李駿傑 Archives - METRODAILY

娛樂

陳卓賢Ian原擔任林俊傑演唱會嘉賓但臨時被取消主辦單位解釋⋯⋯

林俊傑（JJ）的《JJ20世界巡回演唱會香港站》昨晚（3月19日）在中環海濱舉行第三場演出，外界一直流傳MIRROR成員陳卓賢（Ian）昨晚擔任嘉賓，但最終整晚都未見任何MIRROR成員現身，不少鏡粉大感失望！事後主辦方解釋，是溝通上出現問題⋯⋯

林俊傑演唱會陳卓賢Ian原擔任嘉賓

JJ一連六場《JJ20世界巡回演唱會香港站》日前在中環海濱舉行，第二場（18日）請來歌手黃貫中任嘉賓，兩人合唱《海闊天空》；但昨晚第三場的嘉賓一直盛傳是MIRROR成員陳卓賢（Ian），部份hellosss（Ian粉絲名稱）更早已買飛支持，不過最終只有JJ一人由頭唱到尾，Ian未有踏上舞台。

在差不多完場的時候，MIRROR成員Stanley(邱士縉)在IG上載與AK(江𤒹生)、Lokman(楊樂文)、Ian(陳卓賢)、Jeremy(李駿傑)、Tiger(邱傲然)及Alton(王智德)的合照，並留言說︰「要記念吓！！」

其中Ian亦有在IG轉發合照，並留言︰「記低」；同時有人發現Ian沒有follow JJ的IG，但未知是否與事件有關。

而主辦單位回覆傳媒查詢則説：「由於製作團隊與MIRROR方面溝通上出現問題，所以取消相關演出環節。」而MakerVille及經理人花姐則暫未有回應。

2023 年 3 月 20 日2023 年 3 月 20 日

娛樂

MIRROR首部電影作品《12怪盜》 12子型爆造型曝光

本地人氣男團MIRROR工作冇停手，昨晚隊長Lokman（楊樂文）、Stanley（邱士縉）、Edan（呂爵安）和Anson Lo（盧瀚霆）出席第16屆亞洲電影大獎作頒獎嘉賓，今早Edan和Anson Lo便現身機場出發日本拍戲。而今個周五（3月17日）MIRROR亦會推出首支英文團歌《RUMOURS》正式進軍海外市場，MIRROR的官方Instagram頭像亦由隊徽換成黑底白字歌名。未待新團歌發布，今日Instagram用戶「we12.movie」和Facebook專頁「12怪盜 WE 12」就發布了MIRROR首部電影作品《12怪盜》的消息，讓鏡粉極為期待。雖然未有公布電影細節，不過單憑12子穿上一身型格黑色裝扮，Anson Lo和AK露出壯闊麒麟臂，或者會是鬥智鬥力的打鬥電影？

2023 年 3 月 13 日2023 年 3 月 13 日

娛樂

Jeremy 孖吳林峰首次作曲新歌《阿波羅》談經歷過後成長

MIRROR成員李駿傑(Jeremy）是今年新人，他第3首派台歌《阿波羅》今日面世，這次他首度與吳林峰一同作曲，實行我手寫我心。新歌中午12時在叱咤樂壇首播，他的粉絲Unicorn大讚好聽，還說：「好想MV快啲出呀！」不過Jeremy為了新歌，將已度好的拍攝橋段推翻，重新構思，所以《阿波羅》MV會延後推出。

在經歷過《半》了解自己不同面向，以及《九》選擇過後的後果，今次Jeremy想以新歌《阿波羅》大談經歷過後的成長。Jeremy分享創作經過：「第3首歌想Keep住今年前兩首歌所講嘅光明與黑暗嘅對立，腦內突然想到光明之神阿波羅，然後睇資料就發現，原來光明之神都做過啲好黑暗、好殘忍嘅事情，但最後都因為佢做過嘅事情，而經歷過好多唔同事情，令佢多咗唔同嘅營養，知道自己點樣成為光明之神。呢個故事啟發咗我寫呢首歌。」

仍在構思第3首歌的最初期，Jeremy已經想到要由自己寫歌，但他有感自己寫歌未夠班，所以找來吳林峰幫手。Jeremy跟吳林峰分享了他對歌曲的構思，結果二人在互相配合、磨合下完成了旋律的創作。「好感謝吳林峰幫手，佢都話用咗差不多一個月去作呢首歌。佢都係為呢首歌好，用咗好多精力，去到而家可以俾大家聽，我內心都好感謝佢。」其實促成今次Jeremy首次處男創作，還多得王雙駿( Carl)，Jeremy道：「同Carl叔講想作歌時，佢都好支持我，所以當有Carl叔允許後就更加有信心去做《阿波羅》。」三度跟Carl及周耀輝合作，Jeremy表示過程中大家都好明白大家想要的效果，所以創作過程都十分順暢。

至於《阿波羅》的MV，本應跟歌曲同日推出，不過Jeremy將本來已計劃好的拍攝方案推倒重來，所以今次MV將於稍後面世，Jeremy道：「我想呈現更加好嘅畫面俾大家見到，所以就突然改變咗方向，需要更加多嘅時間做前期準備功夫，希望大家都可以繼續期待。我都好想同大家一齊見證一個更加符合呢首歌嘅MV，希望MV出街嗰日可以Surprise到大家啦！」

2022 年 10 月 27 日2022 年 10 月 27 日

娛樂

MIRROR下月籃球賽公開露面盧瀚霆 x 鄭欣宜拉闊重臨全面復工鏡粉興奮

MIRROR 紅館演唱會事故至今兩個多月，So Ching（蘇芷晴）男友阿Mo（李啟言），仍然在伊利沙伯醫院神經外科病房接受治療，情況穩定。意外後，MIRROR停工2個月，踏入10月，MIRROR正式復工，推出全新派台團歌《WE ALL ARE》，新歌推出3日，點擊率已起過84萬，成續亮麗，今日亦頻頻傳來喜訊！

