樂壇天后 容祖兒 （Joey）將於7月回歸香港舉行33場演唱會，一眾樂迷都相當期待。最近百年香港中成藥品牌「位元堂」更邀得Joey為皇牌產品「野生蟲草皇強肺通」擔任星級代言人，Joey拍攝廣告期間分享獨門養生秘訣，並透露全靠容媽媽一雙巧手超前部署，為她儲備健康資產，迎接人生黃金期。

Joey表示：「我對於代言產品好有要求，每一次都會親身試用，今次試完呢個保健品，發現身體有明顯改善，無咁容易攰同病，所以我覺得值得推介畀大家；另外，品牌同我有個共通點，就係『歷史悠久』，但係仍然喜歡破舊立新，因而促成今次合作；我亦希望透過自身分享，鼓勵大家關注健康。」

疫情放緩，Joey早前忙於籌備《Eternity 容祖兒演唱會》，即使過著忙碌生活也依然精神奕奕，她笑言保養秘笈相當簡單：「做運動之餘亦要配合飲食，我哋成日都話『You are what you eat』（人如其食），所以一定要食一啲對身體有益嘅產品；另外，我最鍾意飲薏米水，因為可以去水腫。」提到鼻敏感成為現代人的文明病，尤其季節交替最易發病，Joey表示全賴「私家看護」——容媽媽貼身照顧，助她時刻保持最佳狀態：「轉天氣、或者空氣污濁，我先會出現流鼻水同鼻敏感症狀，所以我嘅身體都算唔錯！全靠媽咪幫手，因為佢咁多年嚟都會燉冬蟲草同舞茸畀我食，令到我嘅身體好似儲錢咁，不知不覺間累積咗好多抵抗力。」

臨近母親節，Joey想以行動慰勞容媽媽：「媽咪同我好似，我哋唔係過時過節就要送大禮嘅人，不過每一年我都會送花畀佢，因為我覺得無女人唔鍾意收花，哈哈！其實唔只母親節，我希望媽咪每一日都有強健體魄，因為我依家會喺唔同嘅地方開騷，好想佢可以親眼見證，所以一定要身體健康！比起買靚衫畀佢，我更著重佢嘅健康同埋抵抗力，亦都會喺呢方面花心思。」

昨天是容祖兒出道廿二周年的日子，趁着這個別具意義的紀念日，祖兒乘勢推出全新廣東作品《不配》。

歌曲紀錄祖兒成長的真實情感，詮釋了一段感情從淺到深，再到分道揚鑣的無奈至釋懷的抽絲剝繭。為了完整和深刻的表達旋律優美的「不配」，這次祖兒更首次親自操刀執導MV，「一切都係嚟自我對呢首歌嘅感情，我好喜歡呢首歌嗰種無奈同埋成長嘅智慧，所以我喺度諗，要搵一個好明白我對呢首歌嘅感情嘅人，其實都比較難，與其係咁，不如我自己做番導演，去令到呢首歌有一個喺我腦海裏面嘅影象出嚟。」不過祖兒坦言面對不少難題，「以前被拍，但今次係發出指令，話俾camera man、舞者知道呢個動作同歌詞嘅關係、點樣呈現出嚟。又要攞唔同嘅鏡頭去捕捉唔同嘅角度，14、24、30、50，你要記住呢啲鏡頭嘅距離同作用，對我嚟講都係一啲難度。」

雖說是「處女」執導，不過原來她首次「執導」是二十年前，更找來吳彥祖任男主角，「啱啱有歌迷俾我睇，嗰陣時參加商台活動，拍咗一首叫《何苦》嘅歌，不過係比較玩票形式，今次係認真嘅一次。與其話執導，不如話我用多個身份將呢首歌想表達嘅情緒完整咁呈現出嚟，令聽眾、樂迷更加明白我想唱啲乜嘢。」首次擔任導演，為了令過程更加流暢，祖兒選擇男女主角以現代舞的方式去完成這一次關於遺憾之美的表達，「全部都好優美，因為每個動作其實都係根據番歌詞的起承轉合，同埋嗰種好努力但最後都無奈要放低，嗰個感情我都覺得好動人。」

而為了讓故事意境的藝術美感能提升到另一個緯度，MV採用LED環幕拍攝，建造出一個寒冷凜冽的極地世界，「氣氛上係令到我覺得好震撼！喺一個極寒、極嚴峻嘅環境裏面，兩個人靠住對方的體溫互相取暖、去俾大家嘅愛，呢一份感覺我覺得好配合呢首歌。大家都曾經好努力去令到呢一份感情行落去，但就係因為大家努力過，所以更加唔捨得。」問到歌曲是否自己的親身經歷，祖兒表示：「你話冇經歷過都好難說服到自己，我相信一百個人聽呢首歌都有一百種對號入座的方法。愛情更多嘅唔係同唔同到對方行到去最後，其實係令對方成長，更加清楚自己係一個需要啲乜嘢嘅人。雖然唔能夠一齊，但係可以互相祝福，希望大家仍然活得快樂，我覺得係一個成熟嘅相處。」

