標籤: 岑珈其

娛樂

膠戰SSP〡膠粉讚好笑到癲  6膠浴衣合照登陸尖沙嘴  Edan貼一家人心心emoji引過千留言

MIRROR演唱會事故後,12子即時停工兩個月,踏入10月,鏡仔拍攝嘅劇集和節目都陸續解禁。昨晚ViuTV就播出由MIRROR成員呂爵安(Edan)、岑珈其、劉沛蘅(Hillary)、徐浩昌(肥腸)、黃正宜(阿正)和魏浚笙(Jeffrey)6位膠人主持的《膠戰SSP》──《膠戰盛夏祭!爭奪高級浴衣大作戰!》,膠人大玩夏日遊戲,勝出者可以著高級浴衣、企C位影相,其他失敗者就要畫醜妝影大合照,結果最後由珈其勝出,大合照今日已經登陸尖沙咀九龍公園巴士站燈箱,直至下周四(13日),膠粉記得去打卡!

膠戰SSP
昨晚ViuTV播出6膠主持的《膠戰SSP》──《膠戰盛夏祭!爭奪高級浴衣大作戰!》。
膠戰SSP
膠人大玩夏日遊戲,勝出者可以著高級浴衣、企C位影相,其他失敗者就要畫醜妝影大合照。
膠戰SSP
最後由珈其勝出,大合照今日已經登陸尖沙咀九龍公園巴士站燈箱,直至下周四(13日)!
膠粉記得去打卡!

阿正昨晚在IG出PO多謝膠戰團隊:「好記得拍膠戰SSP前一晚,大家平均只係瞓咗一至兩個鐘,由凌晨3點半一直踩到深夜12點,呢種瞓身呢種熱血,對膠戰少啲愛都做唔到🔥!我哋瞓得少 更何況幕後團隊,特別多謝最強嘅膠戰團隊(要俾最熱烈嘅掌聲😭🙏),冇佢哋唔會造就到我哋,今集SSP好好玩🔥,我自己睇返都笑到傻咗🤣,希望你哋都睇得開心!」又感性寫道:「每次拍膠戰都抱住『唔知係咪最後一次』嘅心去盡情喪玩、好珍惜每一次咁開心嘅回憶,希望!希望我哋可以S3再見啦❤️,I love 6膠, I love 膠戰團隊, I love 膠粉!」

膠戰SSP
阿正昨晚在IG貼相多謝膠戰團隊。
膠戰SSP
阿正感性寫道:「每次拍膠戰都抱住『唔知係咪最後一次』嘅心去盡情喪玩、好珍惜每一次咁開心嘅回憶,希望!希望我哋可以S3再見啦!」

Edan亦在IG貼浴衣大合照,又用一家人和心心emoji,表達很愛6膠之情,引來超多爵屎和膠粉留言:「今晚真係笑到癲咗🤣🤣🤣6膠真係好正🥹❤️ 期待膠戰S3 😍我知道一定會等到的🥰!」、 「我愛膠戰 #一千季後都要推 #一千季後都要追!」、「今晚好好睇呀💖掛住你~」、「笑足全程😂期待膠戰s3 ❤️聽日衝去打卡!」、「好掛住你,ssp好好睇啊😍😍😍😍#爵安好好好好好靚仔!」

膠戰SSP
Edan亦在IG貼浴衣大合照。
膠戰SSP
Edan又用一家人和心心emoji,表達很愛6膠之情,引來粉絲過千留言!
娛樂

《膠戰SSP》鐵定10.8播 Edan被爆如廁塞爆廁所 肥腸徒手通渠獲激讚

MIRROR演唱會事故後,12子即時停工兩個月,隨着鏡仔下月復工,他們拍攝的劇集和節目都陸續解禁。今日ViuTV宣布由MIRROR成員呂爵安(Edan)、岑珈其、劉沛蘅(Hillary)、徐浩昌(肥腸)、黃正宜(阿正)和魏浚笙(Jeffrey)六位膠人主持的《膠戰SSP》──《膠戰盛夏祭!爭奪高級浴衣大作戰!》,鐵定在10月8日(星期六)晚上9時30分播出!

