標籤: 愛.回家

娛樂

細龍太陳偉琪激讚堂兄Frankie  自爆被《愛.回家》大前輩粗口問候

「細龍太」 陳偉琪(Vicky)最近改了新名陳思圻,她接受網上平台BOX channel林柏希主持的《月傾會》訪問。一開始林柏希問Vicky,為何無啦啦走去改名,Vicky說:「我想有個new start囉,我想喺我人生裏面有個新chapter!」

細龍太
「細龍太」陳偉琪最近改了新名陳思圻。

為了new start,Vicky問朋友借了6位數字改名:「我諗唔做舊公司大概年半度啦,我個人有啲lost呀,我其實係問朋友借錢幫我改名,問我啲好friend嘅friend,可唔可以借住少少嚟先!我逐個月逐個月還返俾佢哋㗎,我嗰陣時都有返工,做緊一個headhunt嘅executive search firm,我冇公開講過!」Vicky還大方公開,這份工月薪只有二萬多元!

細龍太
Vicky近日接受網上平台BOX channel林柏希(左)主持的《月傾會》訪問。

唔認有錢女 父母退休慳住使

一直有傳Vicky是有錢女,家住西貢獨立屋,Vicky澄清自己家境只是比上不足、比下有餘,更否認家住獨立屋。「我唔知點解傳到係獨立屋,細個嗰時,我諗我爹哋係搵到啲錢嘅,嗰時家境OK,我哋住跑馬地,住咗20年度啦,之後就搬咗!之後睇餸食飯囉,因為你老人家retired咗,始終只係有出冇入,所以佢哋都好慳住使!」

細龍太
一直有傳Vicky是有錢女,Vicky澄清自己家境只是比上不足、比下有餘,否認家住獨立屋。

人生新chapter包括最近為有線開電視,主持水著節目《Summer Girls》硬撼港姐,Vicky大讃《Summer Girls》班女仔很高質!離開TVB兩年,但《愛.回家》細龍太一角仍獲網民喜愛,Vicky說如果可以,她想一世做細龍太:「一世做細龍太都得,係我演活咗呢個角色,我係proud of呢一個角色,唔係個個都做到細龍太㗎嘛!」

細龍太
MIRROR成員皮皮Frankie是Vicky堂兄,Vicky讚皮皮細細個已經好靚仔!

想做Frankie女上司恰佢

大家都知,MIRROR成員皮皮Frankie(陳瑞輝)是Vicky堂兄,問Vicky有否想過找堂兄皮皮介紹,一起在ViuTV合作?她說:「我唔想影響我堂大佬,我嘅意思係,我唔會用呢啲卡住囉!」兩堂兄妹由細玩大,Vicky說皮皮細細個已經好靚仔:「細細個佢都係keep住靚仔嘅,冇核突過,哈哈哈!用一個親戚嘅眼光呢,佢係一個靚仔啦,跳舞好型囉,同埋佢係成日笑嘅人,我覺得佢係一個好順得人嘅人,乖仔嘅!」

如果有機會合作,堂兄妹演情侶又很怪:「你知我哋平時出嚟,好鬼正經㗎嘛,唔係拜山見就係拜年!好obviously,我恰佢,梗係好玩㗎!(你做佢女上司囉!)都OK喎!」

細龍太
Vicky說每年拜山和拜年,都會和堂兄相見。

選美有冇黑暗內幕?

去到重頭環節《大膽答 冇膽食》,今次不敢答問題就要罰飲香檳bottoms up!問選美入行的Vicky,有沒有黑暗內幕分享?當年哪位佳麗特別乞人憎?Vicky說:「我第一次選溫哥華小姐嘅時候,experience好差,我唔知點解啦,可能因為我真係好鬼妹仔feel,佢哋會同一班工作人員,同埋其餘9位佳麗,佢哋自己出去飲茶,淨係冇叫我!真心港姐係正常好多嘅!」

電影製作人撩簽約強吻 

Vicky一向魔鬼身材,問她覺得哪個artist鹹濕?Vicky說artist沒有:「我唔開名啦!有一個都幾出名嘅電影製作人,話簽我做artist,佢話上嚟office傾下啦,我心諗office唔使驚啦!佢話我下一套電影就俾你做女主角,跟住佢就俾contract我,話簽10年;之後佢同我講,你收入咁唔穩定,不如咁啦,你跟我出trip做我女朋友,我就每月俾兩萬蚊,something like that!」 

開完價還有行動:「跟住佢已經行緊過嚟,已經想咀我,我就嚇到傻咗,跟住我即刻擸袋跑出去!」Vicky透露這位電影製作人個名,有三個字、不是兩個字!

細龍太
Vicky曾被開價二萬出trip伴遊。

再問Vicky有否試過被人開價,她說經IG有人邀約做活動MC,但有額外要求:「我自己好鍾意食黑毛豬,我又會切俾我啲best friend同family食,有一位人士喺Instagram搵我,話有個job俾我做MC,佢話可唔可以帶隻ham嚟切,我覺得好OK呀!跟住又想我着啲咩衫,又話有幾多位老細喺度,佢話要招呼咁多個老闆㗎喎,我就心諗,咩叫招呼呢?」最後對方誇到開價80至100萬做一個MC,Vicky當然沒有理他!問Vicky如果對方開三千萬一晚,會接受嗎?Vicky肯定答:「唔會,因為你個遺憾係一世!」

細龍太
Vicky大爆被《愛.回家》大前輩粗口問候。

《愛.回家》大前輩爆粗:X交叉你

再問Vicky在舊公司TVB,覺得最受委屈的一次經歷是怎樣?原來同一個大前輩有關:「好多人會想教你點樣做嘢,你教我係真心想教我吖?定係你想show俾大家睇,你係number one呢?我會覺得嗰次,佢係可能show俾大家睇係number one!直接就X交叉你,你識唔識做戲㗎,你乜乜乜乜乜呀,X交叉你,呢啲係前輩,我睇緊啲位,諗緊點樣做,佢已經開始X交叉你啦!」

連鎖反應,連導演都X交叉Vicky:「個導演都會!我其實拎住個電話,係睇緊個劇本,或者我係part of我個戲,cut cut cut cut cut,做咩事呀你,做乜玩電話,我話part of個戲嚟嘅,好多呢啲事會發生啦……」Vicky透露,那位爆粗大前輩和導演,都是發生在《愛.回家》劇組!

