65歲的鄭裕玲（Do姐）效力無綫44年，是TVB台柱，有傳Do姐約滿後決定不再續約，展開新生活。Do姐今日主持電台節目《口水多過浪花》，直認已回復自由身：「3年疫情對大家唔多唔少心態上有啲改變，想試下自由身係點。」Do姐強調沒有和TVB鬧得不愉快：「我同公司交代嘅時候亦都係好開心，如果將來有咩節目係適合我，我亦覺得自己啱做，我都會同佢哋效力。」她強調不排除一切可能性，無論和哪一間機構，做些甚麼，都會考慮：「因為我想試新嘢。」

Do姐1978年因佳藝電視倒閉而轉投無綫，多年來拍過無數經典劇集，包括《網中人》、《親情》、《流氓大亨》等，她於1987年離開無綫轉戰影圈，之後移民加拿大，1992年返港回巢無綫，2000年憑《男親女愛》贏得視后，再創事業高峰。

另外，Do姐主持的綜藝節目《一筆OUT消》、「Do姐系列」嘅《Do姐去Shopping》、《Do姐有問題》、《Do姐再Shopping》同樣大受歡迎，又是每年台慶和香港小姐競選的金牌司儀，是全能藝人，多年來贏盡觀眾喜愛，如真的離巢，確實令人不捨！