今日商台公布，11月11日MIRROR 將會聯同 ERROR、方力申、林奕匡、張繼聰等參加《903 AllStar籃球賽》，是MIRROR在紅館騷事故後首次出席公開活動。鏡粉知道後即興奮留言：「支持MIRROR！」、「期待咗好耐，一定要入場支持籃球王子姜濤！」、「支持藍神陳卓賢Ian aka卓立鋒！」、「期待呂爵安edanlui！」、「當日好似係《季前賽》大結局，一齊睇！」

另外商台同時公布由Anson Lo（盧瀚霆）和鄭欣宜合作的《拉闊音樂會神の拉闊鄭欣宜 x 盧瀚霆》，落實於11月13日舉行！近日Anson Lo和隊友Jeremy（李駿傑）飛去韓國旅行，之後轉飛日本，相信教主叉完電回港後，便投入為拉闊做準備。神徒知道消息都很興奮：「終於等到啦，好掛住教主呀!」、「Anson 同 Joyce 加油，熱切期待！」、「好開心呀！」

2022 年 10 月 13 日2022 年 10 月 13 日

娛樂

爆料已開會傾構思正籌備MIRROR 2022年演唱會 Edan：又期待又好緊張

MIRROR 早前宣布一連四個星期五晚，派出不同成員在ViuTV官方fb開live，跟留家抗疫的鏡粉聊天，昨晚就有Edan（呂爵安）、Jeremy（李駿傑）和Tiger（邱傲然）。剃了鬚的Edan竟然用經理人花姐的相做背景圖片，他搞鬼說：「因為我要提醒自己唔好亂講嘢，我有啲咩就望一望張相，OK，知道，我唔講住喇！」Jeremy用新歌《半》的相做背景，Edan笑「Jeremy」這個英文名很普通：「不如你叫Half Lee啦！」Jeremy即刻爆笑：「Half都OK喎，一定冇人叫呢個名！」成功幫兄弟宣傳新歌！

Edan還說很難得請到Tiger開Live，和Jeremy一起熱烈歡迎他，Tiger承認兩年沒有開直播：「我出道嗰年開過一兩次Live，跟住從來都冇開過，依家疫情肆虐，希望同咁多兄弟俾啲開心大家！」Tiger透露接了一套拳擊劇，不過因為疫情不斷延遲：「我唔會因為呢套劇再練大隻，我係打拳嘅，係一個師兄，但純粹因為喺嗰度留得耐，而唔係因為我好打，係要一個好潺嘅效果，呢套劇認真得嚟，有啲好好笑好得意嘅嘢，我自己都好期待開始劇組嘅工作！」

Edan就話拍《季前賽》很開心，因為自己很喜歡打籃球，還說自己的3分射球準了很多，Tiger問姜濤和Ian（陳卓賢）是否球技了得時，Edan即冷笑說：「望吓花姐先，呢個問題嚟講呢，大家都好波，我費事亂講嘢！」他又透露原本二月尾推出新歌：「不過因為疫情拍唔到MV，暫時目標係3月尾出新歌，今次會係一首唔同嘅歌！」

去年有傳MIRROR將會於今年 7月於紅館舉辦十場演唱會，但未經ViuTV證實，但Edan在開Live途中突然大爆數日前12子透過Zoom開會商討演唱會事宜，變相證實正籌備今年演唱會，令鏡粉超興奮：「前幾日幾得意，我哋第一次用zoom見大家，我覺得成件事好搞笑，我哋傾一傾演唱會，嗱，唔好望住我，我問咗佢㗎（指向花姐背景），我哋傾吓大家有咩想做，係好初步嘅會議，上年演唱會6場諗番好近，原來已經一年。」Tiger和應說：「嗰晚傾完更加期待，依家現有嘅嘢已經有好多無限嘅可能，可以有好多唔同嘅嘢出到嚟！」Edan話：「又期待又好緊張！」

2022 年 3 月 12 日2022 年 3 月 12 日

娛樂

Jeremy 等到頸長終出處男歌《半》 Stanley3年前激讚係唱將：MIRROR好彩有你

26歲的MIRROR成員Jeremy（李駿傑）等了3年，今日終於推出處男Solo歌《半》，Jeremy在IG表達心情：「我同你哋一樣好心急，不過好嘅嘢，係需要等待的，一切都是最好的安排！」他的粉絲Unicorn就大讚Jeremy唱得好聽、MV很型很大膽：「唔係一首普普通通嘅歌，係藝術品！」、「高音王！」

Jeremy曾經在《全民造星》時爆喊跟花姐說，無論自己有多努力，但永遠都要站在最側面位置：「點解我唔想做個隱形人，都係要變個隱形人！」感動不少粉絲。其實梁祖堯在節目《調教你MIRROR》讚過Jeremy是眾多成員中最溫柔，而且很有魅力，好期待Jeremy的單飛作品。而和Jeremy一起開設YouTube頻道《巨龍與豬仔》的隊友Stanley（邱士縉），在2018年11月的考古直播片，已經大讚幸好MIRROR有Jeremy，何解？一起聽聽！

2022 年 2 月 22 日2022 年 2 月 22 日

標籤: 李駿傑

陳卓賢Ian原擔任林俊傑演唱會嘉賓 但臨時被取消 主辦單位解釋⋯⋯

林俊傑演唱會 陳卓賢Ian原擔任嘉賓