標籤: 尾場

娛樂

林家謙大爆開騷前兩周想取消  落淚剖白:大家鍾意我係僥倖

林家謙 一連7場紅館演唱會昨晚(28日)尾場,台下粉絲留低大叫encore不肯走。完騷前家謙 落淚剖白心情:「做呢個騷一啲都唔易,最大關口係自己 ,大家鍾意我其實係僥倖。我真係唔夠歌開演唱會,演唱會總監就同我講入紙先啦,佢話入咗紙都未必批,可能要兩、三年先批,點知佢一吓就批咗!咁我努力出碟,希望唱多啲自己嘅歌,其實我又唔夠能力去唱,坦白講開騷兩星期前仲諗緊想取消!」

林家謙
林家謙一連7場紅館演唱會昨晚(28日)尾場。

他又說:「多謝Tyson,多謝阿樹(Serrini) ,佢哋每日都鼓勵我,有晚林夕打俾我,當時我練緊歌,為自己唱得唔好而沮喪中,唔知點解佢打嚟,講咗一啲好好嘅說話,令我有番力量再繼續做呢件事,所以好多謝夕爺!」之後他再多謝 Wyman:「我想多謝Wyman,因為呢個騷佢幫我寫咗一首好似演唱會嘅主題曲,但其實佢唔止係演唱會嘅主題曲,仲係覆蓋人生所有嘢,我哋所有人、所有嘅嘢,其實好多都冇得encore!」最後他感性說:「人生好多嘢冇得encore,完騷後可能有人會離開呢個城市,走咗之後希望仲記得呢個城市嘅一切,#我哋某年夏天再相聚!」全場報以熱烈掌聲!

完騷前家謙落淚剖白心情。

嘉賓方面有鄧小巧,她早前在外國公幹的她,趕返香港時相當辛苦:「可以話千辛萬苦,終於等到隔離3+4。我今日係黃碼人士 ,23號知道25號後黃碼都可入場館,咁我即刻買機票然後趕去機場,點知又攞唔到QR code上機,飛機飛走咗,跟住馬鞍到 ,我決定再試,用咗48小時喺機場等!」家謙感動說:「有你出現先至完美!」

林家謙
鄧小巧早前在外國公幹,趕返香港時相當辛苦。

Tyson Yoshi和Serrini,一上台就想除掉家謙身上的衣服,Serrini 跟Tyson說:「頭先你講咗,記得要做呀!」Tyson立即衝前將家謙「公主抱」,超級爆笑。陳蕾自爆運氣差:「年頭張敬軒開騷我做嘉賓,點知即爆第五波而煞停,今次我做嘉賓又遇上打風改期!」家謙即搞笑說:「咁即係關陳蕾事啦!」另外嘉賓RubberBand出場時,全場觀眾揮動螢光棒,十分之High!之後家謙和RubberBand 合唱《小涼伴》及《阿波羅》。

林家謙
Tyson Yoshi和Serrini,一上台就想除掉家謙身上的衣服,Serrini 跟Tyson說:「頭先你講咗,記得要做呀!」Tyson立即衝前將家謙「公主抱」!
林家謙
家謙和RubberBand 合唱《小涼伴》及《阿波羅》。
林家謙
還有陳蕾。
岑寧兒
娛樂

側田音樂會尾場邀老友Eric Kwok任嘉賓 盼下次不再闊別三年

側田 一連兩場音樂會《側田第一秒音樂會2022》前晚尾場,獲徐濠縈、劉浩龍、方力申、Gin Lee、Kira陳葦璇、Jolie陳逸璇、天衡@ONE PROMISE、袁偉豪、張寶兒等人捧場。

側田
側田一連兩場音樂會前晚尾場。
側田
(左起) 方力申、劉浩龍、徐濠縈、Gin Lee前來捧場。
(左二)Kira陳葦璇、(右一)Jolie陳逸璇。
側田
天衡@ONE PROMISE
袁偉豪、張寶兒

側田在第二場音樂會中,依舊以最「原汁原味」的演出示人,就像在一個大型band房內玩音樂一樣,以真摯的情感演繹每一首樂曲,更在台上quick change換帽換外套。側田除了大唱經典作品《情歌》、《你好》、《我有今日》、《男人KTV》、《好人》、《運》、《Kong》等等外,還有最新專輯《love songs from dreams》來的新歌《第一秒》、《大象席地而坐》、《Last Dance》等。

