標籤: 星之子Tony

娛樂

Lokman 教跳舞愈搵愈少差啲轉行  憑《造星》扭轉命運

32歲的Lokman(楊樂文)是 人氣男團 MIRROR的隊長,他除了口才好、跳舞叻之外還很盡責,經常挺身保護兄弟,深受粉絲頭巾兵團喜愛 。其實Lokman做戲也不錯, 他在剛剛播完的《IT狗》飾演星之子Tony,其中一幕哭着以300萬將親生仔「智能水杯」賣給Moby救PayPayDuck,多層次的演技獲網民大讚!

我們找到一條Lokman2019年1月的直播考古片,當時他大爆教跳舞收入愈嚟愈少,差點想轉行,幸好有一起跳舞的好兄弟阿Dee和Alton力勸他參加《全民造星》,才將命運改寫,所以只要肯追夢,凡事皆有可能!

娛樂, 熱話

《IT狗》大結局    Never爆笑發威:我係Touchwood創辦人呀  魯庭暉讚Frankie: 佢係一位演員

IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)、余逸思等主演,劇集開播以來大受歡迎,演員表現出色,網民大讚飾演葉念信的凌文龍好戲,含淚食麵一幕觸動不少網民,Lokman飾演「星之子Tony」亦有不錯表現,至於處男拍劇的Frankie,其扮演放負的Never可愛爆笑,令人驚喜,在昨晚(4日》播出大結局後,還被ViuTV董事及總經理魯庭暉大讚:「 係一位演員。」

IT狗
ViuTV原創劇《IT狗》開播以來大受歡迎,演員表現出色。
IT狗
Frankie扮演放負的Never可愛爆笑,令人驚喜!

大結局講述阿信等人要揭發萬鈞AI Moby的陰謀,Frankie和Lokman要協助阿信潛入AI Moby發布會,兩人要拖延時間,於是在門口白撞想入會場,當保安問他們是誰時,Lokman便說:「Never,你話俾佢聽我係邊個?」 Never說:「星之子你都唔識。」Lokman叫Never有氣勢些, 一直負能量爆燈,說話陰聲細氣的Never竟然大發神威說:「唔識得佢唔緊要,都識得我呀嘛,我係Touchwood創辦人Never呀呀呀呀!」令人爆笑!

IT狗
萬鈞為AI Moby舉行發布會。
IT狗
阿信等人要揭發萬鈞AI Moby的陰謀。
IT狗
Frankie和Lokman要協助阿信潛入AI Moby發布會,兩人要拖延時間,於是在門口白撞想入會場。
IT狗
當保安問他們是誰時, 一直負能量爆燈,說話陰聲細氣的Never竟然大發神威說:「我係Touchwood創辦人Never呀呀呀呀!」
IT狗
之後兩人忽忽跳舞,超爆笑!

之後魯庭暉在IG寫道:「當然,Frankie 嘅演技唔係乜嘢神級。但我覺得,佢今次,係一位演員。啲人話因為佢個性格都似Never,所以咪做得好囉;我唔贊成。任何一個人對住鏡頭,背住對白,做第二個人,就算你嘅性格同嗰個角色好似,你估咁就好易呀?係,係易啲啲,但當中一定需要有努力、沉澱、投入…先至會令人知道,嗰個係Never。呢一點,證明佢今次,係一位演員。」

IT狗
之後魯庭暉(右)在IG寫道:「當然,Frankie 嘅演技唔係乜嘢神級。但我覺得,佢今次,係一位演員。」
IT狗
魯庭暉寫道:「啲人話因為佢個性格都似Never,所以咪做得好囉;我唔贊成。」

魯生又說:「呢篇嘢,冒着生命危險寫:一陣花姐又話我做乜淨係講一個唔講埋另外嗰啲Mirror囝囝;金生又話我做乜唔讚下製作團隊;仲有呀藝人部主管又投訴我唔提吓其他artists。咁呀,唔講唔讚唔提,唔代表唔上心,咁唔通呀,《IT狗》裏面其中兩位演員,拍咗另一套嘢,我睇完rough cut (演員未睇)之後我覺得嗰套嘢一出街有機會令人眼前一亮我又周圍話俾人聽咩。講、讚、提….不如做啦。」之後Frankie回覆魯生:「多謝魯生,我會繼續裝備自己㗎!Never say never!」而花姐亦轉載魯生個貼文寫道:「Never say never!」 相信花姐沒有詐型!

IT狗
之後Frankie回覆魯生:「多謝魯生,我會繼續裝備自己㗎!Never say never!」
IT狗
花姐轉載魯生個貼文寫道:「Never say never!」 相信花姐沒有詐型!

