞YouTube頻道搶先曝光,讓大家可以見到「姜三歲」和「陳三歲」在麥當勞旗艦主題餐廳的籃球場内上映「哥與弟鬥餐飽」番外篇:https://bit.ly/3TTziIV

麥當勞《季前賽》旗艦主題餐廳
時間:0600-0000(平日)、0600-2300(周六、日及公眾假期)
拍攝區開放日期:即日起至11月13日
拍攝區開放時間:1100-2200
地址:金鐘夏慤道18號海富中心地下1-41號舖A部份

食玩

麥當勞 x 《季前賽》新口味脆雞巨無霸 10月24日起換MIRROR+ERROR籃神卡 / 帶走姜濤及IAN簽名版籃球

各位鏡粉和錯粉等到頸都長!ViuTV原創劇麥當勞新世代Big Mac呈獻《 季前賽 》終於在下星期一(10月24日)正式播出,劇集由MIRROR成員姜濤、陳卓賢(Ian)、邱士縉(Stanley)、呂爵安(Edan)及ERROR成員梁業(肥仔)、郭嘉駿(193)和張繼聰、強尼及練美娟等人演出,故事講述大學籃球隊來到社區掃場,街坊不甘籃球場被霸佔,於是向他們作出挑戰,展出多場刺激又熱血的籃球賽。適逢新劇開播在即,麥當勞藉此於同日起推出一系列期間限定主題美食,包括姜濤最愛的新世代Big Mac(巨無霸)和Ian帶來比拼的新口味Chicken Big Mac(脆雞巨無霸)。除此之外,麥當勞亦分3星期推出一共9款「季前賽籃神卡」,首階段將由姜濤、Stanley和肥仔打頭陣,另外有2款姜濤和Ian的籃神閃卡,粉絲又要展開狂吃麥當勞的日子了!

季前賽
季前賽二人餐分享盒(10月25日起上午11時後供應)包裝盒上印有姜濤和Ian肖像,分享盒包括2個指定漢堡飽、2包中薯條和2杯中汽水。
10月24日起,麥當勞 App用戶可憑不同電子優惠券包括「$33歎巨無霸或脆雞巨無霸套餐」或「$42歎巨無霸系列四道菜」,即可獲得隨機派發的「季前賽籃神卡」,收集劇中每個角色的精彩時刻!全套9款「季前賽籃神卡」將會分三星期推出,當中包括劇中主角姜濤、Ian、Edan、Stanley、肥仔及193的個人卡。
季前賽
2款印有姜濤及Ian 肖像的珍藏版「籃神閃卡」於10月25日登場,大家只需透過麥當勞App使用「季前爭霸二人餐」優惠,即可一次過成功收集2張「籃神閃卡」。所有「季前賽籃神卡」及「籃神閃卡」均數量有限,送完即止。
季前賽
Big Mac籃球盒上印有姜濤和Ian的簽名,別具收藏價值。
季前賽
麥當勞App獨家優惠(10月24日早上11時):$33歎巨無霸超值套餐隨機附送季前賽籃神卡一張
10月24日早上11時起:$42歎巨無霸超值套餐配蘋果吉士批隨機附送季前賽籃神卡一張
10月24日早上11時起:$33歎脆雞巨無霸超值套餐優惠隨機附送季前賽籃神卡一張
10月24日早上11時起:$42歎脆雞巨無霸超值套餐配蘋果吉士批隨機附送季前賽籃神卡一張
季前賽二人餐分享盒(10月25日起上午11時後供應)包裝盒上印有姜濤和Ian肖像,分享盒包括2個指定漢堡飽、2包中薯條和2杯中汽水。
娛樂

ViuTV強推四劇宣傳片  預告MIRROR復工  鏡粉:每套都好期待

MIRROR 紅館演唱會事故後,12子即停工兩個月,鏡仔有份主演的劇集都要延期,不過昨日ViuTV發布四套MIRROR成員有份出演的原創劇集預告,以口號「萬鈞劇力 厚積薄發」做宣傳,包括《野人老師》、《季前賽》、《百萬同居計劃》和拳擊劇《繩角》,意味鏡仔有機會在下月正式復工。