側田
側田在第二場音樂會中,依舊以最「原汁原味」的演出示人。

當準備介紹嘉賓出場時,側田説:「人愈大朋友就會愈來愈少,留得低嘅朋友唔會成日見,每次見都會一見如初,嗰種就係真正嘅友誼,我好開心搵到Eric同我做歌!」Eric出場後即表示:「香港有邊個男歌手可以唱到好似佢咁樣?真係冇!」二人在台上分享道,有日Eric寫了一首歌,寫完之後都很後悔,因為很難唱,其後在想只有側田可以唱這首歌。在沒有原因製作這首新歌的情況下,側田於音樂會頭場完騷之後,直接去錄音。其後,在這晚音樂會中突然唱這首剛錄音而且從未曝光的新歌《狗朋友》。

側田
當準備介紹嘉賓出場時,側田説:「我好開心搵到Eric同我做歌!」
二人在台上分享道,有日Eric寫了一首歌,寫完之後都很後悔,因為很難唱,其後在想只有側田可以唱這首歌。

因為Eric的穿針引線,令側田加盟環球唱片,對這一個行業和工作重拾信心。Eric透露側田經歷過很多事情,所以對人類失去了信心,但香港有這麼好的男歌手,是否不應留在泰國?隨即引起全場哄動!側田表示自己朋友不多,Eric是他一個很信任的人。然後二人唱出首次一起寫的作品《老伙記》,為彼此的友誼而高歌一曲!在音樂會安哥環節,側田為樂迷送上《Erica》、《Volar》和《很想很想說再見》,為一連兩晚音樂會畫上圓滿的句號,盼望下次不用等三年再次跟大家見面!

側田
盼望下次不用等三年再次跟大家見面!
娛樂

欣宜演唱會 尾場 曾相約上紅館要對方喺度 Joyce許廷鏗相擁爆喊:我哋今日做到喇

鄭欣宜 ( Joyce)《Between Us 鄭欣宜演唱會2022》 昨晚尾場,有張敬軒、MIRROR隊長Lokman、COLLAR等捧場,欣宜請了好友許廷鏗 (Alfred )做嘉賓,兩人合唱《好好戀愛》和《半份關心》。之後Alfred忍着眼淚說:「我有一種感覺係,可能我哋識於微時,太細個已經認識,所以喺呢個舞台上見到你係第二種感覺。」欣宜問:「係咩感覺?」

欣宜演唱會
鄭欣宜《Between Us 鄭欣宜演唱會2022》 昨晚尾場。
欣宜落力演出。
欣宜演唱會
張敬軒(右一)有捧場,相當興奮!
欣宜演唱會
Lokman
COLLAR

Alfred 說:「其實噚晚我有嚟睇,見到你不斷話:『唔係好sure自己係咪值得被愛!』」欣宜開始落淚,Alfred繼續說:「可能我見過佢嘅高高低低,甚至同佢一齊走過,喺唔同場合,由新人開始去到頒獎禮,有啲時候你睇住我上台,有啲時候我睇住你上台,無論我哋邊個係高,邊個係低,#我哋返到去都仍然喺大家身邊,呢個係最感動地方!」

欣宜演唱會
欣宜請了好友許廷鏗 (Alfred )做嘉賓,兩人合唱《好好戀愛》和《半份關心》。
欣宜演唱會
許廷鏗為欣宜抹汗。
Alfred說:「無論我哋邊個係高,邊個係低,我哋返到去都仍然喺大家身邊,呢個係最感動地方!」

之後Alfred送上自己的黑膠試碟,背面是兩人合照:「呢張係我同佢喺2015年12月15日影嘅一張相,點解我會用呢張相呢?嗰陣時我哋仲儍更更,2015年我哋都未上過紅館,但我哋話如果我哋有機會上到紅館,我哋要對方喺度,而我哋今日做到喇!」兩人相擁爆喊,台下掌聲雷動!之後欣宜說:「我唔得啦,你留喺度幫我,我要執執個妝,搞唔掂,多謝你許廷鏗,我嘅異父異母低能巨孖寶!」

欣宜演唱會
Alfred送上自己的黑膠試碟,背面是兩人合照,欣宜忍不住落淚!
Alfred 說:「我哋話如果我哋有機會上到紅館,我哋要對方喺度,而我哋今日做到喇!」
兩人相擁爆喊,台下掌聲雷動!
欣宜演唱會
之後Alfred唱欣宜點唱的《面具》!

