恭喜教主！韓國年度音樂盛事《MAMA音樂頒獎禮2021》今晚在首爾舉行，《MAMA》如往年一樣，滙聚多位K-pop頂級歌手及觸目新星，席上除頒予獎項給韓國歌手外，亦會頒發獎項表揚亞洲各地出色的歌手，其中香港人氣男團MIRROR 成員Anson Lo（盧瀚霆），在本年度歌影視三方面發展均發熱發亮，獲最佳亞洲華語地區新人獎（Best New Asian Artist – Mandarin）殊榮，衝出香港，揚威海外，令神徒超級驚喜！

Anson Lo在IG 感謝：「這輩子也沒有想過，可以在MAMA頒獎禮上看見自己的名字，感激一直支持我的每一位，感恩每一次的演出和工作機會，希望有更多人能夠認識香港音樂、認識香港歌手、認識MIRROR，我會繼續努力！Thank you so much！」而好兄弟姜濤立即祝賀他：「You deserve it ！」Edan（呂爵安）亦有留四個心心公仔，叫Anson Lo「老公」的欣宜激動留言：「 Omg im like crying… so happy for you! This is major!!!」神徒亦紛紛留言祝賀教主：「好叻仔！」、「太強了！」、「以教主為榮！」

教主：登上MAMA舞台係我嘅夢想

Anson Lo今年除了推出的個人歌曲《Megahit》、《不可愛教主》、《EGO》，擁數百萬爆破點擊外，主演的電視劇《大叔的愛》亦叫好叫座，再加上首部擔演的電影《假冒女團》上畫，氣勢銳不可擋，人氣遍布亞洲各地。教主接受訪問時對獲獎直言十分驚喜：「好多謝2021 MAMA頒發呢個殊榮俾我，超級開心同榮幸，能夠得到今次殊榮及登上2021 MAMA舞台，係我一直以來嘅夢想，今次獲得2021 MAMA認同，絕對係好surprise，而且亦好鼓舞，自己今年做過嘅嘢得到唔同嘅人欣賞及支持，鼓勵到我嚟緊演藝路上繼續努力，俾觀眾睇到更多自己不同一面。」

榮耀歸MIRROR

Anson Lo亦不忘感謝身邊支持他的觀眾及神徒，他更將得到的榮譽跟MIRROR好兄弟分享，他說：「希望大家會繼續支持我、支持MIRROR，冇MIRROR就唔會有Anson Lo存在，冇每位觀眾支持同留意，亦唔會有呢個獎誕生，所以呢個獎唔係屬於自己，係屬於每位觀眾、每位神徒，屬於MIRROR整隊，多謝你哋！」

問到教主得到2021 MAMA殊榮，會否對他在年底競逐香港樂壇獎項注下強心針？他大方表示：「唔可以咁比較，得到2021 MAMA殊榮真係好驚訝，其實今年每完成一個工作，都冇諗過會得到咁多認同，我對年底頒獎禮冇諗太多嘢，由出道至今都係隨緣心態，攞唔攞到獎唔係最重要嘅一環，反而覺得最重要係能唔能夠俾觀眾睇到自己，擴濶自己接觸到嘅觀眾層面。」

欲嘗試Rap歌

此外，回顧展2021年的發展，教主指對自己表現尚算滿意，他說：「我對自己表現滿意，係因為大膽咗，喺唔擅長、唔熟悉嘅工作範疇上，好短時間就可以適應，唔會再好似出道時候咁驚。」提到新一年的工作方向，他指自今年有演戲經驗後，希望可以嘗試更多不同角色，所以下年會花多些時間在電影及演戲方面，而音樂路上他亦會嘗試不同風格、MV風格，教主指對Rap愈來愈感興趣，他透露希望來年歌曲上會增加Rap的部分。