入行廿二年，祖兒亦感觸甚深，「其實要堅持二十二年真係一件唔容易嘅事，喺呢二十二年入面繼續遵守自己諾言、繼續成長，好多謝身邊每一個去幫助我嘅人、我嘅歌迷、我屋企人。所以我成日都會覺得用自己嘅作品去代替自己想講嘅所有說話，希望將來每一日都可以比之前每一日進步，繼續做好啲自己，希望鍾意聽我唱歌嘅人仍然聽到我好用心演繹每一首歌。」

由「冤枉娛樂」舉辦的「冤枉新秀訓練營」早前找來七仙羽師傅為十四位參賽者預測賽果，向來語不驚人死不休的七師傅亦狠批參賽者似女優、搵闊太等，不過七師傅亦挑選了Jaime（花名：燒賣）、子然、Jeffrey及Tina為四強。經歷一輪準備後，十四位新秀訓練生正式進入培訓階段，首先進入三日兩夜訓練營，同樣是唱歌比賽出身的泳兒（Vincy）及許靖韻（Angela）亦親自到場指導學員；隨後展開首輪比賽時，更請來張敬軒及當奴作為首場賽事評判。

在訓練營的三日中，學員需接受唱歌、跳舞及演技三大考驗，在唱歌項目中，表現最好分別是燒賣、子然及Andy（花名：大家好）；演技方面則是Adam（教練）、林俊傑和燒賣比較突出；跳舞部份則由有跳舞底子的Jonathan勝出。嘉賓導師Angela則分享自己參賽時曾經是中下游位置的經歷，參寄語排名較後的參賽者不要灰心，「要話俾自己聽一定要有信心，係有空間去逆轉。」綜合三個項目，表現得最好的燒賣及大家好被任命為第一階段兩隊的隊長，之後比賽則分成兩組進行。出camp後，另一嘉賓導師Vincy現身，為一眾參賽者的聲帶熱身，當Vincy唱出經典歌曲《感應》時，一眾戴着眼罩的參賽者驚喜萬分。此外，Vincy亦十分有心，特地與自己的歌唱老師—啤老師前來跟參賽者上堂。而吳浩康（Deep）及洪卓立（Ken）亦有現身為學員打氣。

多日來的訓練結束，日前播出的一集終於正式展開比賽，軒仔和當奴則擔任星級評判，當中有不少學員更是軒仔fans，因此軒仔出場時頓時歡呼聲不絕，軒仔表示自己不太適合任這類型比賽的評判，因為有太多情緒干擾，「因為會諗番起自己初入行時好多嘅難處，冇辦法去做到一個好嚴厲嘅評判，係會有啲同情分。」至於當奴亦坦言抗拒做判，因為感覺殘忍，「睇到好多行家做評判之後會被其他人問『點解揀呢個？點解唔揀嗰個？』，所以好大壓力。」不過他笑說因為這次有軒仔「坐鎮」令他放心不少，「我覺得啲人會鬧軒仔唔會鬧我，哈哈。」他更謂要放下私心，「靚女先會like，但今次係為未來搵新嘅可造之材，所以我要放低平時嘅鹹濕眼。」軒仔則表示自己比較「鹹濕耳」，「我會鍾意聽啲好聽嘅聲音。」

首場唱歌對決是由兩隊的隊長燒賣 VS 大家好，「指定曲目PK」回合中的「PK挑戰歌」是由大師姐容祖兒親自挑選的《東京人壽》。首先由任職活動助理的大家好上陣，軒仔邊忍笑邊說：，「我今日見到佢，全程都係我三姨嘅個樣，佢同我三姨係一個餅印，硬係覺得見到我三姨喺度唱歌，你明唔明嗰種好不安嘅感覺。」輪到燒賣出場，原來主持李靖筠（Gladys）、星級導師Angela及Ken都對她看高一線。在評分時，當奴最後臨時轉軚投大家好一票，當奴事後解說：「我見到兩位判評，之後我覺得自己忽略咗，第一個出嚟嘅係大家好，就算我略嫌佢出嚟時穩陣，但係佢真係全部穩陣吖嘛，老實講佢呢個層面的確係好啲啲。」至於軒仔亦表示欣賞大家好一個細節位，「就係佢嘅舞台禮儀，佢唱完後有向我哋、觀眾躹躬，有向後面嘅樂手老師躹躬，係我哋呢啲『old seafood』會加分嘅位。」最後大家好先拔頭籌，勝出首場對決。

第二場的Medleyt對決則由Helen（花名：Midnight）VS Chris（花名：譚仔），Midnight挑選了帶有血腥感的《劊子手最後一夜》、《帶走你的垃圾》及《娑婆》三首歌曲，雖然很有concept，不過星級導師Vincy、Angela及主持Gladys則focus在她豐滿的身材上，完全錯重點。對手譚仔則以《時光機》、《愛．無膽》及《騷靈情歌》迎戰，由於二人表現高質，評判們都難以取捨，當奴更大呼：「我想唔撈啦，好難揀呀！」不過軒仔很快已有決定，更大讚Midnight識揀歌，「三首歌都好fit你，好投入、tone好聽、有個性。」最後一致通過Midnight勝出。