欣宜落台後,Alfred說:「原諒我今日嘅狀態有少少奇怪,一來等咗呢日好耐,等佢上到紅館,同埋今日綵排嘅時候,佢坐喺角落,然後佢突然攬住我喊,因為我真係知一個歌手,要去面對紅館呢個舞台一啲都唔容易,佢呢三晚出咗200%努力同付出,我想大家當佢再出嚟時,用你哋嘅掌聲同尖叫聲話俾佢知,佢真係值得大家愛嘅一個香港歌手!」最後Alfred唱欣宜點唱的《面具》!

Alfred說:「今日綵排嘅時候,佢(欣宜)坐喺角落,然後佢突然攬住我喊,因為我真係知一個歌手,要去面對紅館呢個舞台一啲都唔容易。」
欣宜換了多套靚衫。
欣宜演唱會
很華麗。
觀眾一起做心心!
娛樂

Ian、Jer做尾場嘉賓好驚喜  王菀之約定下世再見  張敬軒感動爆喊

張敬軒 紅館演唱會昨晚(29日)尾場,MIRROR成員Edan(呂爵安)、193(郭嘉駿)、谷德昭等前往捧場,昨晚皇上破天荒請了三位嘉賓,包括「皇后」王菀之,MIRROR成員Ian(陳卓賢)和Jer(柳應廷),令觀眾超驚喜!

張敬軒
張敬軒紅館演唱會昨晚尾場,昨晚皇上破天荒請了三位嘉賓,王菀之第一個出場。

王菀之第一個出場,她讀出寫給皇上的信:「張敬軒,你過得好嘛?沒見面的日子,我同你同好多人一樣,都係好努力咁追尋自己夢想,有時好困難,但冇放棄,因為放棄咗成為定局,但唔放棄一直行落去仲有希望,所以我哋彼此努力啦,無論將來點,我都祝福你未來有更多個廿年做你夢想嘅事,生活開心自在;幾年前我哋喺同一地方你問我,如果下一世遇唔番我點算呢?」此時皇上忍不住爆喊,王菀之說:「我會搵番你!」皇上回應:「多謝皇后!」兩人相擁,場面催淚感人!

張敬軒
王菀之讀出寫給皇上的信,約定下世相見,皇上忍不住爆喊!
張敬軒
兩人相擁,場面催淚感人!

第2位嘉賓是Ian,他送上自己第一架擁有的模型車:「皇上好好,教我好多嘢,銘記於心,做人一定要有目標,我將模型車送俾你先,他日我有真車,第一時間車你遊車河。」皇上勁冧:「阿叔我心都融晒呀,陰公!好珍貴,有歲月痕跡!」皇上知道Ian 6月生日,又說:「我好老實,特別而家收入唔多,廣告又唔夠你哋多,我啲廣告賣咗幾年都俾你哋搶咗,我見到你拍銀行廣告好開心,開心見到你哋喺樂壇有成績,好多人支持你哋,接受長輩祝福,我同你唱隻生日歌。」

張敬軒
第2位嘉賓是Ian。
張敬軒
Ian送上自己第一架擁有的模型車,皇上勁冧:「阿叔我心都融晒呀,陰公!」

至於壓軸出場的Jer收工趕到紅館做嘉賓,Jer送禮時拿出自己珍藏多年的《酷愛》CD說:「今次禮物我有少少私心,係隻CD,呢隻係我人生第一次買嘅CD,所以今次我超榮幸可以喺台上請軒仔簽名….」皇上搞笑說︰「大家聽唔聽到個代溝,佢人生買嘅第一隻CD,就係我嘅碟,所以你送隻碟俾我幫你簽名。」見到皇上簽名,Jer即開心大叫︰「Yeah!多謝你呀!」場面搞笑!

張敬軒
Jer收工趕到紅館做嘉賓。
張敬軒
Jer送禮時拿出自己珍藏多年的《酷愛》CD請皇上簽名。