33歲的Frankie為人低調,曾經被經理人花姐指他存在感不高,早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心:「因為我性格嘅問題,我都要爭取多啲嘢嘅時候,可能力度唔夠大,自己久而久之會有少少唔開心嘅係,我努力咗可能公司未睇到。」魯生這一讚,證明Frankie的努力,公司已經看見了,加油呀!

IT狗
33歲的Frankie為人低調,曾經被經理人花姐指他存在感不高。
IT狗
早前他接受美國華語節目《偶像名人堂》越洋訪問,就坦言曾經因為發展步伐比其他MIRROR 成員慢而不開心。
IT狗
魯生這一讚,證明Frankie的努力,公司已經看見了,加油呀!
IT狗
Frankie和一眾《IT狗》演員在大結局後開live,還騷出《大台理論》。
IT狗
導演彭秀慧開live時大爆阿信父親是導演羅永昌,曾擔任《鎗火》、《暗戰》執行導演。
娛樂

《IT狗》演員直播選金句 Never講「樂觀地悲觀」好正 網友:Frankie之後會唔會多啲戲份?

ViuTV原創劇《IT狗》開播以來大受歡迎,劇情膠得來相當爆笑,金句多多,收視由首週4.1升至第2周4.6,成為開台以來收視第二好的原創劇。昨晚劇集播完後,《IT狗》一眾演員在FB開直播,出席的包括葉念信(凌文龍飾)、星之子Tony(Lokman飾)、Kenneth sir(岑珈其飾)、男B(陳湛文飾)、女B(余逸思飾)、蒙玲(陳漢娜飾)、Never(Frankie飾)、Marcus(Stanley飾)、Johnny仔(鄧子超飾)、東邪(李靖筠飾)、Loutivation阿Lou(周祉君飾) 、水母創投開開(林家熙飾)和導演簡君晉。

Frankie
《IT狗》開播以來大受歡迎,劇情膠得來相當爆笑,金句多多,收視由首週4.1升至第2周4.6,成為開台以來收視第二好的原創劇。
Frankie
昨晚劇集播完後,《IT狗》一眾演員在FB開直播。

Lokman全程擔任主持角色,他問大家最喜歡劇中邊一句金句,珈其說:「我好鍾意導演寫俾我第一場戲嘅一句對白:『機會係留俾有機會嘅人!』呢句嘢係有啲深度。」陳漢娜就喜歡Never說的:「樂觀地悲觀。」Johnny仔說:「我好鍾意阿信講菠蘿Pizza嗰句:『如果你喺意大利,晨早死咗啦!』喺意大利真係會死㗎!」凌文龍就鍾意當PayPayDuck俾人搶咗,珈其跟他說比譬那句:「你老婆俾人搶咗,你仲要同佢一齊瞓呀? 」珈其說:「呢句係即興改嘅!」怎料男B陳湛文搞笑踢爆:「你成日即興改㗎啦!」

Frankie
陳漢娜就喜歡Never說的:「樂觀地悲觀。」

之後大家說很難忍笑場口,男B說:「第三集我同女B去WOW嗰度見Marcus,晨早流流俾Stanley同成班員工WOW WOW WOW,你知唔知佢哋嘅能量好似希臘悲劇咁慢慢壓埋嚟,要迫你笑,好辛苦,晨早流流要忍笑好難頂!」導演簡君晉指富三代嗰條線很多場都很好笑!珈其問導演為何飲熱杏霜等如壞人,簡君晉就搞笑說:「我好唔鍾意飲熱杏霜,我有朋友久唔久就會飲,所以我會毫不留情地鄙視佢哋,其實好多嘢都係個人感覺!」

Frankie
凌文龍都讚Frankie有一幕很正:「 有一幕講倪晨曦上PayPayDuck嘅時候,我突然間要發表偉論,之後皮皮即刻開着咗個吸塵機,時間好準!」

Frankie飾演負能量的Never被讚搞笑,凌文龍都讚Frankie有一幕很正:「 有一幕講倪晨曦上PayPayDuck嘅時候,我突然間要發表偉論,之後皮皮即刻開着咗個吸塵機,時間好準!」直播期間,網友反應熱烈,有網民就留言問:「Never 之後會唔會多番啲戲份?」、「開開vsNever 係最正嘅場景!」、「Never 呢兩集冇出現係咪因為要撈返正職做MIRROR?」又有網民留言跪求實體版《大台理論》、星之子Tony簽名、「披皮」真迹,期待Never冲咖啡等,還要強烈要求開第2季:「 強烈要求出實體版《大台理論》,我一定買,仲要求劇組出《IT狗》第2季!」可見劇集受歡迎!