MIRROR
昨日ViuTV發布四套MIRROR成員有份出演的原創劇集預告,意味鏡仔有機會在下月正式復工。

運動劇《季前賽》由姜濤、陳卓賢(Ian)、呂爵安(Edan)、郭嘉駿(193)、梁業(肥仔)、邱士縉(Stanley)等主演,講述熱愛籃球的男生們重拾昔日籃球夢,對戰全港首屈一指大學籃球隊的故事。

MIRROR
運動劇《季前賽》由姜濤、陳卓賢(Ian)、呂爵安(Edan)、郭嘉駿(193)、梁業(肥仔)、邱士縉(Stanley)等主演。
MIRROR
《季前賽》講述熱愛籃球的男生們重拾昔日籃球夢,對戰全港首屈一指大學籃球隊的故事。
MIRROR
姜濤
MIRROR
Edan
MIRROR
Ian

《百萬同居計劃》由盧瀚霆(Anson Lo)、柳應廷(Jer)黃德斌、簡慕華等主演,劇集原本由《大叔的愛》班底開拍,可惜Edan因檔期不合而辭演,其角色由魏浚笙代替。

MIRROR
《百萬同居計劃》由盧瀚霆(Anson Lo)、柳應廷(Jer)黃德斌、簡慕華等主演。
MIRROR
Anson Lo
MIRROR
Jer

拳擊劇《繩角》前名《死角》,改編自同名漫畫,原作者是本地漫畫家曹志豪,劇集由江𤒹生(AK)、楊樂文(Lokman)、周國賢、王智德(Alton)、邱傲然(Tiger)、梁祖堯、蘇麗珊、林愷鈴等主演。

MIRROR
拳擊劇《繩角》由江𤒹生(AK)、楊樂文(Lokman)、周國賢、王智德(Alton)、邱傲然(Tiger)等主演,AK(圖)十分型。
MIRROR
Lokman
MIRROR
Alton
MIRROR
Tiger

《野人老師》由鄭丹瑞、邱士縉(Stanley)、陳瑞輝(Frankie)、談善言、沈殷怡主演,劇集以教育為題,圍繞補習天王和其村校校長爸爸的故事,並將於10月3日晚9點半首播,而其他三部劇仍未公佈播出日期。

MIRROR
《野人老師》由鄭丹瑞、邱士縉(Stanley,圖)、陳瑞輝(Frankie)、談善言、沈殷怡主演。
MIRROR
Frankie

一眾鏡粉看完預告片後相當興奮,紛紛留言:「繼續支持MIRROR!」、「MIRROR陪伴我哋每一天!」、「終於等到喇,強勢回歸!」、「4套都要睇!」、「每套都好期待呀!」、「老闆都型到缺氧!」、「噚晚見到呢個預告,我大叫左幾次姜濤呀,好期待呀!」、「期待見你高家孝!」、「永遠支持教主!」

娛樂

爆料已開會傾構思 正籌備MIRROR 2022年演唱會  Edan:又期待又好緊張

MIRROR 早前宣布一連四個星期五晚,派出不同成員在ViuTV官方fb開live,跟留家抗疫的鏡粉聊天,昨晚就有Edan(呂爵安)、Jeremy(李駿傑)和Tiger(邱傲然)。剃了鬚的Edan竟然用經理人花姐的相做背景圖片,他搞鬼說:「 因為我要提醒自己唔好亂講嘢,我有啲咩就望一望張相,OK,知道,我唔講住喇!」Jeremy用新歌《半》的相做背景,Edan笑「Jeremy」這個英文名很普通:「不如你叫Half Lee啦!」Jeremy即刻爆笑:「Half都OK喎,一定冇人叫呢個名!」成功幫兄弟宣傳新歌!

MIRROR
昨晚Edan、Jeremy和Tiger開Live和鏡粉聊天。
MIRROR
Edan笑「Jeremy」這個英文名很普通:「不如你叫Half Lee啦!」Jeremy即刻爆笑:「Half都OK喎!」
MIRROR
Edan前日上載留鬚照。
MIRROR
昨晚Edan開Live已剃了鬚,還用花姐的相做背景圖片,他說:「 因為我要提醒自己唔好亂講嘢!」
MIRROR
花姐有看直播,還在IG Story留言:「E先生,你想點呀?」超爆笑!