膠戰SSP
由六位膠人主持的《膠戰SSP》──《膠戰盛夏祭!爭奪高級浴衣大作戰!》,鐵定在10月8日播出!膠人將玩夏日遊戲,爭奪最終著高級浴衣的資格。

膠人將會大玩特玩夏日遊戲,爭奪最終著高級浴衣的資格。全集一共有四個遊戲,每個遊戲的勝出者都可以得到扭蛋機會,而扭蛋機裏面有不同的貼紙,膠人集齊一套 4 款浴衣配件(浴衣、扇、腰帶、木屐) 貼紙,就為之勝出,可以著上高級浴衣、企C位影終極大合照,而其他失敗者就會着上普通浴衣,畫上醜妝於大合照上出現。而這張終極大合照會在10月9日至13日期間,登陸尖沙咀九龍公園巴士站的燈箱,歡迎各位膠粉看完節目,再去打卡留念。 

膠戰SSP
節目中其中一個遊戲「死都唔眼閉」,六位膠人需要在坐過山車的時候,擘大雙眼望向前面的鏡頭。

節目中其中一個遊戲「死都唔眼閉」,六位膠人需要在坐過山車的時候,擘大雙眼望向前面的鏡頭,瞪開眼睛時間較長的參賽者則勝出遊戲。珈其未玩先驚,多次企圖臨陣退縮,都被隊員捉回來。Edan期間不斷露出經典驚青樣,不停大叫,而阿正玩之前更緊張得想大便,場面搞笑。

珈其未玩先驚,多次企圖臨陣退縮,都被隊員捉回來。
膠戰SSP
Edan期間不斷露出經典驚青樣,不停大叫。
膠戰SSP
阿正玩之前更緊張得想大便,場面搞笑。

而在另一個遊戲「答咗嘢 試吓唔好撞」,膠人需根據題目而寫出答案,如果答案同其他人不同就可得到一分,相反答案一樣就無分。Edan被其他膠人玩踢爆,大爆之前拍攝節目一同去宿營,Edan如廁後塞爆廁所,珈其形容整個廁所塞滿紙巾,最後肥腸竟然徒手通渠獲得大量讚賞!

另一個遊戲「答咗嘢 試吓唔好撞」,膠人需根據題目而寫出答案,如果答案同其他人不同就可得到一分,相反答案一樣就無分。
膠戰SSP
Edan被爆之前拍攝節目一同去宿營,如廁後塞爆廁所,肥腸竟然徒手通渠!
娛樂

釜山國際電影節〡岑珈其憑《IT狗》爭最佳男配角 凌文龍獲最佳新星大獎  梁詠琪憑《反起跑線聯盟》入圍女主角

韓國釜山國際電影節 將於10月8日下午舉行,ViuTV劇集《IT狗》和《反起跑線聯盟》分別入圍角逐第4屆「亞洲內容大獎」不同獎項。今年因擔正電影《緣路山旮旯》男主角而人氣急升的岑珈其,憑《IT狗》獲入圍提名最佳男配角,和其餘四位強勁對手爭獎,包括《魷魚遊戲》朴海秀、《Tracer》朴埇佑、《Hurts Like Hell》Vithaya Pansringarm和《八角亭謎霧》祖鋒。

釜山國際電影節
岑珈其憑《IT狗》獲入圍提名最佳男配角。
釜山國際電影節
岑珈其和其餘四位強勁對手爭獎,包括《魷魚遊戲》朴海秀(圖)、《Tracer》朴埇佑、《Hurts Like Hell》Vithaya Pansringarm和《八角亭謎霧》祖鋒。

而在《IT狗》飾演阿信的凌文龍,不但獲提名新演員獎,更獲「亞洲內容大獎」評審委員率先確定他獲得最佳新星大獎。凌文龍契媽余安安是香港電影金像獎協會董事,她獲邀成為終身成就獎的頒獎嘉賓。

在《IT狗》飾演阿信的凌文龍獲提名新演員獎。
釜山國際電影節
凌文龍更獲「亞洲內容大獎」評審委員率先確定他獲得最佳新星大獎。

另一套ViuTV劇《反起跑線聯盟》,其導演劉偉恒角逐最佳故事獎, 梁詠琪入圍爭女主角獎,她的對手包括《非常律師禹英禑》樸恩斌、《新聞記者》米倉涼子,以及《江照黎明》的馬思純等。

釜山國際電影節
梁詠琪憑《反起跑線聯盟》入圍爭女主角獎。

岑珈其對於獲提名覺得很開心和感恩:「好感謝韓國釜山國際電影節『亞洲內容大獎』嘅最佳男配角入圍提名,得到評審團嘅肯定同支持,已經好開心好感恩!今次提名絕對係一個超級大的鼓勵,得到呢一張咁好嘅成績表我會好好珍惜!我一定會繼續努力做好日後每一個作品,同埋真心要好多謝《IT狗》簡君晉導演,俾今次呢個機會我參演到Kenneth Sir呢個角色,最後一定要多謝喜歡同支持我嘅每一位朋友!」

