標籤: 小虎隊

娛樂

Tiger越洋訪問 唔再隱形開口想出歌 讚Lokman係天才: 粉絲話我暗戀佢

Tiger(邱傲然)今年22歲,是人氣男團MIRROR 最小的成員,他2018年參加《全民造星》,因跳拉丁舞而令人留下深刻印象,雖然最後30強止步,但仍被花姐邀請加入MIRROR。Tiger除了識跳拉丁舞,亦自小習武術、打Golf,多才多藝,2019年更創立自家服飾品牌「dézert」,一嘗做老闆滋味!最近他接受美國華語節目《偶像名人堂》越洋訪問,Tiger坦言雖然是團中最小成員,但不會特別受寵愛:「我係最細個,但其實我哋比較似朋友,而唔係哥哥同細佬嘅關係,但佢哋始終經驗多啲,做多我幾年人,去到某啲話題可以俾多啲意見我,但平時生活上嘅相處比較似朋友,你有你講,我有我講,大家係equal嘅!」

Tiger
Tiger是人氣男團MIRROR 最小的成員,他2018年參加《全民造星》,因跳拉丁舞而令人留下深刻印象,雖然最後30強止步,但仍被花姐邀請加入MIRROR。
Tiger
最近他接受美國華語節目《偶像名人堂》越洋訪問。

Tiger十歲開始學拉丁舞,他大爆當初學舞是因為妹妹:「拉丁舞呢個圈子始終男仔比較少,女仔跳舞比較多,我個妹學拉丁舞嘅,有一次我接妹妹落堂,個教練見到我就話原來你有哥哥嘅,男仔嚟喎,不如下堂叫我一齊上,我從此就俾佢拉咗入去跳拉丁舞!」

Tiger
Tiger十歲開始學拉丁舞,他大爆當初學舞是因為妹妹。

花姐經常說Tiger是隱形人,很低調,主持問他有沒有想過單飛或其他發展,Tiger坦白說:「其實喺以前,我真係冇自己要出單曲同單飛嘅概念,點解呢?以前我覺得可能興趣未咁大,我唔知呀,依家我見Lokman(楊樂文)同AK(江𤒹生)啲合唱歌,原來好有型,呢件事好好玩喎,我就會想如果我有一首歌,可以同兄弟去合唱,做一啲project出嚟,其實都係一件好過癮嘅事,所以我依家有呢個諗法,不如同唔同嘅兄弟出唔同嘅歌,玩唔同嘅曲風,咁就好啦!除咗音樂上面,其實我最想就係接觸多啲戲劇,無論係劇集或電影方面,如果有就非常好啦!」

Tiger
花姐經常說Tiger是隱形人,很低調。
Tiger
主持問Tiger有沒有想過單飛或其他發展,Tiger坦白說:「我依家有呢個諗法,不如同唔同嘅兄弟出唔同嘅歌,玩唔同嘅曲風,咁就好啦!」

Tiger是浸大電影學院高級文憑畢業生,曾經擔任MIRROR第三首單曲《破鏡》的MV導演:「當時我只係19歲,花姐說:『MIRROR出歌,你做MV導演啦!』嗰陣時其實我係好驚嘅,我覺得好大壓力,好大責任, 11個兄弟嘅MV關我事,平時有咩我都會問Lokman,戲劇上嘅嘢我會問佢,嗰排我大壓力到成日約Lokman食飯:『我請你食飯啦,你陪我出嚟傾偈!』我不斷問佢,你覺得點樣會好啲,Lokman同我講:『有準備就唔使驚啦,最緊要你有準備啫!』」

Tiger
Tiger是浸大電影學院高級文憑畢業生,曾經擔任MIRROR第三首單曲《破鏡》的MV導演。

Tiger經常提及Lokman,他搞笑說連小虎隊(Tiger粉絲名稱)都以為他暗戀隊長:「我點解成日提到Lokman,其實我係不知不覺,唔係專登嘅,我覺得佢係一個好叻嘅人,我已經成日講Lokman,講到啲粉絲話我暗戀佢,我講得好多,你明唔明?但係冇辦法,我覺得佢一個天才,你擺佢係咩崗位,佢都可以好妥妥當當做足100分,而你係估唔到佢會做到一百分,而去到一啲好危急嘅關頭,好似有記者問一啲好尖銳嘅問題,佢第一個企出嚟:『我係大哥,我幫你頂!』其實我非常之欣賞佢!」

Tiger
Tiger經常提及Lokman,他搞笑說連小虎隊(Tiger粉絲名稱)都以為他暗戀隊長。

Tiger欣賞Lokman的程度,去到連自己創立的自家服飾品牌「dézert」,都和Lokman一起搞:「 我屋企本身從事製衣行業,所以我入咗行之後,覺得其實可以試吓搞賣衫嘅牌子,好似幾一條龍幾啱喎,跟住就開始做,一開頭我將自己好鍾意嘅元素擺入去,同屋企人講呀,想點樣整,到依家Lokman同Alton(王智德)已經係一齊handle呢個牌子,我哋三個一齊擁有呢個牌子,因為佢哋接觸好多街舞同街頭文化,令到呢個牌子,某程度上有嘅嘢更加多更加豐富!」

Tiger
Tiger創立的自家服飾品牌「dézert」,現時和Lokman及Alton一起handle。
娛樂

【做鏡粉要有錢?】MIRROR粉絲豪買巨型廣告位 賀Anson Lo、Tiger生日

人氣男團MIRROR粉絲出名豪爽,不時用銀彈攻勢支持偶像,繼姜濤、Ian之後,7月生日的Anson Lo(盧瀚霆)和Tiger(邱傲然),亦獲粉絲斥資買巨型廣告位支持!有「教主」之稱的Anson Lo 7月7日26歲生日,他有份主演的ViuTV劇集《大叔的愛》下星期一(28日)播映,該劇還會在日本朝日電視台旗下三個頻道播放,令Anson Lo紅到去日本。他的粉絲「神徒」為幫偶像造勢,豪擲10萬租了尖沙咀碼頭巨型廣告位賀偶像,「神徒」可以瘋狂去打卡,據知Anson Lo 的生日應援陸續有來!

至於7月3日22歲生日的Tiger,他的粉絲「小虎隊」就租了25個廣告燈箱賀偶像,又在中環荷李活道訂了一個Digital Panel播放影片,Tiger昨天已去打卡!此外「小虎隊」還為Tiger製作120頁的照片集,又和時裝品牌dézert合製真皮杯套、縮骨雨傘、口罩套等。現在做粉絲,除了要有錢,還要有心思和識搞活動,認真不簡單!

7月生日的Anson Lo,獲粉絲斥資買巨型廣告位支持!
Anson Lo 有份主演的ViuTV劇集《大叔的愛》,下星期一(28日)播映。
《大叔的愛》會在日本朝日電視台旗下三個頻道播放,令Anson Lo紅到去日本。
Anson Lo的粉絲「神徒」為幫偶像造勢,豪擲10萬租了尖沙咀碼頭巨型廣告位賀偶像,「神徒」可以瘋狂去打卡!
Tiger於7月3日22歲生日。
Tiger的粉絲「小虎隊」就租了25個廣告燈箱賀偶像生日。
Tiger的粉絲「小虎隊」很有心思。