Edan還說很難得請到Tiger開Live,和Jeremy一起熱烈歡迎他,Tiger承認兩年沒有開直播:「我出道嗰年開過一兩次Live,跟住從來都冇開過,依家疫情肆虐,希望同咁多兄弟俾啲開心大家!」Tiger透露接了一套拳擊劇,不過因為疫情不斷延遲:「我唔會因為呢套劇再練大隻,我係打拳嘅,係一個師兄,但純粹因為喺嗰度留得耐,而唔係因為我好打,係要一個好潺嘅效果,呢套劇認真得嚟,有啲好好笑好得意嘅嘢,我自己都好期待開始劇組嘅工作!」

MIRROR
Tiger承認兩年沒有開直播。

Edan就話拍《季前賽》很開心,因為自己很喜歡打籃球,還說自己的3分射球準了很多,Tiger問姜濤和Ian(陳卓賢)是否球技了得時,Edan即冷笑說:「望吓花姐先,呢個問題嚟講呢,大家都好波,我費事亂講嘢!」他又透露原本二月尾推出新歌:「不過因為疫情拍唔到MV,暫時目標係3月尾出新歌,今次會係一首唔同嘅歌!」

MIRROR
Edan透露3月尾出新歌。

去年有傳MIRROR將會於今年 7月於紅館舉辦十場演唱會 ,但未經ViuTV證實,但Edan在開Live途中突然大爆數日前12子透過Zoom開會商討演唱會事宜,變相證實正籌備今年演唱會,令鏡粉超興奮:「前幾日幾得意,我哋第一次用zoom見大家,我覺得成件事好搞笑,我哋傾一傾演唱會,嗱,唔好望住我,我問咗佢㗎(指向花姐背景),我哋傾吓大家有咩想做,係好初步嘅會議,上年演唱會6場諗番好近,原來已經一年。」Tiger和應說:「嗰晚傾完更加期待,依家現有嘅嘢已經有好多無限嘅可能,可以有好多唔同嘅嘢出到嚟!」Edan話:「又期待又好緊張! 」

MIRROR
Edan突然大爆數日前12子透過Zoom開會商討演唱會事宜,令鏡粉超興奮。
MIRROR
Edan說:「上年演唱會6場諗番好近,原來已經一年。」
娛樂

【考古】有父愛鍾意撩「女」 姜濤3年前問妹妹:係咪最鍾意我?

姜濤 近日和大表哥Stanley拍攝ViuTV新劇《季前賽》,早前姜Man上載片段,片中他問在劇中飾演Stanley囡囡的小演員阿Bean:「妹妹,我係邊個呀?」妹妹答:「Anson Lo!」又要阿Bean在他與Anson Lo之間選擇一個,最後要Stanley解圍!

今日姜Man又在IG Story上載和阿Bean的對話錄音,還Tag了Stanley示威說:「晴晴(阿Bean)是愛我的!你睇到啦!」但Stanley立即上載對話錄音反擊,原來阿Bean早過姜濤一分鐘找大表哥,很搞笑!Stanley說過:「姜濤好想生女㗎嘛,佢好有父愛,係咁撩我個女!」我們找到一條大約3年前的考古片,當時姜Man問一個妹妹:「係咪最鍾意姜濤?」又帶她去化妝間,看得出他真的很喜歡小朋友,一起看看!