細龍太
Vicky說:「好多觀眾成日同我講,等緊你返去《愛.回家》,兩年啦,依家仲等緊我返去!」

最後問Vicky,如果TVB找她回巢,願意嗎?Vicky答:「我真係好多謝《愛.回家》編劇,真係睇住我個character來寫,好錫住我啦!我會(返TVB)嘅,純粹係因為,我知道好多觀眾成日同我講,等緊你返去,到依家仲等緊我返去喎,兩年啦,依家仲等緊我返去!」Vicky如果回巢,都是為了觀眾!

娛樂

袁嘉敏 疑因呷醋喪鬧鍾培生 不滿男方同《愛.回家》葉蒨文來往?

37歲前港姐袁嘉敏,日前在IG喪鬧「富三代」鍾培生和他爸爸鍾仁偉不是好人後,即速離香港去巴黎,又說不想再透露發生甚麼事,因為太複雜和傷心,而鍾培生就回應說:「2021年初透過朋友介紹認識袁小姐,其後見面數次,聽了她的故事後為她提供經濟支持,其後認為性格不合,去年年中已經停止見面,直至去年年尾,袁小姐曾多次私下及公開地在社交媒體上騷擾本人及多位朋友,並且索求更多的經濟援助,本人對此採取冷處理對待,自此與袁小姐斷絕一切來往。」不過袁嘉敏反駁:「他說的不是事實。初期他自己主動提出一定要俾,說唔俾等於佔我便宜,是有俾過,之後再俾我就拒絕,說做朋友不要講錢,我不收。我拒絕了之後,他常打電話給我傾心事,都叫我每個電話收返他錢(每個電話一千元),我也不肯收的。」

袁嘉敏
袁嘉敏日前在IG喪鬧鍾培生父子不是好人後,即速離香港去巴黎!
袁嘉敏
鍾培生回應指袁嘉敏:「索求經濟援助,本人對此採取冷處理對待,自此與袁小姐斷絕一切來往。」
袁嘉敏
袁嘉敏反駁:「初期他自己主動提出一定要俾,說唔俾等於佔我便宜,是有俾過,之後再俾我就拒絕,說做朋友不要講錢,我不收。」

不過有報道指袁嘉敏和鍾培生斷絕來往,疑因爭風呷醋所致!報道指袁嘉敏和鍾培生去年撻着,還做男方軍師,鍾培生事無大小都會問女方意見,女方還經常在鍾家過夜,但可惜這段關係不可以公開,而鍾培生不時和其他女人扯上關係,又和在無綫《愛.回家之開心速遞》飾演「島大女神」的29歲葉蒨文(Sophie)出雙入對,令袁嘉敏很不開心!報道又指鍾培生對袁嘉敏的「經濟支持」每次廿幾萬,共進帳近百萬。

袁嘉敏
有報道指袁嘉敏和鍾培生去年撻着,兩人斷絕來往,疑因女方爭風呷醋所致!

袁嘉敏回覆傳媒時否認因為其他女人和鍾培生反面,問她有沒有收過男方近百萬,她說:「邊有100萬咁多!」又指數目很少,不值得提。至於葉蒨文就坦承和鍾培生認識多年:「我哋識咗好多年啦,有咁嘅傳聞可能因為之前去過仁濟個慈善晚會啫,但唔係佢帶我去,係我哋成班一齊去,普通聚會啫。」

袁嘉敏
報道指鍾培生和在無綫《愛.回家之開心速遞》飾演「島大女神」的葉蒨文出雙入對,令袁嘉敏很不開心!
袁嘉敏
葉蒨文坦承和鍾培生認識多年:「有咁嘅傳聞可能因為之前去過仁濟個慈善晚會啫,但唔係佢帶我去,係我哋成班一齊去。」
袁嘉敏
問袁嘉敏有沒有收過男方近百萬,她說:「邊有100萬咁多!」又指數目很少,不值得提。

葉蒨文之後在IG貼出男友合照澄清︰「其實我並唔介意呢啲花生新聞,做呢行預咗,當俾觀眾發洩同娛樂嘅渠道都係一種義工,我都算啦…但噚日星期日,我同我男朋友正值慶祝緊四周年紀念,雖然下個星期先係正日,但係難得星期日佢得閒唔使返工我哋一齊慶祝,食緊午飯嘅時候有記者不斷打電話發訊息給我,我講咗唔得閒都繼續問,回應咗兩句我話繼續慶祝都再問,電話不斷響都幾掃興,我係咁同男朋友講: 『唔好意思啊破壞晒個氣氛。』佢仲調返轉頭安慰我,謝謝你啤梨仔,很另類的四周年,經歷咗好多嘢,過往一兩年感恩面對逆境, 面對咁樣嘅社會氣氛,我都有你係我身邊,對於我哋來講最難過嘅關早半年前已經過咗,今次只不過係一件小事,我哋將會更加堅固,多謝所有親朋好友,關心我哋嘅人,我很好 我們很好,我收到好多訊息,你哋有心啦。」

袁嘉敏
葉蒨文之後在IG貼出男友合照澄清。