岑珈其對於獲提名覺得很開心和感恩

梁詠琪覺得很驚喜︰「一個好大嘅驚喜!非常感恩可以同好多出色嘅演員一同入圍,我覺得十分榮幸。第一次拍劇知道自己有好多不足嘅地方,我仍然會謙虛地繼續努力。好感謝導演同台前幕後工作人員的誠意和努力,一部電視劇受觀眾歡迎,實在需要各方一齊努力方會成功。最開心係呢個劇在『提早暑假』嘅期間,帶咗好多歡樂俾家長同小朋友,同時好戥導演及工作人員開心。」

釜山國際電影節
《反起跑線聯盟》導演劉偉恒角逐最佳故事獎。
娛樂

《膠戰S2》幕後花絮超爆笑 珈其笑煨Sir係「細鵰」 Jeffrey:我俾Edan含…

膠戰S2》由呂爵安(Edan)、岑珈其、魏浚笙(Jeffrey)、徐浩昌(肥腸)、黃正宜(阿正)和劉沛蘅(Hillary)主持,播出以來大受歡迎,雖然節目1月尾已經播完,但膠粉直到依家都不捨得,狂推拍第3季!昨晚Edan在自己YouTube頻道上載《跟我去返工EP.10:史上尺度最大😱!!膠戰S2冬季旅行VLOG!》短片,還說:「可能我地平時溝通尺度都比較大,希望大家唔好見怪😂我哋S3見!」

膠戰S2
《膠戰S2》雖然1月尾已經播完,但膠粉直到依家都不捨得,狂推拍第3季!

短片一開始除了煨Sir Jeffrey外,5膠一起坐車去開工,阿正說:「冇Jeffrey冇動力,我同你講呢個Opening冇人睇!」之後阿正忽然捉着Edan的手狂讚他:「我不嬲都覺得Edan係一個好嘅Artist ,好全能,同埋佢對朋友好好,一定唔會post一啲或者出一啲好核突嘅圖同片,係唔係?」怎料轉頭Edan就出了阿正低炒、露出爆牙的「黑片」,結果當然被阿正打啦!

短片一開始除了煨Sir Jeffrey外,5膠一起坐車去開工。
膠戰S2
之後阿正忽然捉着Edan的手狂讚他:「佢對朋友好好,一定唔會post一啲或者出一啲好核突嘅圖同片!」
膠戰S2
怎料轉頭Edan就出了阿正低炒、露出爆牙的「黑片」,結果當然被阿正打啦!

之後大家去到拍攝現場,終於見到Jeffrey了,Edan問大家:「覺唔覺得Jeffrey學壞咗?」阿正立即說:「學壞咗啦!」Edan重提Jeffrey之前的有味留言:「有冇見佢喺我個post留言?我話我想做楊過,你就做隻鵬,佢就喺我個post留言:『佢話做你隻鵰?』仲要講咩……」Jeffrey接着說:「你想做細鵰定大鵰?」Edan向阿正投訴:「佢跟得你多!」阿正就問Jeffrey:「 其實你本身想講咩鵰先?」 Jeffrey解釋:「大家都有睇《神鵰俠侶》!」這時珈其忽然說:「佢哋話你係細鵰喎!」Jeffrey即時很尷尬,Edan就幫講說:「我見過,唔係嘅!」怎料Jeffrey忽然說:「我俾你含……」全場立即瘋狂爆笑!Edan說:「喂,我條Vlog出唔到街呀!」

膠戰S2
大家去到拍攝現場,終於見到Jeffrey了。
膠戰S2
Edan重提Jeffrey之前「你想做細鵰定大鵰」的有味留言。
膠戰S2
Edan和Jeffrey細鵰、大鵰對話,源自於這個《神鵰俠侶》造型。
膠戰S2
這時珈其忽然說:「佢哋話你係細鵰喎!」Jeffrey即時很尷尬!
膠戰S2
Edan就幫講說:「我見過,唔係嘅!」