娛樂

MIRROR 開Live抗疫  姜濤爆阿媽有潔癖唔煮飯 大表哥:佢想生女好有父愛

第5波疫情失控,很多人都留家抗疫,MIRROR繼早前擔任抗疫大使拍攝宣傳片,為大家打氣外,由昨晚開始《Mirror FB Live From Home》,一連四個星期五晚,派出不同成員在Viu官方fb開live,和鏡粉見面聊天,而頭炮就是姜濤、隊長Lokman和大表哥Stanley 。

MIRROR
MIRROR由昨晚開始,一連四個星期五晚,派出不同成員在Viu官方fb開live,和鏡粉見面聊天。

一開始Lokman說:「最近疫情都好嚴峻,所以我哋諗住開live同喺屋企嘅大家傾吓偈!」之後Stanley問姜濤和Lokman:「有冇多咗叫外賣?平時煮唔煮嘢食?」Lokman說初時叫外賣多,但叫外賣太多頂不順,最後唯有自己煮,姜濤卻自爆家中不煮飯:「 叫外賣,我都係長期叫外面,自己唔識煮,阿媽有潔癖,又係唔鍾意煮飯!」Stanley說:「我搵到你容易肥嘅原因喇,可能太重油同鹽!」姜Man說:「冇辦法啦,都冇人煮。我鍾意食但唔鍾意煮,可能由細到大阿媽都話污糟,對煮嘢食有好污糟嘅概念!」

MIRROR
頭炮就是姜濤、隊長Lokman和大表哥Stanley 。

Stanley說:「咁你咪食緊啲唔係好熱嘅嘢囉,成日都只係暖暖哋?」姜Man回答:「有時買麵返嚟,都係叮完先食!」Lokman忍不住說:「好慘,有啲陰公!」Lokman問到叫外賣會不會試不同餐廳,姜Man說:「我都係keep住嗌嗰幾間外賣,我每次想試新嘢嘅時候就會諗,如果間嘢唔好食咁點算呢?每次都好掙扎,但最後都係嗌番之前嗰間!」

MIRROR
姜濤自爆家中不煮飯:「 叫外賣,自己唔識煮,阿媽有潔癖,又係唔鍾意煮飯!」

Lokman問大家在家中除了吃東西外,還會做甚麼?姜Man豎起手指公說:「頭先啱啱睇完Anson Lo(盧瀚霆)嘅新歌《Mr. Stranger》MV,我覺得佢今次首歌好好聽!」Stanley亦讚教主:「好聽、好睇、好有型!」還指看了隊友Jeremy(李駿傑)新歌《半》的MV:「我覺得《半》拍得好好,好簡單直接,所有嘢都係恰到好處!」早前姜Man在IG限時動態寫道:「十胎,靈感來了!」Lokman問他甚麼時候出新歌,他說:「最近拍劇,冇乜太多時間做歌,個構思喺度,逐步逐步嚟!」Stanley大爆姜Man的歌都是跑步想出來,姜Man立即說:「係呀!嚟緊十胎都係跑步諗出嚟!」

MIRROR
Anson Lo昨日推出第八首個人單曲《Mr. Stranger》,今次以吸血鬼做主題。
MIRROR
姜Man豎起手指公說:「頭先啱啱睇完Anson Lo嘅新歌《Mr. Stranger》MV,我覺得佢今次首歌好好聽!」

最近姜Man和Stanley拍攝ViuTV新劇《季前賽》,早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑,而這位小演員在劇中飾演Stanley的女兒。Stanley大爆:「個小妹妹真係好得意,姜濤好想生女㗎嘛,佢好有父愛,係咁撩我個女!」可愛的姜Man邊聽邊笑!姜Man自爆拍劇時不會吃東西:「拍劇有件趣事,前幾日啱啱拍咗場戲,講我喺麥當勞炒薯條,好多麥當勞嘅職員諗住教我炒,點知我一埋位自己即刻開爐喺度炒,炒完第二日就放假,我食晒入邊啲薯條,劇組嘅人全部好surprise咁望住我,因為佢哋係第一次見我喺劇組入面食嘢!」Stanley就笑着澄清:「唔係我哋唔俾飽飯姜濤食,係姜濤自己選擇唔食嘢,絕對唔關我哋大家事!」

MIRROR
早前姜Man上載片段,片中他問小妹妹:「妹妹,我係邊個呀?」妹妹答:「Anson Lo!」場面搞笑。
MIRROR
這位小妹妹在《季前賽》飾演Stanley的女兒。
MIRROR
Stanley大爆:「姜濤好有父愛,係咁撩我個女!」
View More