Frankie
有網民留言跪求實體版《大台理論》、星之子Tony簽名。
娛樂

連登仔還原Lokman被起底情節 《IT狗》向《英雄本色》致敬超爆笑

ViuTV劇集《IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)等人主演,播出以來討論度超高,該劇不時狂寸香港社會現象,雖然劇情推進有些慢和鬆散,但網民覺得膠得來很好笑,還大讚Lokman飾演「星之子Tony」做得好,Frankie扮演的放負Never相當爆笑!

Lokamn
ViuTV劇集《IT狗》由凌文龍、陳漢娜、岑珈其、陳湛文、MIRROR成員Lokman(楊樂文)、Frankie(陳瑞輝)、Stanley(邱士縉)等人主演,播出以來討論度超高。
Lokman
網民大讚Lokman飾演「星之子Tony」做得好,前財政司長曾俊華(左)亦有驚喜登場。

昨晚一集都相當精彩,劇情講述倪晨曦(Elva)客串飾演的「環保KOL」Charlotte,為了舉行一場環保婚禮,避免親友用利是封破壞環境生態,於是找葉念信創立的人情電子支付平台「PayPayDuck」合作,還由星之子Tony和Charlotte接受傳媒訪問,之後Tony就被網民開Post狂寸:「覺唔覺得呢條左膠Tony好煩?」又說:「用利是封都係罪,咩世界?」、「聽完條左膠講嘢之後,決定以後用兩個利是封入錢!」、「PayPayDuck全部起底!」因此Tony要刪除IG不環保的相,包括食牛扒、用紙巾等!怎料有連登仔看完之後真的用「覺唔覺得呢條左膠Tony好煩?」開post搞Gag寸Tony,留言:「決定以後用兩個利是封入錢!」還抵死到走去Lokman現實中的IG找他用飲管的相,指他不環保,還完劇中情節,相當爆笑,可見劇集成功吸引網民!有連登仔大讚Lokman:「好想同Lokman互動,佢演得太正!」、「X,套嘢幾好睇!」

Lokman
昨晚一集劇情講述倪晨曦客串飾演的「環保KOL」Charlotte,為了舉行一場環保婚禮,避免親友用利是封破壞環境生態,於是找葉念信創立的人情電子支付平台「PayPayDuck」合作。
Lokman
星之子Tony和Charlotte接受傳媒訪問。
Lokamn
之後Tony就被網民開Post狂寸:「覺唔覺得呢條左膠Tony好煩?」
Lokman
劇中網民要將PayPayDuck全部起底!
Lokman
因此Tony要刪除IG不環保的相,包括食牛扒、用紙巾等!
Lokman
怎料有連登仔看完之後真的用「覺唔覺得呢條左膠Tony好煩?」還完劇中情節,相當爆笑!
Lokman
有連登仔留言:「決定以後用兩個利是封入錢!」
Lokamn
連登仔抵死到走去Lokman現實中的IG找他用飲管的相,指他不環保。
Lokman
連凌文龍都玩埋!

昨晚《IT狗》還向周潤發主演的《英雄本色》致敬,話說飾演男B的陳湛文辭職後扮Mark哥跛下跛下在停車場吃飯盒,之後凌文龍飾演的阿信見到男B這麼潦倒,相當激動,兩人相擁,盡顯兄弟情!網民大讚無論鏡頭、服裝和造型跟《英雄本色》幾乎一模一樣,神還原周潤發、狄龍的經典場面,令人好笑又驚喜!陳湛文昨晚亦有在fb留言:「呢一幕係簡導由衷想向《英雄本色》致敬嘅一筆。能夠成為向經典致敬嘅一員,喺感動萬分之餘,伴隨住嘅係見到一種曙光……因為曾經有一段時間,紛紛眾說『青黃不接』,我唔敢講我哋接到/接咗棒,但我想講而家已有一班傻佬傻婆不繼咁開拓、探索緊一個未知嘅新世界。」

Lokman
昨晚《IT狗》還向周潤發主演的《英雄本色》致敬。
Lokman
話說飾演男B的陳湛文辭職後扮Mark哥跛下跛下在停車場吃飯盒。
lokman
神還原《英雄本色》經典場面。
Lokman
之後凌文龍飾演的阿信見到男B這麼潦倒,相當激動,兩人相擁,盡顯兄弟情!
Lokman
網民大讚無論鏡頭、服裝和造型跟《英雄本色》幾乎一模一樣。