很多膠粉都留言說看得很開心:「好掛住膠戰! 好掛住6膠! 多謝Edan!S2完咗就冇睇電視 ,每星期快樂泉源,一定要有S3 , S4!」、「好耐冇開心咁笑過,疫情期間真係需要多啲開心嘅嘢!」、「膠戰behind the scenes好搞笑,同埋六膠嘅火花好正,尤其係阿正同Edan呢對sister CP!」、「呢排啲新聞睇到令人好down及不能理解,疫症及戰爭沒完沒了, 真係好需要搵啲嘢調劑輕鬆下 ,6膠嘅化學作用真係冇得頂!」

膠戰S2
怎料Jeffrey忽然說:「我俾你含……」
膠戰S2
全場立即瘋狂爆笑!
膠戰S2
Edan說:「喂,我條Vlog出唔到街呀!」
娛樂

《膠戰S2》主題曲《膠on!》半日過10萬點擊 膠粉:MV超mm7,跪求第3季

ViuTV節目《膠戰S2》由呂爵安(Edan)、岑珈其、魏浚笙(Jeffrey)、徐浩昌(肥腸)、黃正宜(阿正)和劉沛蘅(Hillary)主持,播出以來大受歡迎,昨晚那一集6膠回饋粉絲,炮製了《膠戰》主題曲《膠on!》。6膠匯報MV構思時已經相當爆笑,最靚仔的Jeffrey弄了個《Jeffrey煨自肥企劃》,講述5膠被綁架,綁架和營救5膠都由他飾演,還提議全部人以光頭拍攝,笑到大家反肚!Edan因為自小很喜歡戰隊,所以提議5膠扮五色戰隊 ,一起打殘扮怪獸的阿正,珈其就參考電影《落水狗》和《Now you see me》,他們的任務是潛入ViuTV偷《膠戰》合約,改做100季!阿正就想在MV入面和Jeffrey結婚,阿正說完,導演已經即刻搖頭。結果導演將眾人構思集大成拍成MV,而當中有一句歌詞「Jeffrey Loves Bonnie (阿正英文名)」明益阿正!

膠戰S2
ViuTV節目《膠戰S2》播出以來大受歡迎,昨晚那一集6膠回饋粉絲,炮製了《膠戰》主題曲《膠on!》。
膠戰S2
最靚仔的Jeffrey弄了個《Jeffrey煨自肥企劃》,講述5膠被綁架,綁架和營救5膠都由他飾演,還提議全部人以光頭拍攝。
膠戰S2
Jeffrey的光頭構思,笑到大家反肚!
膠戰S2
Edan因為自小很喜歡戰隊,所以提議5膠扮五色戰隊 ,一起打殘扮怪獸的阿正。
膠戰S2
阿正扮演怪獸超爆笑!
膠戰S2
《膠戰S2》6膠還在MV跳舞。
膠戰S2
MV中有一句歌詞「Jeffrey Loves Bonnie (阿正英文名)」,明益阿正!

由於《膠戰S2》只剩下3集就播完,6膠當然不捨得,還呼籲膠粉狂loop MV,集氣叫ViuTV開拍第3季,Edan在IG留言:「睇咗MV未啊!未就即刻上YouTube睇啦!睇咗嘅就上去再睇!」阿正亦在IG留言說:「 我哋嘅友誼已經超越咗物種,怪獸同戰隊都可以成為最好嘅朋友。我真係好愛六膠呀!《膠On!》MV出咗喇,一齊Loop爆佢!好冇?」Jeffrey亦出post寫道:「 光頭煨正式誕生,邊個話我有偶像包袱!連光頭拍MV都俾我諗到,希望大家睇得開心聽得開心!愛六膠!」結果MV在YouTube上載半日,已經有超過10萬點擊,走勢凌勵!膠粉紛紛留言大讚MV搞笑:「 首主題曲同MV真係超mm7(『正』字的速成碼)呀,笑到我癲!」、 「上Chill Club唱live!」、「跪求第3季Please!」、「期待一百季!」、「呂爵安世一!」、「阿正做怪獸好正!」、「膠戰膠到暈,正!」群情洶湧!

膠戰S2
由於《膠戰S2》只剩下3集就播完,6膠當然不捨得,還呼籲膠粉狂loop MV,集氣叫ViuTV開拍第3季。
膠戰S2
Edan在IG留言:「睇咗MV未啊!未就即刻上YouTube睇啦!睇咗嘅就上去再睇!」
膠戰S2
Jeffrey出post寫道:「 光頭煨正式誕生,邊個話我有偶像包袱!連光頭拍MV都俾我諗到!」
膠戰S2
阿正亦在IG留言說:「 我哋嘅友誼已經超越咗物種,怪獸同戰隊都可以成為最好嘅朋友!」